موضوع جدي وأرجوا من الجميع ابدآء رأيه ووجهة نظره ليستفيد الجميع

اللي ينتظم يخلصها بسنه انت اللي ضرك النقل اثبت مكانك وتخلص بالوقت المحدد
اما اللي ينقل من هنا لهنا انا اشووفه يضيع وقتهـ على الفاضي معهد ELS ـ12 ليفل كل ليفل شهر يعني سنه لو بديت من ليفل 1
معاهد الجامعات كل ليفل 3 شهور وهي 4 ليفلات اللي اعرفه انا يعني لو بديت من اول كمان بتخلص بسنه
عشاان كذا الملحقيهـ معطيتك سنهـ لأنهم عارفين النظام
التأخير اذا صار بيصير من الطالب نفسه يا يرسب يا ينقل ويأجل ويرجع السعوديهـ كل شهرين

انا معك اخوي بس معهد ELS كله سعوديين والمعهد صح قصير لكن وش الفايده اذا خلصت 12 ليفل وانا مااستفدت ,
ومن ناحية المعاهد الأخرى اللي تقول نظام 3 شهور انا جربتها مو 3 شهر نظام سمستر ,
وانا مانقلت من معهدي الأول الا لأنه فاشل جدا جدا جدا يعني مو بيد الواحد اذا طاح في معهد فاشل .
شاآآكر مروووووك .

انا ادرس بـ معهد تابع لـ جامعه .. نظام كوارتر .. شهرين واسبوعين تقريبا
خمس مستويات المعهد .. وفي الصيف تقريبا شهر ونص الى شهرين تقريبا .. اعذرني انا توني جيت قبل شهر وادرس بالمستوى الاول
بس اللي اعرفه انك تخلصه من سنه الى سنه و شهرين بالكثير ..
اتنى اني افدتك ...
وادعيلي فديتك

السلام عليكم ورحمة الله وبركاته

ياخوان وياخوات

اتذكر من يوم انا بالصف الاول ابتدائي ومافيه طالب الا ويسب بالمدرس الفلاني والمدرس هذا حبوب والثاني اقشر ... الخ

لين وصلنا لثلاث ثانوني وصار كل طالب يقول المدرسه الفلاني تدف بالنسبه ومادري شنو ... الخ

كل اللي ابي اوصله لكم ان هالكلام اذا ماضر الطالب مراح ينفعه نهائيا لان يسبب تشتيت لذهن الطالب

طبعا انا باذكر لكم وجهة نظري:

ماتفرق اذا كان المعهد كله سعوديين والا بنقاليين يعني بتفهمني انكم بتسلفون مع الاجانب !!!!
قليل من الطلاب عنده هالجراءه وانه يكون صداقات اتوقع اغلب اللي يتجراء ويكون علاقات مع الاجانب
هن الفتيات السعوديات ماشاءالله عليهن تلقونهن يمشن مع كوريه او يابانيه او اي جنسيه اخرى وبكذا يحصلن على لغة جدا ممتازه
اوما حنا يالشباب يخلف الله علينا اذا تكلم مع بنيه الكل قلب عليه من اخوياه واذا جاء وقت البريك تجمعوا وكل مامر احد طالعوا فيه
وهم يتكلمون عربي طبعا من الشي الطبيعي ان هالشخص اللي مر يفكر انهم يسبون فيه او يتكلمون عنه طبعا انا ماقول العموم واخص
فئه معينه من الشباب (ادري انا كشباب سعوديين ان عندنا الطموح الكافي وعندنا الوقت الكافي وعندنا الجو الملائم وادري ان كل شاب
سعودي جاء امريكا عنده طموح جاي يحققه وماجاء علشان يلعب او يستهبل او يغير جو لكن يحتاجون ان كل شخص يدعم الثاني
يدعم زميله اللي معاه سواء بتكوين علاقات مع الجنسيات الاخرى ولد او بنت ماتفرق عادي فلها بس اهم شي تستفيد لغه او شراء
بعض القصص القصيره وترجمتها او التسوق بالمولات والتحدث الى البائعين هذي هي اللغه ماهو المعهد المعهد فقط يعطيك 20%
من اللغه الباقي عليك انت يالطالب يعني السالفه كلها حفظ وفهم وش دخل المعهد هل الكتب سيئه ؟؟؟؟؟؟؟ اشتر كتب اسئل ابحث
المعهد عليه انه يعطيك اشوية قواعد اساسيه وانت عليك تكمل الباقي
والشئ اللي لازم تنتبه له انك انت مستحيل تحس بتطور اللغه عندك يعني اللغه قاعده تتطور عندك بس انت ماتعرف
لازم انك تقيم نفسك بين كل فتره وفتره وتعرف كيف تطورت اللغه عندك
انا من رائ انك فقط تتاكد ان هالجامعه او المعهد انها مو مقفله من السفاره او فيها تكدس ومعترف فيها بس فقط لاغير
والباقي عليك يابطل
انت تغربت عن بلدك تركت اهلك وراك امك ابوك يمكن بعد زوجتك وعيالك اقرابك اصدقاءك
تركت الاستراحه والشباب الفله الوناسه
قاعد تحس بالغربه وتتلهف بس علشان تجيك فرصه تزور السعوديه وترجع
خلاص اجل اتعب وتعبك مراح يروح هدر راح تشوف النتائج
المدرسين واعضاء هئية التدريس ماهم محتاجين لك بشئ انت اللي محتاجهم
اذا انت تبي توصل لشئ لازم تتعب انت بنفسك ماحد راح يجيك ويعطيك الشئ اللي انت تبيه مهما كان هالشئ

اسف اني طولت عليك بس هذي وجهة نظري واحترم وجهة نظركم

تحياتي لكم

الله يعطيك العافيه على المرور ,

صدقت والله اخوي وكلامك سليم ,

شآآآكر لك مرورك ,

فيه معاهد مدة السيشن 8 اسابيع

اقرا هالموضع راح يفيدك
http://www.mbt3th.us/vb/forum60/thread216410.html