امر الاركاب( لكل من يدرس على حسابه الخاص)

January 26th, 2011, 04:14 AM

بسسسسسسم الله الرحمن الرحيم



السلام عليكم ورحمه الله وبركاته



ابي ادخل بالموضوع على طول



انا ما راح استفيد شي او اخسر شي

انا بس ابي التوفيق من رب العالمين و ابي لكم الخير


يا ناس والله الي خلقني وخلقكم اني اتكلم صادق ومن قلبي

رحت مره مع واحد من عيال عمي لوزاره التعليم واقسم لكم بالله اننا ما اخذنا اكثر من ساعه تقريبا لما اخذنا امر الاركاب


والي يشاور ويقول تنصحوني اروح اخذ امر اركاب ولا لا اوجه له هذا الكلام

عزيزي بذمتك وش تبي ابي اعرف وش تبي ( تبيهم يجون عندك ويقولون لك تفضل امر الاركاب وتكفى طالبينك تاخذهـ)


ولا يجي بعضهم يقول في نفسه استحي اني اطلب امر الاركاب ويرفضون وارجع اطلبه مره ثانيه


لا تفكر كذا روح وما عليك والله لو تمرح عندهم ( بمعنى تنام عندهم ) اهم شي لا تطلع الا ومعك امر اركاب ما عليك لو يقولون هذا وجهه مغسول بمرقه ( هذا مستقبلك وسو المستحيل عشان توصله ) اجلس في حلوقهم لين تاخذ امر الاركاب ولا لا تروح وخلك مكانك لانه اذا من اولها متردد خلك مكانك ابرك لك


والي موجودين في بلد الدراسه يرجع اذا عنده اجازه ويحاول الي يقدر عليه لا يجلس يقول ( تتوقعون بيعطوني ولا تنصحوني اروح )


ياخوي روح وش تبي ، تبي نعزمك مثلا ؟


انت عندك اجازه وما عندك اي شي يردك انك ترجع السعوديه وتاخذ امر الاركاب لو تخيم عند باب مكتب المدير مدري وش قلعته


لا تجلس تسال وتشاور الناس لانك صدقني ما راح تلقا منهم جميعا تحفيز ( بعضهم بيحفزك ويقولك روح وبعضهم يقولك وش لك وللقروشه خلك مكانك اريح لك )



لا تفكر هذا شي ما يبي له تفكير ياخي روح الله يرحم والدينك


والله العظيم اني اتكلم من قهر كل شوي واحد نازل بموضوع يقول اروح اخذ امر اركاب ولا لا وهل بينفعني ولا لا





الله يحرمني مستقبلي اذا اكذب عليكم ( انا تقريبا ما يقارب 13 واحد من عيال عمي خارج السعوديه)


اخر اثنين واحد منهم يدرس ماجستير حاسب الي واخذ امر اركاب ( قسم بآيات الله انه ما اخذ اكثر من اسبوعين الا وهو ضمن البعثه)

وواحد ثاني رايح يدرس بكالوريوس هندسه (وطعس والله العظيم من شكله ما تقول ذا وجه واحد بيدرس )


اخذ امر اركاب وله تقريبا اربع شهور الحين بامريكا في ولايه بوسطن وخلال اسبوعين بعد انضم للبعثه


انت اذا اخذت امر اركاب هذا يثبت ان الوزاره راضيه بدراستك وانه انت منطبقه عليك الشروط كافه


ويعاملونك مثل معامله الطالب المبتعث مثل ما قالوا بعض الاخوه




الله يوفقكم ويوفقني ويجعلنا ان شاءالله من الي يجون بشهادات تجعلنا نرفع روس اهلنا فوق وبلدنا

• نشر عبر تويتر
• نشر عبر فيسبوك
• نشر عبر جوجل