تم تعديل عنوان الموضوع (المستشار التعليمي تقبّل اسفي) واتمنى ان تشارك

January 24th, 2011, 05:12 PM

السلام عليكم ورحمة الله وبركاته


طبعا انتوا ناس محظوظين اني راح اجي ادرس معاكم في نفس البلد ^_^
<<< اكيد امزح طبعا


حبايبي واصدقائي واخواني

طبعا انا جاي بتاريخ 6 فبراير يعني بعد 10 ايام تقريبا

وانا الحين محتاس مدري وش اخذ ومدري ايش اخلي

عشان كذا انا بقولكم الاشياء الاساسيه اللي بجهزها وانتو ليتكم تساعدوني لو نسيت حاجه مهمه
1- المصحف الشريف

2- الاوراق والقبولات

انا طبعا معاي فيزا 5 سنوات الحمدلله جبتها عن طريق قبول معهد انلينقوا في فيرجينيا واما قبول الجامعه ماجبته للحين
وابغى افتح ملف في الملحقيه
وجايب معاي هالاوراق

- الجواز
- الفيزا
- قبول المعهد I-20 الاصل ونسخ منه طبعا
- شهاده بنكيه عدد 3
- بطاقة الاحوال
- الوثائق الدراسيه ( شهادة الدبلوم + السجل التدريبي - شهادة الثانويه + حسن سيره وسلوك مترجمه )

وقبول الجامعه انشاءلله ما اوصل امريكا الا ويكون خالص
لكن عشان فتح الملف لو كان شيء ناقص بلغوني بليـــز

3- الامتعه والشنط

طبعا الشباب يقولوا ان المسموح لكل شخص يكون معاه شنطتين كبيره + شنطة يد يحملها المسافر معاه

انا الحين ابشتري الشنط في البدايه وابي اخلي شنطه حق ملابس الشتاء وشنطه حق ملابس الصيف <<< طبعا هالفكره من واقع خبرة الاخوان اللي سبقونا في السفر بسبب غلاء الملابس في امريكا

4- طبعا عشان انا ابغى اشتري سياره طلعت الرخصه الجديده والرخصه الدوليه <<<< ناوي يهجول بفرجينيا

5- السكن

طبعا انا للحين مااستأجرت ولا فندق ولا حددت عائله اسكن معاهم وقت الدراسه

عشان كذا شرايكم بفكرة اني اول اسبوع اسكن فندق لما القى عائله على مزاجي ويناسبوني وبالنسبه للفندق اللي عند الملحقيه اللي شكلي بسكن فيه لما يفتحولي ملف وبنفس الوقت بدور عائله اسكن معاهم

انتظر ردودكم

6- الاجهزه

طبعا لاب توب وبحط فيه نسخة ويندوز اصليه + ايفون 4 وللحين مانزلت الجلبريك خايف من الجمارك + بلاك بيري <<<< شكله بيفتح كشك جوالات هناك


طبعا انا نزلت هالموضوع وابي منكم تساعدوني قبل اسافر لو فيه اشياء انتو نسيتوها او اشياء انتو اخذتوها وكانت لها اهميه كبيره في تواجدكم في امريكا

لا تحرمونا الفائده ارجوكم

• نشر عبر تويتر
• نشر عبر فيسبوك
• نشر عبر جوجل