شرح جالس تنتظر إيميل من الملحقية وماوصلك شي ؟! الحل هنا بإذن الله ( تجربة شخصية ) ...

March 13th, 2011, 02:58 AM

السلام عليكم جميعا ...

أنا كتبت الموضوع هذا علشان الطلاب كلهم بإذن الله يستفيدون على الاقل الي حالتهم مثلي ومانبي منكم الا الدعاء

تجربتي يوم الجمعة الي راحت

مثل كثير من الطلاب.... ماارسلوا لي شي للأسف ...

المهم إني اتصلت على الملحقية وردت علي وحدة في قمة الاحترام ...

قلت لها ابي قسم الملفات والتسجيل بشوف وش وضع ملفي انا لي شهرين ونص بامريكا ولاجاني شي مع اني فاتح ملف ومعي رقم ..

قالت لي عطني رقم بطاقة احوالك ... عطيتها الرقم ...

قالت انت لك رقم طلابي الي هو ......

قلت طيب والباس وورد

قالت بحولك لوحدة اسمها لطيفة هي المسؤولة عن الحكومة الالكترونيه تحويلتها 8270

وعطتني بعد رقم تحويلة المشرف حقي عن طريق رقم ال sacm الي عرفته هي بعد ماعطيتها رقم بطاقة احوالي

وايميله في حال مارد !!

وقلت لها الله يجزاك الف خير ...

وبعدها اخذت طريقة اعداد الباس وورد من الاخت لطيفة بعد ماارسلت لي ملف فيه الخطوات على ايميلي ( ماارسلت لي رقم )


وطلعت مشكلتي محولين ملفي للجامعة وانا لسا ادرس بالمعهد وغير كذا شيكت على ايميلي وطلع مكتوب غلط !!!

قمة الفوضى للأسف ...

الخلاصة اتصل على الملحقية والي يرد عليك قله لو سمحت ابغى رقم sacm حقي وهذا رقم بطاقة احوالي

احتمال ارسلوا لك الاوراق بس الايميل غلط واحتمال شي ثاني ...

بالنسبة لي الحمد لله شيكت بموقع الوزارة ولقيت مكتوب تم إلحاقك مع ان الملحقية ماارسلت لي ولا ايميل بسبب انهم مسجلين ايميلي غلط

ولاتنسى تحدث معلوماتك بعد ماتدخل على رقم الطلابي بالملحقية وبالنسبة للباس وورد دخل رقمك sacm واكتب اي باس وورد جديد وغيره لو حبيت واذا ماقبل اختر تحت نسيت كلمة المرور وحط باس وورد جديد وراح يوصلك على الايميل


كل هذا عن طريق الموظفين الي يردون بالاستقبال وحاول تتصل الصباح علشان يردون عليك

وبالتوفيق للجميع ومانبي منكم الا الدعاء ....

• نشر عبر تويتر
• نشر عبر فيسبوك
• نشر عبر جوجل