زين اذا ما اخذو منك فلوس ... عندنا رجال اعمال اخر ما يفكر فيه هو المستهلك
7 " استفسار لماذا لا يوجد دعم من رجال الاعمال للطلاب الذين يريدون اكمال دراستهم بالخارج ماديا ؟
استفسار لماذا لا يوجد دعم من رجال الاعمال للطلاب الذين يريدون اكمال دراستهم بالخارج ماديا ؟
تنبيه: هذا الموضوع قديم. تم طرحه قبل 4729 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- هلا او غلا ياخوي عجبني كلامك المنطقي او الي يدل على انك متربي في بيت يطلع اجيال او ارجال تحطها على يمناك لكن ياخوي مافيه احد يحتويك انت او شرواك هل الأيام ماعادت زي الأول كل واحد يساعد الثاني الحين الاخ ويه اخوة مايأمنة على 100 ريال فمابالك ياخوي بيصرف على واحد دراستة بتكلفة مليون ريال هذا إذا مو ازيد لكن اقول الحمدلله انه عندنا واحد مثل ابوي عبدالله او عمي سلطان خلونا نبني وطن غالي ما بعد نعرف قيمتة ولا عطيناه إلي يستحقة ابداً ابداً ياخوي تستاهل النايفات لكن العين بصيرة او اليد قصيرة او الله يارب يكتب لك الدراسة في الخارج انا كان في إمكاني مارد عليك لكن قلت يمكن انه هل شخص يبغى يكمل او يشوف الناس تطلع برى او اهو جالس ما اقول إلا الله يرزق ابوك ترى انت عندك رب كريم ياخوي ماينساك . او اشكرك على ذا الإطراء ابصراحه انا من عندك اناشد رجال الأعمال انه يتحركون قدام اعيال وطنهم ترى فلوسكم عمرها ما بتاخذونها معكم كل إلي بتاخون منها 1200 ريال اذا مو اقل حق قبر او كفن او تغسيل يعني شئ طفيس من إلي تمتلكونه فشدوا بأبناء جلدتكم تراهم اخوانك في الدين او في الخلق
او الله يعطيك العافية او يرزقك او يرزق والدينك من حيث لا تحتسبون - الله يعين اخووي شووف الامارات قطر كلهمـ طالعين على حسساب ناس من رجال بلدهم اللي الله انعم عليهمـ يردوون جميل بلدهمـ7 "
اما عندنا الله يهديهم بس على الريال انا ما اعمم لكن هالشي مهملينهـ كثيــر ياكلون ويشربوو وساكنين بقصور كلهـ من خير هالبلد ولا واحد رد الجميل الا قليل مو حسسد لكن .......
عموما الله يهدي الجميع - لأنه طال عمرك في ناس تطلع وبعدها تنحرف انا عارف ان فيه ناس كثير مو من هالنوعيه بس هذا خوف بعض رجال الاعمال فا يقول اوظف لي طالب متخرج من امريكا طازج واعطيه راتب عالي7 "
ولا ارسل واحد واخسر عليه وما اضمنه - ياخوي ماعندي الا نصيحة لك خذ الدنيا بكيفها تعيش سعيد...7 "
-
صادق تتكلم ؟ والله هذي بتكون المصيبة( زين اذا ما اخذو منا) لاحول ولا قوة الا بالله ، نبيه عون صار علي فرعون ، والله شي يحزن من جد ، لا حول ولا قوة الا بالله
على العموم مشكور اخوي على ردك وتفاعلك في الموضوع هذا . - اللهم امين ومن يقول ان شاء الله تسلم والله على كلامك الجميل ، الملك عبدالله وولي عهده ما قصرو اقسم بالله بس مو كل شي عليهم ،، لازم يكون فيه دعم للوطن من غيرهم ،،ناس يردون الجميل ياخي الى متى ورجال الاعمال والاغنياء بس فالحين يجمعون في الفلوس ولا يبون يفيدون اولاد بلدهم بشي لاحول ولا قوة الا بالله والله شي يقهر ، الى متى لازم نوصل صوتنا لهم لازم نتكلم . واعتقد ان مطالبتنا منهم عشان يساعدون اولاد بلدهم ووطنهم صار واجب علينا في الزمن هذا صراحه7 "
-
شكرا لك حبيبي صحيح كلامك نشوف في دول كثيرة دعم مو من الحكومه دعم من رجال الاعمال ، بس عندنا فيه انانيه ولا مبالاة كل واحد يقول نفسي نفسي وش دخلني في الباقين عندهم الحكومه مو مخليتهم ، والحكومه ما قصرت بس مو محتويه الجميع لازم رجال الاعمال والاغنياء والمقدرين ماليا يكونون خير سند للحكومه للرقي والتطور -
ياخي رجل الاعمال يكون على اطلاع به اكيد واذا شاف انه مو حق دراسة يقدر يقطع عنه الدعم ويرغمه على الرجوع يعني حل سهل وسريع ومو مانع صراحه وعلة بايخه صراحه ، ثاني شي انسان طول عمره يبحث عن الدعم ولما يحصل عليه ينحرف اشوف ان الشي هذا احتماله ضئيل جدا ، بالعكس احتمال انحراف الشخص اللي الله منعم عليه احتمال كبير لانه مو فارقه معه ، معة فلوس وحاول يدرس بس ما عجبته الفكره وانحرف بس اللي وجد دعم صعب انه يفكر في الانحراف لان الدراسة والدعم جته فرصه على طبق من ذهب لازم يقتنصها لصالحه وصالح بلده .
بعدين سالفة الانحراف شي ما له دخل في قصة الدعم لان الشي هذا جانبي يعني يعتمد على الشخص نفسه وتربيته واخلاقه ومبادئة وطموحاته
May 17th, 2011, 02:07 PM
سؤالي : ليه مافيه رجال اعمال عندنا يدعمون الشباب ماديا لاكمال دراستهم في الخارج والتكفل بكل شي حتى انهاء دراستهم بالخارج ؟؟
لا تقول لي فيه ومدري ايش انا ابي واحد الله منعم عليه يجي ويختار له عشرة طلاب ويطلعهم للخارج ويتكفل بكل شي لين يتعلمون ويرجعون ويفيدون انفسهم ويفيدون بلدهم . مافيه هالشي كل امور الدعم اللي نسمع بها كلام في كلام وطريقتها غير فعاله .
بصــراحه انا مستغرب من اخواننا في الطائفة الثانيه ( الشيعة ) ان كل رجل اعمال واي واحد عنده قدرة ماليه يتكفل بتعليم 200 طالب على الاكثر ، في الخارج من جميع النواحي المادية والمعنوية والنفسية . حتى يتاكد من اكمال دراسته ورجوعة لبلدة لكي يشغل منصب كبير يليق بشهادته اللي اخذها وبكذا ساعد نفسه ووطنه .
احنا للاسف مافيه ولا رجل اعمال واحد سمعنا انه يقدم مثل هالاشياء انا ما اطلب انه يتكفل بدراسة 200 طالب كل سنه انا ابيه يتكفل بدراسة 10 طلاب على الاقل دام الله منعم عليه ليه مافيه تكافل وتكاتف ودعم لوجستي* غير مباشر لوطنه اللي يتمتع فيه بالامن والامان .
لا تقولون ان هذي شحاذه ومدري ايش ولو انك تبي تدرس كان جبت معدل وخلاك تدخل في بعثة حكوميه اتركو هالكلام اللي ما يجيب نتيجة ، فيه ناس ما جابو معدلات بس يستحقون اكمال تعليمهم اكثر من اغلب المقبولين في برنامج الابتعاث الحكومي .
وفيه ناس عندها فلوس وطلعو يدرسون ولا جابو نتيجه ولا يستحقون اكمال دراستهم ولا خدمو انفسهم ولا وطنهم بتعليمهم هذا .واللي ما عنده فلوس تحصله برغم انه ما قدر يكمل دراسته بس تحصله طول الوقت يدعي وينتظر الامل اللي يخليه يكمل دراسته عشان اول شي يعطي صورة مشرفه لبلدة ولـ امثاله من الطبقة البسيطه ويقول للناس اننا نقدر نخدم بلدنا بالعلم والتعلم بس وين الدعم .
الرجاء كل واحد يقول رأية في الموضوع هذا بصدق وبصراحه ويحاول لو عنده نصيحة او طريقة يفيد بها هالموضوع يقول .
يعطيكم العافيه