استفسار عن شهادة الدبلوم

انا معي دبلوم حاسب من التقنية .. لكن انت لما تجي تعادل اتوقع الجامعه نفسها هم اللي يطلبون النسخة الاصلية ..

هذا اللي اعرفه بس مااعرف اذا يمشي

بالنسبه للاستفسار الثاني انا بطلع بشهادة الثانوي .. واذا وصلت للجامعة بعطيهم وثيقة الدبلوم و السجل الاكاديمي عشان يعادلون

يعني برفع اوراقي للتعليم على اساس ثانوي ..

والله يوفقك يارب ويا الجميع ان شاء الله

شكرا لك اخي تعبت معك

مازلت انتظر الرد من المبتعثين الذين معهم دبلوم هل طلبت الجامعه او المحقيه منهم الشهاده الاصليه لدبلوم

معلليش على التأخير بس توي اشوف الموضوع
الملحقية تطلب صورة بس
اما سالفة انضمامك للبعثة ملها دخل معك دبلوم والا غيرة
بالتوفيق اخووي

أنا كلمت مكتب يجيب قبولات اسمه مزاري او هيك شي .. قلت له ابي قبول بعمهد . وجامعه .. وابي اعادل لان معي دبلوم سنتين ونص وبمعدل 3.85
قال لي لا
بنجيب لك قبول على شهادتك الثانوي .. وتروح تدرس لغه لمدة سنه وبعدها تدخل الجامعه وتقدم اوراق المعادله ..
يقول ماينفع انك تقدم من الحين معادلة احد صار معه كذا ؟

انا معي دبلوم من معهد الادارة, وان شاء الله طالع للابتعاث عن قريب, مع الأسف استفسارك الأول لا أملك له اجابة لاني ما بعد طلعت
لكن بالنسبة للاستفسار الثاني, انا تواصلت مع شخصين من الملحقية في امريكا, الأول هو الأخ خالد بن يوسف العمار, مدير قسم التسجيل والملفات, سألته عن وضعي بما ان معاي دبلوم, قال جب لي قبول غير مشروط مكتوب عليه انهم بيعادلون لك اكثر من 30 ساعة وانا أحول ملفاتك للوزارة من يوم توصل.
تواصلي مع الأخ خالد كان عن طريق الهاتف, ومثل ما يقولون كلام الليل يمحيه النهار.
حاولت اني احصل على إيميل منهم بحيث انه يكون رسمي أكثر من مكالمة التلفون, تواصلت مع وحدة اسمها نجوى عن طريق الايميل, مادري وش وظيفتها لكن يوم سألت عن وضعي دلوني عليها, وقالت لي نفس الكلام اللي قاله بالايميل

الله يوفقك ويردك بالسلامة

ادخل على أي جامعة من جامعات أمريكا واتحداك اذا ما لقيت قسم حق International transfer students
مع احترامي لصاحب المكتب, لكن تواصلت مع جامعة University of South Florida وقالوا تعال ونعادل لك 57 ساعة من أصل 62 ساعة

فيه مرسوم ملكي صدر سنة 1418 ينص على ان الطالب يتم ضمه للبعثة في حال أكمل 30 ساعة اكاديمية, اذا كان معك دبلوم وحصلت على معادلة بعدد ساعات أكثر من 30 ساعة تضم للبعثة بموجب القانون وليس استثناء كما هو حاصل الآن

يعني اللي يعادل الدبلوم 30 ساعة و أكثر ينضم بعد اللغة ؟!

يطلبون منك صورة فقط
ويضمونك للبعثه بعد ما تنتهي من فترة اللغة