أرخص الجامعات في أمريكا ..

شكراً جزيلاً على المعلومات اللي تخص الجامعات الرخيصة ، والله يوفقكم في دراستكم وتنجحون بتفوق
انا حقيقة جلست مايقارب 3 شهور أبحث في الجامعات الرخيصة في أمريكا .. لكن على قولة المثل الزين مايكمل
أن حصلت جامعة رخيصة اما تكون في ولاية او مدينة خطرة من ناحية المناخ مثل الاباما - كنتاكي - تكساس - أركنساس - شمال كارولينا ..
أو تكون خطرة في الجرائم مثل أكلاهوما - بالتيمور - ديترويت - ميامي - لوس أنجلوس ..
أو تكون غالية من ناحية السكن والمعيشة مثل سياتل - كولورادو - وفي جامعة حصلتها رخيصة في كالفورنيا لكن المدينة غالية مأتذكر اسمها بس هي غير لوس انجلوس

أنا أحب أضيف على قائمة الجامعات فوق جامعة تاوسن
Towson University
موقع الجامعة في مدينة تاوسن في ولاية ميرلاند ، هي فعلاً قريبة جداً من مدينة بالتيمور لكنها آمنة وأءمن بكثير من بالتيمور
( ملاحظة : في خطأ في موقع وزارة التعليم في صفحة الجامعات الموصى بها والخطأ هو أنهم حطو الجامعة هذه في مدينة بالتيمور )

الجامعة هذه حكومية وتعتبر من اقوى الجامعات في تخصص المحاسبة في الولاية
المناخ برضو آمن من الأعاصير
السكان 87% بيض 8% سود 2% هاسبينك 3% آسيويين عكس بالتيمور اللي كلها سود والبيض قلة جداً
اللي يميز هذه المدينة بالنسبة للطلاب السعوديين هو انها قريبة من مدينة فيرفاكس ولاية فيرجينيا اللي فيها الملحقية الثقافية السعودية ( المبنى الجديد ) وتبعد بالسيارة تقريباً 115 ك/م يعني مشوار ساعة وشي ، والميزة الثانية الحلوة أنك تقدر تروح للملحقية بالقطار وأتوقع الوقت بيكون أقل من كذا, والقطار يطلع برضو لواشنطن ونيويورك للي يبي يراجع السفارة
السكن في المدينة يعتبر مناسب بالنسبة للميزات اللي ذكرتها فوق ويتراوح سعر الغرفة الواحدة بين 900 و1500$ على حسب الموقع ومستوى الشقة الخ الخ الخ
ويمكن الواحد يحصل أرخص لو بحث بنفسه في المدينة ، لاني جبت الاسعار هذه من النت
التاكس في المدينة 5%
نجي لأسعار الجامعة لسنة 2011-2012 وهو هذا اللي محيرني
في شروط الجامعة للطلاب الدوليين طالبين ضمان مالي 15,400$ للدراسة الأكاديمية لسنة كاملة - يعني 7700$ للسمستر الواحد وتعتبر هذه الرسوم أررررررخص جامعة مرت علي من خلال بحثي الطويل
اللي محيرني يوم شيكت شروط المعهد حق الجامعة ELC مكتوب الطالب اللي بيدرس 12 شهر لازم يجيب ضمان مالي 20500$ !!!! مع أنهم حاطين سعر السمستر للغة 7300$ شامل الكتب والسكن والرسوم
أتوقع هم مخربطين ولا مدري وش سالفتهم !! بس الواحد يراسلهم أفضل عشان ياخذ الخبر الأكيد
أن شاالله أكون وفيت وكفيك بالمعلومات والكل يستفيد من الصفحة هذه لأن بصراحة البحث عن الجامعة والمدينة المناسبة في أمريكا متعب جداً
وأنا أن أشاالله راح اسوي موضوع يتعلق بخطوات البحث عن الجامعة اللي تناسب كل واحد من حيث رسوم الجامعة ومن حيث آمان المدينة وتكاليف المعيشة بس لما أخلص من اختبار الفاينل هذا الأسبوع