كشف الحساب ! والمبلغ لاستخراج فيزا كندا

وعليكم السلام ورحمة الله و بركاته

اتمنى اني اكون جيت في الوقت المناسب


شوفي اختي بالنسبة لموضوع الفيزا الكنديه خليك متفاؤله جدا

انا على حسب تجربتي اشوف انها انشاء الله سهالات
بس اهم شيء
يتوفر في الحساب مبلغ لا يقل عن خمسين الف ريال
و الله يعينك تخللين هذه الخمسين في الحساب ما ينقص منها ريال واحد الين تطلع الفيزا بعد كذا تقدرين تسحبين فلوسك
على فكرة
شغلة انك تودعين الفلوس و تسحبين برنت كشف حساب و بعدين تسحبين الفلوس اللي هي الخمسين الف ترا هذي ما تمشي على السفارة الكندية
لأنهم يستفسرون من البنك نفسه و اذا دروا ان حسابك اقل من خمسين الف يرفضون الفيزا علطول
وقد صارت مع واحد من اخويانا حط الفلوس خمسين الف و بعدين سحبها بعد عشرة ايام من تاريخ تقديمه على الفيزا
و علطول رفضوا الفيزا حقته

اما بالنسبه الى اختك او اي احد يبي يتكفل بمصاريفك
يفضل انه يكون موظف في شركة كويسة لها سمعة
ويكون راتبه كويس
في اعتقادي ان راتب اختك كويس

اهم شي تعريف بالراتب باللغة الانجليزية
وكشف حساب 6شهور
شيك مصدق باسم السفارة الكنديه و يفضل يكون من البنك الاهلي
و يوجه باسم THE RECEIVER GENERAL FOR CANAD
وبملغ 125 دولار كندي يعني يقارب 500 ريال سعودي
طبعا ماهو ضروري يكون عندك حساب في البنك عشان تسووين الشيك
يعني مثلا لو حسابك في سامبا و تبين تسوين الشيك من البنك الأهلي
الحل سهل
تروحين اقرب فرع للبنك الأهلي
وتودعين الفلوس نقدا
و تقولين لهم ابي اسوي شيك مصدق للسفارة الكنديه
و علطول ماراح تطولين
و بياخذون عليك فلوس حق الأتعاب تقريبا تسعين ريال



و اذا لك احد في كندا تعرفين اي احد هناك و سلوكه و سيرته طيبه ولا عليه مشاكل هناك
يفضل انك تاخذين منه صورة الجواز و صورة الفيزا حقته
و ترفقينها مع اوراقك عشان يدعم ملفك

وانصحك تتعاملين مع مكتب الفيفا لأنهم محترفين في هالشغلة و بلأخص تعبأة الفورمات
لأن اغلب الفيز اللي ترفض بسبب التعبأة الخاطئة للفورمات

اما بالنسبه للمدة على بال ما تطلع الفيزا
تحتاجين من 3 اسابيع الى شهرين على حسب حظك

حاولي تقدمين على الفيزا قبل تبدأ دراستك بشهرين الى ثلاث شهور عشان يكون عندك وقت


ومره ثانيه الخمسين الف ريال تقعد في الحساب الين تطلع الفيزا




اتمتى اني اكون افدتك

شكرااااااااا جزيلا الله ييسر لك أمورك ويسعدك يا أبو ريم

و اذا لك احد في كندا تعرفين اي احد هناك و سلوكه و سيرته طيبه ولا عليه مشاكل هناك
يفضل انك تاخذين منه صورة الجواز و صورة الفيزا حقته
و ترفقينها مع اوراقك عشان يدعم ملفك

>> ما فهمت هاذي ,,
طيب أختي وأخويا هناك ..
أرفق مع أوراقي صورة من جوازاتهم وصورة الفيزا ,, .؟؟ ينفع

>>

وأكرر شكري .. نبهتني عن أشياء كثيررة والله :/ ,, الله ييسر أمورك وأمورنا

حياك الله و هذا حق و واجب و نتمنى لك التوفيق





بالنسبة لصورة الفيزا و الجواز


شوفي اختي

الفورمات اللي راح تعبينها حق الفيزا من ضمنها فورم حق الأسرة
يعني ابوك امك اخوانك اخواتك زوجك اذا كنتي متزوجة

طبعا هذا الفورم لازم تحطين فيه معلوماتهم
يعني الاسم و تاريخ الميلاد و صلة القرابة و حالة الشخص موظف ولا عاطل والمهنة حقته
و ان كان متزوج ولا اعزب و سكنه الحالي

من الطبيعي و انتي تعبين هذا الفورم بتحطين معلومات اسرتك و من ضمن اللي بتحطينهم اخوك و اختك اللي في كندا

ومن هذا المنطلق تحطين صورة جوازاتهم و كذلك صورة الصفحة اللي فيها الفيزا

والشخص اللي له اقارب في كندا و سيرتهم طيبة ولا عليهم اية ملاحظات يكونون سبب في ان اوراقه
تخلص قبل غيره
يعني فيزتك راح تطلع بسرعة اكثر من اللي ما عنده اقارب في كندا
لأنك معروفه عند الحكومة الكندية و مايتوقعون منك الا كل خير مثل اخوانك اللي قبلك


وفي الاول والاخير التساهيل من رب العالمين



و نتمنى لك التوفيق