محظور
الولايات المتحدة الأمريكية
ماجد الغامدي , ذكر. محظور. من السعودية
, مبتعث فى الولايات المتحدة الأمريكية
, تخصصى محاسبة وإدارة مالية
, بجامعة UC Irvine
- UC Irvine
- محاسبة وإدارة مالية
- ذكر
- New York, NY
- السعودية
- Dec 2010
المزيدl April 27th, 2011, 03:49 AM
April 27th, 2011, 03:49 AM
السلام عليكم ورحمة الله وبركاته
طالب على حسابي الخاص
سافرت من جدة للرياض وقلت خلني امر على الوزارة عشان لا اخلي لنفسي عذر
توجهت للوزارة بحي الناصرية وقابلت الدكتور علي العطية وقلت له ابيك تساعدني للحصول على بعثة
الطلب يتضمن ( معروض موجه للدكتور العطية + الأي توني + قبول الجامعة موضح فيه التخصص الموصى به + صورة اخر مؤهل دراسي + صورة الهوية الوطنية + صورة جواز السفر + صورة الفيزا الدراسية )
علماً اني لم اسافر حتى الآن
وهذا اللي صار في المعاملة
مسار المعاملة
الجهة
التاريخ
مكتب خدمة المراجعين بالوزارة 4/25/2011 11:50:05 AM
وكيل الوزارة لشؤون البعثات 4/26/2011 12:35:25 PM
ادارة خدمة المراجعين بالبعثات 4/26/2011 12:35:39 PM
الأغلب اذا ماكان بالإجماع من الشباب اللي جربوا كذا وحولوهم بنفس الطريقة هذي يقولون احلى تصريفة الحمدلله على كل حال ءامنا بالله وعليه توكلنا.
طيب هل اذا وصلت بالسلامة لبلد الدراسة وفتحت ملف في الملحقية؟ هل اذكر رقم المعاملة هذي يعني تفيدني بشي ولا في سلة المهملات؟
والله يوفق كل طالب علم.
انا معاك بنفس اليوم
ونفس الاجراء المتخذ وش السالفه
دمج2 April 27th, 2011, 04:30 AM
7 " الله يوفقكم بس انا عانيت منه عدة مرات بنفس طريقتكم وللاسف كلها تصريفه
بالتوفيق
رمروم April 27th, 2011, 04:41 PM
7 " هذه تصريفه ..
لان العطية كتب على الورق على حسب الشروط و النظام , طبعا الان معاملتك راحت على وكيل شؤون الابتعاث الموسى وبعدين راح توجهت الى ادارة خدمة المراجعين بالابتعاث بحي الغدير بدول الارضي وراح يقول الشروط مو منطبقة عليك , صارت لو خالتي مرتين ونفس هالاجراءات بضبط ..
على العموم سافر والله يكتب لك الخير يارب البعثة صعبة شوي وانت بالسعودية
الله يوفقك يا اخوي ويكتب لك الخير
Dr.MoDy...} April 27th, 2011, 09:34 PM
7 " الله يسهل امروك ان شاء الله
بس حبيت اسألك كيف قابلته في مكتبه . ؟
الدخول عليه صعب . ؟
هل يعطيك فرصه تتكلم . ؟
انا كل مابغيت اسافر الرياض عشان اقابله حطموني كثير يقولون لا تتعب نفسك بشان التذاكر لأنها موقفه وفيه ناس اعرفهم اخذوها قبل اقل من شهر
عموماً ياليت تعطينا تفاصيل مقابلتك تحياتي لك وموفق
f1f1-2011 April 28th, 2011, 01:45 AM
7 " الله يكون بالعون ياشباب
حتى رقم المعاملة الظاهر ماراح استفيد منه كنت محطي امل اني ادخل السستم على الأقل وارسل اوراقي من امريكا لأحد من معارفي يتابع الموضوع في الرياض
لكن الحمدلله على كل حال
عموماً اللي يسأل عن طريقة مقابلة العطية
يتوجه لشارع التخصصي مع تقاطع شارع المعذر قريب من مستشفى الملك فيصل التخصصي في حي الناصرية
على حسب مافهمت انه يستقبل المراجعين كل سبت واحد واثنين
تتوجه على الدور الارضي اول ماتدخل على يمينك تتجه لشخص يسجل اسمك في ورقة والطلب اللي تبيه ويسجل رقم للدخول يكون دورك
عموماً الحضور من سبعة الا قبل ثمانية افضل وقت الساعة سبعة ونصف
اول مايوصل الدكتور راح يفتح باب للدخول عليه وليس وحدك بل كل مجموعة تدخل معاك
المكتب مثل المجلس واخره مكتب الدكتور يستقبل الدكتور الاوراق من المراجعين وتمشي معاهم لين مايجي دورك وتسلمه الاوراق
طبعاً ماطالع في معروضي كثير حاول تختصر على قد ماتقدر في طلبك لأن ماراح تاخذ وقت لشرح طلبك للدكتور تقريباً اخذت معاه دقيقة واحدة وسلم معروضي لسكرتيره
في ناس يقولهم استريحوا والباقين يقولهم راح تجيكم رسالة على الجوال واحرص يكون رقمك موجود في المعروض حتى ترسل لك رقم المعاملة عليه من وقت خروجك بساعة تقريباً
والتذاكر سألت عليها الموظف يقول موقفة من ثلاث اشهر لكن في ناس عارفة الكلام هذا وجالسين يطلبون تذاكر هي في الأخير اذا الله كاتبها لك محد راح يردك حاول بس اذا فيها تكلفة كبيرة عليك ما انصحك
على فكرة ياشباب
في موضوع ماتطرقت له
اتمنى الشباب يستفيدوا منه
اذا رحت الرياض او انك متوجه لها روح ديوان رئيس مجلس الوزراء
واكتب معروض لخادم الحرمين الشريفين بإختصار شديد
وترفق معاه اخر مؤهل دراسي وصورة الهوية والفيزا اذا وجدت والقبول الجامعي
وسلمه الموظف وراح يعطيك تذكرة مراجعة يقولك اتصل علينا بعد اسبوعين
عموماً جربوا هالطريقة وان شاءالله تمشي معاكم
ادعولي مدري ايش يطلع معاي.
ماجد الغامدي April 28th, 2011, 03:18 AM
7 " ياشباب خلاص مافي امل تطلعون امر إركاب تراه صار قديم انا عندي واسطة في الوزارة خلاص كنسلوة يعني لا تحط امل يعني انا الي اقولة شئ اكيد انك تروح وزارة التعليم مثل مايقولون عن العين والنفس لكن تجي او احباط او تتعب نفسك هذا الي ما اتفقنا عليه ياشباب
يالبى كندا April 28th, 2011, 05:11 AM
7 " ياشباب اللي تنطبق عليه الشروط لحاملين الدبلوم اللي مكتوبة في الموقع الإلكتروني للوزارة
ايش وضعه هل احد انطبقت عليه الشروط وقالوله كمان ماتنطبق ولا ايش الموضوع
ماني فاهم كلمة ماتنطبق الشروط هذي على اساس اي شروط بالظبط؟
ماجد الغامدي April 28th, 2011, 05:21 AM
7 " مصيرها سلة المهملات
.
عندك (و) بتصير مبتعث ويوقعلك العطيةعلى امر الاركاب
لكن تصريفة المعاملة نهايتها سلة المهملات..
.
مالك اخوي الاتاخذ اللغة و تنقبل بالجامعة بعد اللغة وبعدين خلاص تعتبر مبتعث
محمد200 April 28th, 2011, 03:10 PM
7 " خذ الورقه وشوفله افضل سلة مهملات بامريكا وحطه فيه
oska88 May 2nd, 2011, 09:58 AM
7 "
April 27th, 2011, 03:49 AM
السلام عليكم ورحمة الله وبركاتهطالب على حسابي الخاص
سافرت من جدة للرياض وقلت خلني امر على الوزارة عشان لا اخلي لنفسي عذر
توجهت للوزارة بحي الناصرية وقابلت الدكتور علي العطية وقلت له ابيك تساعدني للحصول على بعثة
الطلب يتضمن ( معروض موجه للدكتور العطية + الأي توني + قبول الجامعة موضح فيه التخصص الموصى به + صورة اخر مؤهل دراسي + صورة الهوية الوطنية + صورة جواز السفر + صورة الفيزا الدراسية )
علماً اني لم اسافر حتى الآن
وهذا اللي صار في المعاملة
مسار المعاملة
الجهة
التاريخ
مكتب خدمة المراجعين بالوزارة 4/25/2011 11:50:05 AM
وكيل الوزارة لشؤون البعثات 4/26/2011 12:35:25 PM
ادارة خدمة المراجعين بالبعثات 4/26/2011 12:35:39 PM
الأغلب اذا ماكان بالإجماع من الشباب اللي جربوا كذا وحولوهم بنفس الطريقة هذي يقولون احلى تصريفة الحمدلله على كل حال ءامنا بالله وعليه توكلنا.
طيب هل اذا وصلت بالسلامة لبلد الدراسة وفتحت ملف في الملحقية؟ هل اذكر رقم المعاملة هذي يعني تفيدني بشي ولا في سلة المهملات؟
والله يوفق كل طالب علم.