ابي مكتب يترجم الشهادة في الدمام

انت شهادتك جامعيه ولا ثانويه الى تبي تترجمها .؟

عند فرع جوازات المنطقة الشرقية بالدمام اسئل عنها ويدلونك مقابل الجوازات تحصل مليان مكاتب ترجمة حتى انا اذكر العام الماضي ترجمة شهاداتي مناك ..

بالتووفيق ..

شهادة ثانوية الا ابي اترجمها

ليه تعذب عمرك فالمكاتب

رح لمركز إختبارات المنطقة الشرقية في الدمام هم يترجمون لك الشهادة ويصدقون عليها بختم الوزارة

يعني يعطونك شهادة مترجمة أصل من الوزارة وليس ترجمة شهادة عرفت الفرق


وموقعهم حط الإمارة على يسارك وسوق الحب على يمينك وعلى طول إلى أن تجيك وكالة العيسى (مكيفات وثلاجات وعدة شغلات) على يسارك قبل الكبري

أدخل يمين بتلقى مركز أختبارات الشرقية مقابل مستشفى المواساة >>>>>>(المعذرة لأني نسيت أسم الحي) أطلع الدور الثالث وعطه الجواز وبعد الترجمة

أسأله من وين تصدق الشهادة يدلك في المبنى الثاني بعد ماتصدقها أطلع برى فيه مكتبة صور الشهادة 5صور فقط وأرجع عنده علشان يختم لك عليها وسلامتك طال عمرك

ملاحظة: ما يترجم لك الشهادة إلا بجواز السفر

طيب اخوي
انا متخرج من 9 سنوات تقريباً
يعني هل يترجمونها لي الوزارة

شووف اخووي . انا كنت نفس نظامك ابي اترجم شهادتي الثانويه . المهم سمعت من فلان وعلان . وفيه ناس قالو رح مكاتب معتمده وبعدين اختمها من مركز الاختبارات تبع التربيه والتعليم

مالك في الطويله . ترجمت الشهاده عند مكتب معتمد . ( في الرياض طبعا ) ويوم وصلت لمركز الاختبارات تبع التربيه والتعليم الى برياض عشان يختمون على الشهاده واصور كذا نصخـه . ويختمون عليها طبق الاصل . . تفاجئـة ان الترجمـه مرفوضه وغير معتمده لدى التربيه والتعليم .

المهم قلت للموظف وش اسوي . قال كان قبل لا تترجم تجي عندنا واحنا نعلمك وش تسسوي . المهم . قلت وش اسسوي .

وصفلي مكتب متعاقد مع التربيه والتعليم . ورحت لهم وترجم شهادتي بـ 30 ريال . ورجعت لمركز الاختبارت . وختمو لي طبق الاصل . وصورت وختمو لي على الصور .

(( الزبده يا اخوي عشان ما تدخل في متاهات رح لمركز الاختبارات الى في مدينتك وهم بيعلمونك با الازم . لاتسوي مثلي عشاني سمعت كلام بعض العاهات ))

عموما .. موفق اخووي . ولك ودي واحترامي . َ

بكرا اجرب اروح مركز الاختبارات
انا مادله بس حسب وصف الشباب بجرب
ان شاء الله يترجمونها لي

يالغالي مالك في الطويله

أنت بس رح لمركز إختبارات الشرقية الدور الثالث وهم يترجمونها لك

مثل ما أنا سويت قبل كم شهر شهادتي عام 2003 ولا أحد نشدني قديمة ولا جديدة والتصديق من عندهم بس المبنى الثاني

وصلى الله وبارك

روح الوزارة وراح يترجمونها لك
فقط خذ معك الاصل وصورة من الشهادة وبطاقة الاحوال ويترجمونها لك مجانا

وبالنسبة للمكاتب تلاقيها كلها جنب بعض قبال الجوازات