استفسار هل امر الإركاب معناته فتح ملف في الوزارة ؟ + أسئلة أخرى !!

السلام عليكم ورحمة الله وبركاته وبعد :

اخواني انا سمعت من كذا شخص حصلو على امر اركاب كذا معلومة أبغى أتأكد منها

1 - هل حصولي على امر الإركاب معناتها تم فتح ملف لي في الوزارة ويعتبر هو نص فتح ملف

والنص الثاني هو تأكيد دخولي لأمريكا ؟
اذا كان معاك امر اركاب الملحقة حتى ما تفتح لك ملف ( طالب على حسابة الخاص) تخليك تعبي اوراق وياخذو منك كل الاوراق الي يبونها
ويرسلو ملفك على طول على الرياض ويعطوك رقم الصادر وبعدها ان شاء الله شهر بالكثير وتجيك البعثه
2 - هل لي الحق في ان اطلب من الملحقية ان ترسل ملفي للوزارة بما اني املك امر اركاب ؟
مثل ما قلت في السؤال الاول انه الملحقة اصلن ترسله
3 - هل من الممكن ان انقل من معهد إلى معهد اخر في ولاية اخرى حتى لو ما بديت الدراسة ؟
اي نعم ممكن لاكن لازم تعلم المعهد وتعطيهم قبولك الجديد على شان هم يراسلو المعهد الثاني ويصلحو اوراقك
يعني ما تجيب قبول وتمشي وتخليهم لازم خم اول ياسلون هم ويخلصون معهم بس انت تجيب القبول انت تسوي كذا على شان الامقريشن
وبعدها ارسل للملحقة قبول الجديد وورقة تثبت انتظامك في الدراسة
4 - ( سؤال خارج الموضوع ) املك اغراض لأحد اقاربي في ولاية اخرى واريد ارسالها فما هي الكيفية ؟
لا اعلم .لاكن اكيد موجود هنا محللات ترسل لك
الا اذا كنت تفضل الشركات الكبرة مثل فيديكس
5 - السؤال المهم هو : بما انه امر الإركاب تبعي حصلت عليه قبل المكرمة الملكية بفترة هل لي الحق اني اطالب

بالإلحاق بناء على ( الفيزا اللي تم اصدارها في 15 ديسمبر 2010 وامر الإركاب الحاصل عليه قبل شهر ) ؟
لا اعلم . لاك مدام انه معاك امر اركاب جبه معاك والله لو ان تاريخه قبل سنة ما عليك
يعني لاتقول ما راح اجيبة على شانه قديم جبة وربك يسهل تجي وفي يدك
شي احسن من انه تجي ويدك فاضيه
6 - نصايحكم بالنسبة للإلحاق ؟ هل من طرق للتواصل مع المشرفين في الملحقية في هالموضوع

أو انتظر منهم ؟
الملحقة اصلن في الايام العادية ما يردون الا بطلعت الروح
فما بالك الا وهم مشغولين ولاكن ما لك الا انك تجرب وتدق وترسل ايميلات لين يردون
7 - دعواتكم لي بالتوفيق والإلحاق

امين وجميع الطلاب يا رب
وربي ما يحرمني منكم ومن جميع اعضاء منتدى مبتعث