بخصوص الدراسه بأمريكا

تكفون ياشباب احد يفيدني ولو بدعوه الله يجزاكم كل خير

لا تلوم النـآس كلا مبلوش بهمـه مع هـ المكرمـة الي جت والاشآعـآت الي كل شوي تطلع

برد عليك بالي اعرفـه واترك الباقي للاخوآن

1- اذا والله تبي تقتصد ادخل معهـد رخيص بتكفيـك ان شـآء الله 50 الف يعني نقول راح تشد حزآمـك ولواني افضل انك تزيد المبلغ تخليه 70 الف عشـآن تكون في الاوكي

2- هذي محد يقدر يفتي لك فيهـآ نهآئي ولا تصدق احد فيهـآ
الالتحآق يتم عن طريق النظآم الي هو سنـه لغه او واسطـه قويــه او توفيق من الله - لكن انت تعال على بينـه اذا مآعندك واسطـه تعال وانت عآمل حسآبك على سنـه كآمله عشـآن لا تخش في النفسيـه وثآني شهر وانت راجـع
هذا اذا مآ لحقت على المكرمـه وتبعآتهـآ الكم اسبوع الي بعد القرار

3- هذي حسب رغبتـك اخوي وفي الولايـة الي تحب تروحهـآ - لكن اول دور الولايآت الرخيصـه واسال عن المعآهـد الرخيصـه
وهنآ بيكون لي تفصيل شوي بمآ انك على ميزآنيـه محدوده
لا يهمك قوة المعهـد لان ميزانيتـك قليله و الي راح تآخذه من المعهد بالنهآيـه 40% لازم تشتغل على نفسـك وتحتك وتمآرس اللغـه عشـآن تتطور بسرعـه لذالك شوف المعهد الرخيص الي سمعتـه جيده ومآهو شرط يكون توب لان التوب غالي جداً السمستر يوصل فيه الى 4800 دولار ميزانيــــه لحاله
وانت اكيد بتكون في معهـد تبع الجآمعه الي قبولك منهـآ لذالك الولايـه قبل المعهـد

4- بعد مآ تجي وتتفتح ملف وتكمل اوراقــك كلهـآ خذ هـ المثل المصري ( الزن على الودان امر من السحر )
خلك نشبه في البلعوم كل يوم اتصآل واذا فيك تروح لهـم روح وتكي لهـم حتى يرسلون ملفـك
وارجع واقولك مآفيه شي مؤكـد انه بيرسلون ملفك قبل السنـــــه لكن يمكن تنفعـك هـ الطريقه ( اذا مآعندك واسطـه )


5- يفتونـك الاخوان فيهــــآ

بالتوفيق وعقبآل مآ نبآرك لك بالابتعآث ان شـآء الله