بالنسبة للـ30 ساعة الأكاديمية للألتحاق بالبعثة - سألنا الملحقية في أمريكا

طيب اخوي بقولك هالخبر هذا من زمان وهو معروف
وفي ناس كانت تروح من قبل المكرمات الملكيه وقبل كل شي
وماخذت الى 3 - 6 شهور وهي ملتحقه بالبعثه
بس بعضهم بواسطه وبعضهم حقق درجات عاليه بمعهد اللغه والتحق بالعثه


طيب سؤال هل ينطبق هالشي على الملحق الثقافي بكندا ؟ او هناك الامرو سهله والتحاق اسهل ؟اذا كان مستوفي شروط التاحق من قبولات وكل شي ؟

الله يسهل امورنا من عنده ,

هلا اخووي كلامك مو صحيح

الثلاثين ساعة بشكل رسمي موجودة لكن يتغاضون عنهاا
لو شالوها كان شالوها من الموقع اصلا

وفيه كم عضو هنا انضم بعد اللغة دايركت وبدون مكرمة

اخووي اكيــد بيقوولكـ مطلووبهـ ما يقدر مسؤوول يقلك النظام هذا نتغاظى عنهـ عششان ما يعرض منصبهـ للخطر
انا سألت العريني وسألت كم مسؤوول بواشنطن قالووولي الـ 30 ساعهـ مطلووبهـ ومافي الحاق قبلها
لكن لو تسأل كل اللي جوو على حسسابهم ولا وااحد منهمـ كمل الشرط هذا اذا خلصت اللغهـ وارسلتـ لهمـ جدولك الدراسي تضمن الالحاق
الدنيا تسساهيل ما يحتاج تعقد نفسكـ بكلامـ احد توكل على الله واطلع حااسب حسسساب انك بتخلص اللغهـ كاملهـ وان شاء الله بالفترهـ هذي تلتحق

يا عزيزي من اول واحنا نسمع بالشي هذا

اخرها في واحد من الشباب الله يوفقه

توووووه كمل اسبوعين بالضببببببببببببببببببببببببببط

في امريكا انضم للبعثه ماداوم بالمعهد الا 3 ايام

هي على حسب المزاج

والله يوفقنا ويا الجميع

ونسأل الله ان نكون منهم

والله ياخوي ماعرف الكثير عن كندا بس عند صديق راح يدرس على حسابه وظل تقريباً 3 شهور ولا أنضم الا لما جات المكرمة الأخيرة
أعتقد أن الملحقية في امريكا أسهل

انا معاكم ياشباب ،، شي طبيعي أن الموظف هذا ماله صلاحية يعطي تصريحات غير صادرة رسمياً ، الملحق الثقافي د. محمد العيسى يوم تكلم عن أستثناء الساعة الـ 30 كان في مقابلة مع جريدة عكاظ ، وأنا مثلكم عندي أحساس أن اللي بيروح هالوقت وبيدرس على طول بالجامعة ماراح يطول أكثر من سمستر الا وهو بأذن الله منضم للبعثة

وخصوصاً هالسنة هذه شروط الأبتعاث القادم لمرحلة البكالوريس مقتصر فقط على تخصص الطب يعني ماراح يكون في مبتعثين وااجد وهذا اللي ممكن يساعد الطلاب اللي يدرسون على حسابهم أنهم ينضمون للبعثة ،،، هذه وجهة نظري

لا أحد فيكم يحبط من عزيمته بس الاحتياط واجب وأنا أحب أنصح للي بيتركون وظايفهم خصوصاً للي لغتهم ضعيفة واللي فلوسهم محدودة أنهم ياخذون اللغة بالسعوية ويحصلون على التوفل ويروحون أمريكا وهم عندهم قبول جامعي بدون شروط

حرام أنك تترك وظيفتك وتصرف مبالغ على دراسة اللغة في امريكا على أمل أنك تنضم في فترة بسيطة وفي الاخير يقولون لك الملحقية لازم تبدأ دراستك الجامعية وبعدين تتورط مع مصاريف المعهد والتوفل يمكن ماتعدي منه من أول مرة ولا من المرة الثانية وحتى لو عديت منه احسب المدة اللي بتجلسها الين ماتحصل قبول جامعة ويمكن يفوتك التسجيل وتجلس تنتظر 4 شهور وتدفع مصاريف اجار شقة ولوازمك المعيشية يمكن تفلس وانت ماحصلت قبول جامعة وترجع السعودية لا تملك لاوظيفة ولا فلوس

يااخووي والله محتـارين مانــدري نطــلع ولالا ..؟؟ المهم انا معــااي 100 الف تكفينـأاا ولااا؟؟