الضمان المالي للفيزا الكندية

نتمنى لك التوفيق اخوي

وشيء حلو ان الواحد يكون عنده طموح لتكملة الدراسة و زين قررت انك تدرس في كندا لأنها فعلا من اقوى دول العالم من ناحية التعليم الجامعي

بالنسبة للضمان المالي

اول شيء مسموح لك تجيب اي شخص يتكفل بدراستك عند السفارة الكندية

بس اهم شيء

يعبي خطاب موجه للسفارة الكندية يفيدهم فيه انه هو الشخص اللي بيتكفل بدراستك مع التوقيع على هالخطاب

طبعا هالخطاب ماهوب مشكلة كبيرة يعني هذا الخطاب يعتبر فورم من ضمن الفورمات اللي بتعتبيها حق الفيزا و بترسلها للسفارة

يعني المطلوب منك

تجيب شخص راتبه زين يعني راتبه يغطي مصاريف العيش و الدراسة في كندا لمدة سنه

طبعا المصاريف المعتمده عند السفاره الكندية للسنه الواحده تعادل خمسين الف ريال للشخص الواحد


اذا لقيت الشخص المناسب تتبع الخطوات التاليه

اول شيء تعريف من العمل باللغة الانجليزية موجه الى السفارة الكندية ويكون تعريف بالراتب

ثاني شيء يعبي الفورم اللي تكلمنا عنه انه يقدر يتكفل بدراستك في كندا و يوقع عليه

ثالث شيء كشف حساب حق ست شهور ويكون في الرصيد مبلغ لايقل عن خمسين الف ريال للشخص الواحد

وتصرف شيك مصدق باسم السفاره الكنديه بمبلغ 125 دولار كندي بما يعادل خمسمائة ريال وهذا رسوم فيزا الطالب

طبعا تكتب اسم المستفيد من الشيك الى THE RECEIVER GENERAL FOR CANAD

طبعا يفضل انه يكون من البنك الاهلي

حتى لو ماعندك حساب هناك تقدر تودع فلوسك وتطلع الشيك و هناك الموظفين عندهم خلفيه عن الموضوع

وفيه نقطة مهمة الخمسين الف هذي لازم تكون في الحساب و لا ينقص منها ريال الين تطلع الفيزا

ونتمنى لك التوفيق

يعطيك الف عافية ابوريم
مشكووووووور حبيب قلبي

من تجربة شخصية
الافضل ان يكون المبلغ فوق 100.000 سعودي
ومثل ماقال لك الاخ ابو ريم كلامه سليم
موفق

السلام عليكم ؛؛؛
كلام ابو الريم صحيح الله يحفظة بس فيه نقاط بضيفها ؛
او الي بضيفه إذا كنت بتقدم يقبول جامعه لا تقدم برصيد اقل 100 الف ريال ؛ او اذا ما عندك برصيد لا يقل عن 60 الف ؛ او تحذر او انت تعبي الأبلكيشن لانه السفارة دقيقة جدا انا غلط صغير في تاريخ اخر دخول لي لسعودية كلفني رفض فيزا 3 مرات يعني لما تعبية تروح مكتب رجاءً تاكد من الي يعبية له او راجع معاه لانه مافيها اي شئ اذا راجعت وراة افضل لك

يعطيك العافية اخوي
مشكووووور

مشكووور اخوي
والله يوفقك انشاء الله

حياك الله و هذا واجب علينا والله بس انت اهم شيء تجيب الشهاده

طبعا فيه نقطه نبه عليها اخوي يالبى كندا الله يعطيه العافيه

اللي هي تعبية الفورمات ركز على تعبية الفورمات و حاول انك

تعطيها مكتب و تفتك و تشتري دماغك بدل الصداع و التعب و المحاتات

يفضل مكتب الفيفا و بقوة لأنهم محترفين الشغله

طبعا فيه نقطه ذكروها الاخوان اللي هي كشف الحساب

شوف انا قبولي معهد برنامج لغة لمدة سنة

وحسابي مافيه الا خمسين الف

وطلعت فيزتي في ثلاثة اسابيع

لكن اهم شي يكون الحساب متحرك تدخل فيه فلوس و تطلع

وتودع الفلوس (الخمسين الف) بشكل تدريجي خلال عشرة ايام وانت ابوها و سمها

و تحافظ على هالخمسين الف وما تحرك منها ريال الين تستلم الفيزا

ونتمنى لك التوفيق

ابوريم مشكور على الاظافة

بس انا اودعت 100 الف في حساب اخوي وفي نفس الوقت علة طووول لــ خدمة العملاء واخذت الشهادة البنكية وكان مكتوب فيها ان الرصيد 115000 ريال واخذت كشف الحساب حق 6 شهور ذا الكلام كان امس
اليوم مريت على البنك واخذت الفلووس

تتوقع فيه مشكلة بشي ذا


واعذرني ياا ابوريم تعبتك معي

وبغيت اسالك اذا عندك خلفيه عن ذا المعهد Cambridge Western Academy Ltd تقولي و اكون لك من الشاكرين