ياشباب والله محتار تكفووون ردو علي

أخوي حياك الله..
بالنسبة للوظيفه فما نقدر نقول انك " تارك شيء كثير " ومثل هالوظائف يقدر اي احد يحصلها , لكن عندك فرصه انك تكمل تعليمك أفضل لك , ومن رأيئي انك تتوكل على الله والتعليم ماهو خسارة حتى على والدك يالغالي واذا ما انقبلت في البعثه على حسب ميزانيتك .. كان لك شرف التجربه وفترة ممتعة في حياتك , شوف انا ما انصحك تروح لمكاتب لان كلها نهب وسرقه للشباب انصحك تدور بنفسك وابدأ من الحين ادخل على الولايات وهنا في مبتعث مواضيع كثيرة تفيدك وان كان لك أقارب في إمريكا تقدر تتصل فيهم وتستفسر , وايضاً اذا كانت حالتك المادية ميسورة مثلاً تقدر تروح دول ثانية غير إمريكا , ماليزيا ومثلها الدراسه ارخص وراح تاخذ شهادة لغة كما ان بعض الدول الآسيوية اللغة الرسمية فيها الانجليزية.

شروط الإلحاق يالغالي في البعثه ( خذ حسابك على انها راح تطبق عليك ) :

1 ) دراسه اللغة كامله وانهاء كافة المستويات وهذا تكلفتها تعتمد على لغتك الحاليه ومدى إصرارك وعزمك . عموماً أقصى مدة تقدر فيها تنهي اللغة هي سنة ونصف فقط وهذا ماياخذها اللي اللي مايعرف الحروف! فـ راح تكلفك من 60 - 80 ألف ريال.
2 ) الإلحاق يكون عند إنتظامك في الجامعة بمعنى بعد ماتنهي اللغة تقدر تدخل الجامعة وتدرس تخصّص فـ هنا يحق لك الإنضمام للبعثه حسب النظام بتوفير جدولك الدراسي للملحقيه.


فيه مواضيع كثيره تفيدك..
وانصح تدخل اقسام مبتعث وتقرأ وتستفيد لان مافي احد يقدر يعطيك المعلومات الشاملة الا نفسك وهنا راح تلاقي كل شيء يخص إمريكا وغيرها.


بالتوفيق في حياتك العلمية والعملية.

يعطيك الف عافيه اخوي وش تنصحني انت امريكا والا غيرها

يعني مستواي بالقراءه طيب جدا والكلمات اعرف بعضها

يعني تقصد ان ادرس لغه سنه هذا لوحدها صح

وادرس تخصص سنه لوحدها
وهل تنصحني في نيوزلندا مثلا

الاخ لامارتن ماقصر
وكل الي قاله عين العقل
وشيل فكرت نيوزيلندا ولاتفكر الا بامريكا

يعني سنه لغه وسنه دراسه سعنس بعد سنتين لو ربك راد شي ان شاء الله

بس هال المعاهد لها نظره في النسبه الثانويه رغم ان تخصص شرعي

وايهما افضل معهد ام جامعه

أخوي الله يوفقك في أختيارك للأفضل, مثل ما افادوك الأخوان
الوظيفة بإستطاعتك تآخذ أجازة بدون راتب وأنا مع رائي والدك الله يخليه لك,
بس أبعد عن نيوزلندا وكندا , وعندك الخيار الأول أمريكا ثم أستراليا ..واذا تضمن الألحاق في بريطانيا ممتاز.
وعليك من الأن تبدأ بدراسة الأنجليزي ...نصيحة أبدأ الأن.
حتى بمجرد وصولك لبلد الدراسة يكون عندك الأساس اللي يخولك لتطوير نفسك وماتعاني بالبداية كـ باقي المبتدئين.

ياشباب سمعت ان العمل يعطيك اجازة لمدة سنه فقط وبعدين لازم تقدم فصل

اخوي اذا عندك مبلغ يكفيك سنه دراسيه خذها من الاخير وقدم استقاله

طيب قول ان شاء الله ان المبلغ موجود اذا ربك راد ان شاء الله

وش احسن ولايه هناك الواحد يقدر يقدم عليها وش تبوني اروح فيه

جامعه والا معهد طبعا انا طموحي اني اكمل البكالوريوس وانضم على البعثه باذن الله

وكم تتوقعون يسدني مصروف وطريقه اخذ المبلغ معي كيف

سامحوني على الاسئله والله اني عارف اني كثرة عليكم

بس مالي الا الله ثم انتم وياليت تساعدوني انتم ماقصرتو وربي