يا اهل الخبرة في اللغه تكفون افيدوني بنصايحكم

اخوي اللغه سهله بس يبي لك تشد نفسك شوي

ممكن تخلصها وبسهوله بس شد نفسك وفي مواقع كثيره تعللمك اللغه عربي وانجليزي

 المشاركة الأصلية كتبت بواسطة atooo

السلام عليكم كيف الحال يا أخواني الأعزاء عندي كم سؤال وحاب من لديه الخبرة يوافيني با المفيد
موظوعي هو التالي

يا اخوان انا طالب ادرس على حسابي الخاص في كندا منذو حوالي اربعة شهور علمن اني اتيت لكندا وانا ليست لدي لغه نهائيآ نهائيآ والان الحمدلله استطيع التحدث مع الأخرين لاكن بلغه متكسره يا اخوان ابي نصيحة اهل الخبرة ما هي نصيحتكم لي في اني اخلص اللغه في اسرع وقتت ممكن ماهي توجيهاتكم افيدوني جزاكم الله خيرآ عندي حماس وعندي اصرار في اني اجيب اللغه في اسرع وقت لاكن محتاج نصايح اهل الخبرة وللمعلوميه انا في القواعد اللغه العربيه ززززززفت فكيف في القرمر الانجليزي وهاذا الي محطمني شوي فتكفون يا اخواني الاعزاء الي افيدوني وهل تتوقعون لو تعبت على نفسي شوي اقدر اخلص اللغه في غضون سنه

وعليكم السلام ورحمة الله وبركاته ..

حياك الله وبياك اخوي .. عندي وجهة نظر واتمنى مايفهموني الاخوان بالشكل الخاطيء .. اغلب السعوديين هنا كل ماقابل واحد يقول انا حاط ببالي اني ماراح اتعرف على سعوديين ولا اكلم سعودي !!

وهذا خطأ انت مالك غنا عن ولد ديرتك مهما كلف الثمن .. صح انا اقول لك احتك بالاجانب حاول تتكلم معهم كثير حتى لو مكسر بس المهم لسانك ينطلق بعد ماتحس لسانك انطلق شوي بالكلام ..

عليك بالقراء اكثر من القراءه حتى لو ماتفهم مع الوقت راح تستوعب وتفهم ونصيحة كندي لي هنا اول ماجيت قال لي :


1- Reading

Listening -2

Writing -3

وفي القراءة اقرأ ماتشتهي وتحب حتى لايصيبك الملل .. مثلآ تحب رياضة اقرأ عن الرياضة تحب السياسة اقرأ عنها وهكذا ..

وكان هذا الكندي يحذرني من السبيك الكثير لاني راح اتعود اني اتعلم خطأ ولساني يتكلم بالخطأ .. مثل الطفل لو تربى على شي صح او خطا .. بس انت تكلم عشان الممارسه وتعود لسانك على الكلام لا اكثر ..

اتمنى اكون افدتك وهذا اللي عندي وانا اخوك ..


مودتي

اقررررررررأ
وربي القرائه هي مفتاح اللغه
روح للمكتبه وقل لهم ابي قصص سهله للمبتدئين
واجلس عليها صحيح ماتفهم القصه بس عادي مارسها
ولاتوقف عند كل كلمه وتترجمها ترجمها بعد ماتمر عليك اكثر من مره.
أنا اعرف واحد معي اول ماجيت امريكا
كانت لغته صفرر وجاب له مدرس خصوصي والمدرس بس يخليه يقرا وبس
شد حيلك والله يوفقك

حبيبي قلبي


شوفي انت تتعلم في المعهد الاشياء الاساسيه وبعدين


الانجليزي مع الممارسه تقدر تسوي كل شي


شوف اقراء اي شي كتب ووتابع افلام


وحاول تتكلم مع اي شخص

يعطيكم الف عافيه وجزاكم الله خيرآ لاكن يا اخوان الي معقدني اكثر القرمر يقولون صعب اذا على الجد والاجتهاد بجتهد بس تتوقعون اقدر اجيب اللغه اقل من سنه او في سنه با الكثير وزي ما قلت لكم تراني والله قبل ما اجي ما عندي لغه با المررررررررررررة

انا قلت بحطلي مدرس خصوصي عربي تتوقعون مفيد لي با النسبه للقرمر والانجليزي بشكل عام

هلاابك
القرمر يجي مع القرائه والقرمر سهل بالمره
ولاااااااااتجيب مدرس خصوصي وعربي بعد
ترا مدرس خصوصي للغه هذي نص مصيبه
اما مدرس عربي بعد هذي المصيبه بعيييينها
اسمع حط لك ثلاث ساعات باليوم
ساعه اقرأ
ساعه فلم
ساعه اكتب يومك
يعني مثلا اليوم قمت الساعه ١٠ ورحت للمطعم ورجعت ورحت للمكتبه..الخ
واعرض اللي انت تكتب للمدرس اللي بالمعهد وخله يصحح اخطائك وانت تعلم من الأخطاء
لو تستمر كذا لمدة مثلا اسبوع وربي تطير انجليزيتك بدون مدرس ولا شي
والله يوفقك

الله يعطيك الف عافيه اخوي وربي ماقصرت انت والاخوان وفالكم الفردوس الاعلى ان شاء الله

الله يعافيك ماسوينا شي