تكفون الفزعه ياأخوان...مادري انظميت او لا,,فزعتكم ثم فزعتكم

عليكم السلام ورحمة الله

بداية دامك من أمريكا فـ أغلب ردود الاعضاء عن الملحقية هناك يذمون ملحقية أمريكا ..

أنا أبي أتكلم عن نفسي .. حقي ما خذته من الملحقية إلا بعد ما رحت التعليم العالي فـ أرسل أحد يروح لـ التعليم العالي ( أنا بـ دولة عربيـة)

أول شي لآزم تفتح حسآب بـ البوابة الالكترونية مادري كيف الطريقه سووه لي الملحقية .. ترفع الاوراق المطلوبة عن طريق البوابة الالكترونية .. راح تروح الاوراق لـ الملحقية أولاً لـ تدقيق البيانات ثم يرسلونها لـ الرياض ويجي الرد إن شآء الله بـ الكثير بعد يومين أو ثلآث أيآم

إنت بما أنك جيت الملحقية تآريخ 30 /12 / 2010 فـ هذا يعني إن القرار يشملك من ورا خشومهم ولآ تسكت عنهم يمكن الطلب الي رفعوه لك بـ تاريخ 21 / 3 هذا تآريخ الطلب حق الابتعاث وعلى أساسه يردون عليك الرياض والله أعلم بس نصيحتي لك لو الملحقية مشوار يومين لـ أروح عليهم واستفسر تجيهم بـ الوجه أحسن من المراسلات

والله يوفقك

ان شاء الله هذا يعني الالحاق
ارسلوا لك ضمان مالي او لا ؟
تاكد من المعهد ممكن رسلوا الضمان للمعهد مباشرة

والف مبروك لك

الف شكر على الردود,,,,,,واتمنى ياخوان الي عنده خبره او ملا بنفس الموقف مايبخل علينا

اخوي انا كانت حالتي نفسك ونفس الوضع

اخوي بعطيك رقم مشرفه اسمها سهام حدوش تتصل عليها وبعد ماتعطيها رقم البطاقه الاحوال او رقم الطلب تقولك من مشرفتك

واذا قالت من المشرفة حقتك تروح لموقع الملحقية وتدور اسمها بدلليل موظفي الملحقية وحصل الاميل والرقم وافضل طرقة

ترسل لها رسالة انا من اطلاب الذين تحت اشرافك واطلب من سعادتك الافادة بأرسال الضمان المالي

وبعدها تتصل عليها ...

وأخوي والله لو بيدي شي اكثر لساعدك ولو ماهو مخالفة لحط رقمي واخليك تتصل علي وخطوه خطوه لين ياصل الضمان والله يوفقك ويوفق الجميع

2022982136
تحياتي

لله درك يالمناع,,,,الله يرفع قدرك ويوفقك,,,راح اسوي الخطوه الي قلتها
الف شكر

اخوي هل ارسلو لك رقم الباسورد مع رقم sacm ID ؟

اذا ما ارسلوه لك

ادخل على الخدمات االالكترونية

اكتب رقم الملف اللي عطوك اياه

ومكان الباسورد اكتب مثل كذا #هنا اكتب رقم ملفك اللي من ست خانات اللي عطوك Ps

وبعد كذا تجيك صفحه عشان تغير الباسورد غيرها ,, واذا طلب منك ضع الباسورد القديم حط نفس اللي قلت لك

وبعد نجاح عملية تغييير الباسورد ,,, افتح ايميلك بعد 5 دقايق وومكن احتمال كبير توصلك 4 رسايل ومن ضمن هالرسايل ان شاء الله تلقى الضمان المالي بالمرفقات


كذا انا صار معي ومشت الامور


طبعا هذي الطريقه لاحد الاعضاء في المنتدى هو اللي شرحها من قبل للاسف لم احفظ اسمه


موفق اخوي

وبلغنا وش يصير مع

والله ياخوي انا تقريبا نفس حالتك ارسلوا لي رقم sacm ID وقالوا لي الادفايزر حقك فلان ولما دقيت عليه قال انا مو ادفايزر انا حق الضمان المالي والملفات ولي اربع ايام وكل ماارسلت لهم رساله يردون يقولون اصبر لمين يوافق المشرف على طلبك ....وانا دراستي يوم الاثنين الجاي ولا دفعت للمعهد ومدري وش اسوي صراحة .... وطريقة الباسوورد حقتكم هااذي عيت تزبط معي صرت اول ماافتح النت اروووح اجربها على طول هع بس مانفع ... الله يعين
سؤال : انا بعد ماارسلوا رقم sacm هل اعتبر مضموم ولا لا لانهم يقولون انتظار موافقة المشرف الاكاديمي ..وش السالفه والله اني مضيع

اخوي د.راكان

بالنسبه لطريقة الباسورد حتى انا اول ما سويتها ما ضبطت لكن اكتشفت ان لما اجي اكتب # ولغة الكتابة اساسا باللغة الانجليزية ما ينكتب # ينكتب £
عشان تضبط معك انصحك اكتبها اول شي في ملف word او مستند نص وبعدين انسخها في موقع الملحقية وان شاء الله تضبط معك

وبرضو لاحظ ان الـ P لازم كبتل والـ s سمووول

موفق اخوي
اتمنى اكون افدتك

جميع الطلاب الذين فتحو ملف قبل نزول المكرمه قد انظمو للملحقيه بما فيهم انت . ارجو ان تشيك ايملك ممكن المشرف رسلك وانت ما شفت الايميل .. بعض الطلاب انظمو لكن تاخرت اجرائاتهم بسبب نقص بعض المعلومات مثل اسم المعهد وعنوانه الصحيح او ما الى ذلك . ايضا عليك ان تجمع اكبر قدر من هواتف موظفي الملحقيه وأن تخصص يوم من حياتك انصحك بالجلوس في مكان عام كي لاتحاول نتف شعر رأسك أو ان تفعل في نفسك مكروه لاسمح الله لأنهم يتأخرون قلييييييلا في الرد على الطلاب فانصحك بالجلوس في استار باكس للاتصال بأعضاء الملحقيه الكرام وصدقني ما راح تخلص 9 اكواب الا وهم رادين عليك .