مساعدة في الفيزا

طيب


انا موعدي 30/8 الصباح وموعد وصول الطيارة 40/8 بالرياض يعين احتمال اوصل السفارة 30/9 عادي ولا فيها طردة

مضوعي من الصبح مسدوح

ولا لقاله رد ولو تصبير



ياجماعة ليه الجفا واتطنيش

ياليتني بنت كان الرد ماطول

اقولكم ابروح اشتري سبحة الظاهر اني شاعر وانا مدري

هلا اخوي انا بعطيك اللي خذته معي من اوراق وياليت تكون مرتب جداً حطهم في ملف اللي يجيك شفاف فيه اكثر صفحة وحط كل ورقة في صفحة

اوراق الموعد وجميع الاوراق اللي طلعت معك وقت التقديم على الفيزا
صور شخصية 5*5 بدون لاشماغ ولا نظارات
الشهادة الاخيرة وشهادة الثانوية .. مايطلبونها دايم
الضمان المالي ضروري
كشف الحساب حق والدك بما انه هو صاحب الضمان المالي مب دايم يطلبونه
وصل دفع رسوم المقابلة وياليت تاخذ صورة لك مهم
صورة للجواز ويفضل تكون ملونه مب دايم يطلبونها
صورة بطاقة الاحوال مب دايم يطلبونها
صورة من المعهد ولا الجامعة اللي قبلتك ضروري
i20 ضروري
السيفس مب ضروري

مبلغ مادي حق فيديكس

وتوكل على الله وبأذن الله الفيزا عندك واي اوراق تخص الدراسة حطها عندك بالملف حتى لو متأكد 100% مالها دخل بس وش بتخسر

وبالتوفيق لك

مبتعث كولوم لازم تجي بالوقت المحدد اتوقع يطردونك اهم شي الالتزام بالوقت انا جيت قبل الموعد بساعه وماعجبهم

ماقصر اخوي
بالنسبة للوقت يدققون عليه بشكل كبير
حاول تجي قبلها بيوم كاراح تخسر شي

بعدين وصول الطيارة 40/8 على ماتقول يعني لو تحسب طلعتك من المطار والحوسه بتطلع على الـ 9 ومستحيل بنص ساعه تاصل السفاره خصوصا الرياض وزحمتها
توكل على الله وتعال قبلها بيوم

لمشكلة مو سالفة ولد او بنت او اي شي و النت ما يكشف جنسك
لكن المشكلة انك وضعت موضوعك في القسم الخطأ فكل الي عابرين بالقسم يبون مواضيع تفيد القسم او تخص القسم
انا اضمن لك لو انك كتبت موضوعك في قسم اجراءات الفيزا و امور القنصلية كان حصلت الي يفيدك
و لو انك رحت ذاك القسم كان شفت مواضيع تفيدك بدون الحاجة للسؤال و انتظار الردود الي ممكن تفيدك و ممكن لا !!
هنا هذا القسم عادة يكون لامور الملحقيات و الالتحاق و اخبارها المتعلقة بـأمور الدارسين علي حسابهم الخاص
خد لك دورة في اقسام المنتدى و بتعرف من يقدر يفيدك في كل ناحية
و لا تسيء الظن بالأعضاء و انظر للموضوع من جميع النواحي قبل ان تقول شي تحاسب عليه عزيزي

و بالتوفيق
و ان شاء الله امور الفيزا معاك تكون سهلة
و توصل بالسلامة