شرح افضل وسيلة اتصل

مساكم الله بالخير

طبعا حبي اكتب لكم هالموضوع الي انا مجربه شخصيا .. من كثر روحاتي لأمريكا ..

أنت كبمتعث داخل امريكا ماتحتاج تنزل البرنامج ولا شي .. بس علم اهلك خلهم ينزلونه علشان تدق عليهم من تلفونك الخاص مجانا .. وهم بعد يدقون عليك من تلفونهم الايفون او لابتوبهم او الماك حقهم مجانا
يعني متى ماصنفت لك يالمتبعث وانت بالسينما وانت بالسوق دق ارفع السماعه وكلم كنك تكلم احد بمريكا وهم متى ماصنفت لهم دقوا عليك وانت بأي مكان .. ولا يلزمك نت ولا شي

تنبيه مهم جدا جدا جدا
طبعا بعد التنسيق مع مشرفين منتدى الايفون والمبتعثين "" نديم ومشرف الاتصالات والآيفون mizajye لظرورة واهمية وفائدة هذا الموضوع نزلته ايضا في قسم الآيفون للأسباب التاليه /

اتيح للايفونين انهم يدرون عن هالبرنامج وينزلونه ويستفيدون منه ... لأن بعض الايفونين يقولون مب لازم نخش منتدى المبتعثين لأن حننا مو مبتعثين ولايلزمنا المنتدى.. وبكذا مايدرون عن هالبرنامج ابد !! .. مع ان هالموضوع يوم نزلته يفيدهم لأنه اكيد فيه اقرباء لهم مبتعثين ويحتاجونه .. فأتحت لهم الفرصه

وبكذا خليت الايفونين ينزلونه يوم حطيته بمنتدى الآيفون
وخليت حقين منتدى المبتعثين انهم يعلمون اهلهم بنزلون هالبرنامج خاصه انه بيريحهم ولايحتاجون للي في امريكا ايفون ولا نت .. وراح اشرح لكم كيف
وكذا ظربنا عصفورين بحجر

مقدمه قبل مانخش بالموضوع
طبعا لأحتياجنا لوسيلة الاتصال لأنه كلنا يانكون مبتعثين او يكون احد لنا قريب له مبتعث مثل اخوه او احد يقرب له او حتى صديقه العزيز

طبعا كلنا نعرف برامج مثل السكاي بي او الماسنجر .او القطعه هذيك الي تشبكها بالكمبيوتر
. لكن عيبها الوحيد انها تقيدك تقييد يعني لازم تكون انت عند الجهاز علشان تجري المكالمه .. وغير كذا لازم يكون الي تكلمه يكون عند الجهاز وعنده انترنت
والمشكله اذا مابغينا تقييد راح نكلمهم بجوالاتنا .. وانتم عارفين قيمة الدقيقه لأمريكا كيف مكلفه سواء هنا وهناك

الحين بنزل لكم الحل .. وخلااااااااااااااااااص لاحاجه للمتصل الي هو انت انك تكون عند الجهاز ... ولا حاجه للمستقبل انه يكون عنده انترنت او عند الجهاز او حتى انترنت مب لازم تخيلوا


يعني تكلمه ويكلمك وهو طالع وانت طالع .. كنكم تكلمون بعض في السعوديه جوال

ركزوا معي تماما ... وابي منكم دعوه حلوه او تقييم حلو او رد حلو يفرحني .. لأني عانيت من انبراشات الاعضاء الي تسبب الاحباط للأسف وتحطم

نخش الموضوع


برنامج whistl







هذا البرنامج الجبار والبطل والي انا مجربه شخصيا ..

مميزات الرنامج الخياليله




مكالمات امريكا مجانا ..وبدون اي رسوم او اي حدود سواء استقبال او ارسال وركزا بكلمة استقبال

صفاوه كامله لا ابالغ لك اذا قلت لك اصفى من الاتصالات في الاتصال والنقاوه

لايحتاج المستقبل الي في امريكا انه ينزل البرنامج او يكون عند النت ابد ...فقط الي برى امريكا يحتاج انه ينزل البرنامج في الايفون والي ماعندهم ايفون ولايزعلون فيه نسخه يقدرون ينزلونها لللاب توب او الماك.. خاصه ان غلب ابائنا وامهاتنا ههههه مايعترفون بالايفون

هذا رابطه للآيفون
http://itunes.apple.com/app/whistle-...322326573?mt=8



يمكنك هذا البرنامج بأستقبال المكالمات من امريكا حيث ان المبتعث او الشخص الي تتواصل معه .. متى ماصنفت معه واشتاق لك وهو في اي مكان او اي وقت اشتاق لك او تذكرك ههه يدق عليك ولايحتاج الشخص الي يدق عليك اي انترنت او حتى هالبرنامج نفسه


شرح وآلية عمل البرنامج

طبعا لو نسأل نفسنا كيف يعمل هذا البرنامج البطل .. وكيف تخلي اتصالي للشخص الي بأمريكا مجانا .. وايضا الشخص الي بأمريكا كيف بعد يتصل علي مجانا !!!

الجواب سهل

البرنامج فكرته انه اذا نزلته .. يعطيك رقم امريكي خاص فيك انت يالي برى امريكا ويصير هذا رقمك خلااااااااااااااص للأبد
يعني على بلاطه يصير لك رقم امريكي .. وطبعا اذا صار لك رقم امريكي يصير خلاص ترسل وتستقبل مجانا كنك داخل امريكا .. حتى الي يكلمك يصير كنه يدق على واحد في امريكا ويدق مجانا .. يعني مكالماتكم محليه وبنفس الديره
ومايحتاج ابد منكم تدخلون مفتاح الدوله عشان تتواصلون فيما بينكم ... يعني مكاملات محليه

يعني مو لازم يدق عليك لرقمك السعودي دقه ويسكر .. او يدق عليك وترد علي وتنكبه ويروح رصيده

خلاص مع هالبرنامج ريحته .. وريحت نفسك انت

يكون عطاك الرنامج رقم امريكي .. وخلاك كنك بمريكا.. طبعا لدرجة اذا نزلت البرنامج وعطاك رقم انت وحظك
راح تشوف اذا دقيت على احد بمريكا هههههه بيسحبك بمريكا .. لأن بيطلع له رمز الولايه يعني كنه واحد داق عليه من امريكا
لأن النظام بمريكا .. كل ولايه لها كود معين ههههه وهذا انت وحظك بأي ولايه يحطك هههه يعطيك كودهم
.. يعني اذا انت من زمان عن خويك ههه تقدر تلعب عليه تقول انا بمريكا .. ناهيك عن الصفاوه الي تخليه مافي امل يشك انك بعيد عنه

طبعا احلى شي فيه .. ان اخوك اذا اشتاق لك دق على رقمك .. وكنه يدق على واحد عنده بمريكا
يعني يمسك تلفونه ويدق على طول .. بعتبار ان رقمك امريكي زيه

طبعا هذا شرح البرنامج بيوتيوب للي مافهم شرحي ومنزلينهالشرح لآي باد .. وهو نفسه حق ايفون ترى يني نفسه لاتخاف

[ame="http://www.youtube.com/watch?v=i0UOygEgUfg&feature=related"]http://www.youtube.com/watch?v=i0UOy...eature=related[/ame]


متطلبات البرنامج



نجي للمتطلبات وهي سهله لاتخافون .. طبعا المتطلبات بس لك انت يالي برى امريكا

بس يكون عندك نت يا 3gs عالشريحه او واير لس wifi
لكن مب لازم للي بيتصل عليك او تتصل عليه من امريكا انه عنده انت او ينزل هالبرنامج .. لأنه عنده رقم امريكي
بس هذا الطلب الوحيد

طبعا انا جربته شخصيا كانوا اهلي يتصلون علي ... وكنت انا اتصل عليهم

يوم كنت بمريكا خليتهم ينزلون البرنامج ويكلموني واكلمهم وانا مرتاح ... ماشاء الله صافي وبطل ..

ويوم رجعت امريكا نزلته انا علشان اكلم اخوياي

طريقة استخدام البرنامج

سهل مره .. دخل رقم الي تبي تتصل عليه بدون مفتاح امريكا 001 لأن زي ماقلت لكم خلاص مع هالبرنامج كنكم بمريكا مكالماتكم محليه

بعدماتدخل الرقم اضغط المربع الاخضر call



ملاحظه مهمه

بعد ماتنزل البرنامج عندك راح يطلب تفعيل من ايميلك يعني راح تجيك رساله تفعيل .. داخل هالرساله رابط للتفعيل اظغطه وخلاص يفعل.. وعلى طول دق على اخوك او صديقك الي بمريكا .. وقله ههههه يخزن رقمك ووحتى يدق عليك متى ماتبي ومجانا .. وينسا الاتصالات النصابه وزرفاته

ملاحظه ثانيه /
تقدر من الفسقه اذا انت وخويك وكنتم كلكم بالسعوديه ومنزلين البرنامج ولكم بالسعوديه .. وبتوفرون على انفسكم وتخلون مكالمتكم مجانا زي الفايبر .. تقدرون تكلمون بعض وسحق لشركات الاتصالات عندنا البجيحه

هذا كل شي عن البرنامج وارحب بأي استفسار .. واستخدامه لاتخافون سهل ابد يعني كنك تدق من جوالك دخل الرقم ودق بس

وهذا موقع البرنامج للي بيتفرج ويشوف

Whistle - Free Phone Calls to Anyone in the U.S.



في النهايه

هذا الموضوع جهد شخصي بحت .. وانشاء الله انكم تستفيدون فيه زي ما انا استدت منه وارتحت وريحت ....ابي دعواتكم اول شي .. وردودكم مب لازم تكون راضيه عن الموضوع بس اهم شي مايكون فيها انبراش ونوع من التحطيم .. وانا قصدي كله خير .. وابي اوفر عليكم واوفر على الضعوف اقربائنا التكاليف ,, وان حصل تقييم حلو ما استغني ..


وصيه للي بينقولن الموضوع وينسخونه
ماعندي اي مانع تنقلونه وبلعكس يفرحني انتشار الفائده بيننا .. لمن اهم شي اذكر الحقوق للعضو والمنتدى الأقلاع


تنبيه مهم جدا جدا جدا جدا


منقول