مبتعث جديد New Member
الولايات المتحدة الأمريكية
عبدالله ss , ذكر. مبتعث جديد New Member. من السعودية
, مبتعث فى الولايات المتحدة الأمريكية
, تخصصى موظف حكومي
, بجامعة none
- none, none
- السعودية
- Jan 2009
المزيدl January 20th, 2011, 06:03 PM
January 20th, 2011, 06:03 PM
يا اخوان انا ولله الحمد موظف ضابط ووظيفتي حالياً تعطيني راتب وقدره ولكن ماني مرتاح فيها كون انها حكومية ما اطول عليكم انا ارغب في اني افصل من هذه الوظيفة وارجع ادرس من جديد بكالوريوس هندسة لاني احس اني عاشق لهذا العلم وناوي اكمل ان شاء الله حتى الدكتوراه .. اسئلتي : انا عمري تقريباً 28 سنة هل تؤثر علي في دراستي للبكالوريوس من جديد يعني امكانية القبول من عدمه ؟ هل امكانية الانضمام للبعثة بعد اللغة الانجليزية مضمون او لازم من الـ 30 ساعة ؟ ارخص مدينة في امريكا او كندا و كلهم عينين في راس من ناحية المعيشة وامكانية الحياة فيها بدون اي مشاكل ؟ طبعاً معاي بكالوريوس علوم عسكرية بمعدل4.65من 5 وادرس حالياً بكالوريوس ادارة اعمال بنظام الانتساب المطور ومعدلي فوق 4.23 حالياً من 5 ومعدلي في الثانوية العامة 93.64% علمي اتمنى منكم الردود اللي تفيدني حيث اني والله ارغب بالدراسة ولكن من اللي اشوفه هنا في هالمنتدى احس انا الدنيا سوداء شوي فيا ليت تفيدوني والف شكر مقدماً .. اعتقد وانا اخوك ان البكالريوس لو سن محدد بس مدري كم
تحصلو في موقع الوزااارة... تقريبا 26 ,مو اكيد بس اعتقد لاني قريت قريب بس نااااسي روح ارجع واتحصل
dr.sa3mi January 20th, 2011, 06:14 PM
7 " والله ماعليك من خرابيط هالمنتدى..
رح واستفسر بنفسك من خبراء.. هالمنتدى ما وراه الا خراب البيوت..
ياخي واحد عمره 35..!! ومبتعث بكالوريوس في هيوستن حاليا.. ( بصراحه التحق بالواسطة ) بس مدري إذا في عمر معين..
تعليمات الوزارة في الموقع كل أمها مهايط في مهايط ماوراه الا الهياط..
والجامعات الامريكيه مالها سن معين في التعليم.. ( يعني ممكن تحصل واحد معك عمره 90 سنة وتوه داخل بكالوريوس )
خويي اللي ساكن معي عمره 25 سنة..وماشي وضعه ( بس باقي مالتحق )
وبالنسبة للإلتحاق بعد اللغه فلا أعلم ولكنها كانت كلمة الدكتور العيسى..وقد نُشر الموضوع في جريدة عكاظ ( أي أنه رسمي )
الله يوفقك ( اطلبوا العلم من المهد إلى اللحد ) ( من سلك طريقا يلتمس فيه علما , سهل الله له طريقا إلى الجنة )
وحاول إنك لاتكثر كلام عن نفسك في أماكن ومنتديات عامة.. ( ترى والله عين الناس ماترحم ) الحسد تفشى عندنا بشكل غير طبيعي ..
( استعينوا على قضاء حوائجكم بالسر والكتمان ) أو كما قال عليه الصلاة والسلام..
الله يوفقك إن شاءالله
broken_ice_3 January 20th, 2011, 06:39 PM
7 " اخوي عبدالله
انا مثلك موظف رسمي على المرتبه السادسه وراح اقدم استقالتي خلال الايام الجايه
وأطلع لأمريكا أدرس ماجستير
وبالنسبه للعمر .. انا أعرف واحد بشكل شخصي .. عمره 30 يدرس بكالوريوس
وأنضم للبعثه خلال المكرمه السابقه ... والان كمل اللغه وبيبدأ دراسته الجامعيه
أتمنى أستفدت مني ... والله يوفقك ويوفقنا
حزن-النبلاء January 21st, 2011, 01:31 AM
7 " يعطيكم الف عافية على الردود
لكن فيه استفسار كم المطلوب في الايلتس وهل لو اختبرت هنا وجبت النتيجة معاي هل الالحاق يكون سريع او لا يعني اطول ولا ما اطول في الانضمام للبعثة والف شكر ..
عبدالله ss January 21st, 2011, 10:41 PM
7 " بالنسبة للآيلس كل جامعه ونظامها .. جامعتي تطلب 5.5 من9 بالايلس اذا تبي هندسة ميكانيكية .ومضطر اجيبها خلال هالشهور القادمة عشان ادخل التخصص ..
الله يوفقك يارب ..بس استخير قبل الفصل نصيحتي لك ..
asd12 January 22nd, 2011, 01:20 AM
7 " الله يعطيكم العافية وكفيتوا ووفيتوا وجزاكم الله الف خير وبإذن الله لنا لقاء في القريب العاجل شاكراً للجميع ..
عبدالله ss January 22nd, 2011, 10:16 AM
7 "
January 20th, 2011, 06:03 PM
يا اخوان انا ولله الحمد موظف ضابط ووظيفتي حالياً تعطيني راتب وقدره ولكن ماني مرتاح فيها كون انها حكوميةما اطول عليكم انا ارغب في اني افصل من هذه الوظيفة وارجع ادرس من جديد بكالوريوس هندسة لاني احس اني عاشق لهذا العلم وناوي اكمل ان شاء الله حتى الدكتوراه ..
اسئلتي :
انا عمري تقريباً 28 سنة هل تؤثر علي في دراستي للبكالوريوس من جديد يعني امكانية القبول من عدمه ؟
هل امكانية الانضمام للبعثة بعد اللغة الانجليزية مضمون او لازم من الـ 30 ساعة ؟
ارخص مدينة في امريكا او كندا و كلهم عينين في راس من ناحية المعيشة وامكانية الحياة فيها بدون اي مشاكل ؟
طبعاً معاي بكالوريوس علوم عسكرية بمعدل4.65من 5
وادرس حالياً بكالوريوس ادارة اعمال بنظام الانتساب المطور ومعدلي فوق 4.23 حالياً من 5
ومعدلي في الثانوية العامة 93.64% علمي
اتمنى منكم الردود اللي تفيدني حيث اني والله ارغب بالدراسة ولكن من اللي اشوفه هنا في هالمنتدى احس انا الدنيا سوداء شوي فيا ليت تفيدوني والف شكر مقدماً ..