السلام عليكم ورحمة الله وبركاته
قبل كل شي قل
أستغفرالله العظيم من كل ذنب عظيم
سبحان الله وبحمده سبحان الله العظيم
تذكير نزلت خبر قبل فترة وقبل المستشار بعنوان :
عاجل: إن شاء الله المكرمة خلال هذه الأيام للجميع ولكن مشروطة بــ...ال..مع المصدر
ولكن حذف الموضوع لأن الأعضاء الله يسامح البعض بداء يسبسب الأعضاء وتحول الموضوع من تبشير
لهواش
وبعدها بيوم نزل اخونا المستشار الخبر مع التأكيد وتقريبا كان نفس محتوى موضوعي ولكن اللي ريحني واكد كلامي كلام المستشار وراح اقولكم وش صار لي وانتو احكمو
انا بعيد الشر عنكم اليوم رحت للمستشفى الجامعة وحولوني لمستشفى ثاني كان عندي التهاب في الأذن وكلفني
1000 دولار وتأميني مايغطي اي كلام وانا حالتي حالة المشكلة طلع في اذني التهاب حاد من البرد بعيد الشر عنكم(( ادعو لي بالشفاء))
ياهي مؤلمة الم الأذن مايخليك ترتاااااااح بس الف دولار كثيره وتلخبط ميزانية والمشكلة الألم لسه موجود لو دفعتها
وراحت كان قلنا معليش ولكن امرنا لله وش نسوي كلمت السفارة السعودية اشتكيت اني في المستشفى ويطالبوني بدفع
1000 دولار وانا على حسابي الخاص وماعندي تأمين وقالي الموظف الله يجزاه خير لازم ترفع خطاب وننضر في موضوعك
قلت له طيب انا في المستشفى وش اسوي الحين تأميني مايغطي ومافي وقت للخطاب قالي عطني رقم جوالك واسمك والمبلغ وحتصل عليك
بعد شوي وعطيته رقم جوالي واسمي تقريبا عشره دقايق كلمني وقالي اسمي كامل انت فلان بن فلان بن فلان
قلت له نعم قالي انت مقدم على الملك بخطاب ضم للبعثه وهذي الملعومات قلت له ايوه قالي مانقدر نصرف لك الان فلوس
لان هذي لازم نرفع فيها خطاب ولكن اذا تقدر وتدفع المبلغ حتى لو ماعندك غيرها او تستلفها ادفع لانك انت في البعثه من
الأسبوع الجاي وهذا بشاره مني قبل وقتها لانك تعبان وبفرحك قبل الكل والله اننا حاسين فيكم يالطلبة اللي على حسابكم الخاص وانكم في اول اولوياتنا والحمدلله خلصنا موضوعكم وشكرته طبعا وحسيت
ان الألم اختفى بس وقت كتابة الموضوع رجع هههههههههههه ودفعت الألف دولار والحمدلله على كل حال ومبروك ياشباب مقدما
قفلة
احس وضع الدارسين على حسابهم كذا
وبعد الخبر حيكونو كذا
الله يوفق الجميع
أخير شكرا للمستشار وشكرا لاحمد العياف وشكرا لجميع الأعضاء
January 20th, 2011, 11:38 PM