رأيكم يا طلاب أمريكاا

الله يوفقنا يارب ... وربي كلية التقنية إنها من جد مقبرة الطلاب أنا نفس تخصصك ومعدلي 4.74 ولا رحت بعثه ولا شي وهم بعد ماقبلوني بكلية المدربين اللي بالرياض

ياخي حسبي الله عليهم يخرجون بالسنه ثلاث دفعات ويدجونهم ... هذي اسمها كلية الدجه موو التقنيه عقدونا حسبي الله عليهم

ويوم رحت للمحافظ علي الغفيص المكرم / أقول أبي أكمل دراستي أنا أنسان طموح ، يقول بكل برود وش رايك أرسلك على جهة توظفك ... اللي أقدر أقوله ( حسبيّ الله ونعم الوكيل )

أبي أرد عليك آسف نسيت مشكلتك / عزيزي شوف إحسب 10 آلاف شهرياً مصاريفك كامله بالمعهد بالسكن مع عائله هذي ال 10 آلاف مينيمم يعني المتوسط

طبعاً تختلف من ولايه إلا ولايه بس أنت روح للرخيصه مثل مونتانا أو ميشقن هذا تكفيك أقل من عشره آلاف .

وعاد يمكن تروح وتنظم من أول يوم مثل ناس أعرفهم أو شهر أو شهرين ... أنت وحظك ، أو قرار من خادم الحرمين الشرفين الله يطول لنا بعمره ويضمك

يعني الله يفرجها ويرزقنا ويرزقك قل آمين وسلامتك .



تح ــياتي

اهلين ياولد اهلي اخبارك ؟
فيه ولاية اوهايوا ؛ او اوريقن ؛ او اولكوهوما اذا كنت عندك هل مبلغ لا تفكر إلا في هل ثلاث لانه اذا بتاخذ معهد تابع لجامعه ولا تاخذ لك تجاري انتبه منه لانه غالي او ما بتستفيد المهم
المعاهد التابع لجامعه في ذي الولايات يكون السمستر الي هو 4 شهور تقريباً بـ 16 إلى 20 الف ريال او هناك ميزة السكن في هل مدن رخيض جدا يعني مو لازم تتشرط او تاخذ لك عائلة خذ لك شقه فيها روميتات امريكان الزبدة اجانب او تلقى اطلق شقة هذي فخمة 400 دولار شهرياً ابصراحه انا شفت الاسعر انصدمت شفت شقق جدا محترمة على 200 دولار في ذي الولايات او طبعا العيشة حدث ولا حرج جدا رخيصة بس مو مثل السعودية بس هاا كل شئ له ثمن طبعا ذي الولايتين اوهايوا او اولكوهوما مدن امريكية عادية لكن اوريقن فضيعه او فخمة مدموجه بالرخص
شكراً ؛؛؛؛

الله يعطيكم العآفية أخواني ..

حلو يعني الحين بركز على هـ الثلاث ولايآت ( أوريقن وأوهايو وأكلاهوما ) ..

طيب

أبي أجيب لي قبول ومعادلة لان معي دبلوم .. انا مو من الرياض .. لو فيه مكتب أقدر أراسله من الديرة الي انا بها ..

+ وش أفضل تخصص لأمتداد تخصصي بالتقنية الي هو حآسب الي دعم فني .. أتوقع أقرب شي هندسة حآسب

ياليت تفيدوني

منيمم أو Minimum تعنى أدنى حد أو الأقل و ليس المتوسط

^
خطأ مطبعي من الأخ
A7m3d07

للحين منتظر رآيكم

1.أن يحصل الراغب في الدراسة على موافقة الملحقية الثقافية في بلد الدراسة عند وصوله إليه.
2- أن يكون الطالب ملتحقاً بإحدى الجامعات أو المعاهد الموصى بها من قبل الوزارة .
3- أن تكون دراسة الطالب ضمن احد التخصصات التالية : -
الطب – العلوم الطبية – الهندسة الميكانيكية – الهندسة الكهربائية – تقنية الهندسة الكهربائية – تقنية الهندسة الميكانيكية – المحاسبة – القانون – هندسة وعلوم الحاسب الآلي – السياحة والفندقة.
4- أن يكون الطالب قد أنهى في مجال دراسته ( 30 ) وحدة دراسية حسب النظام الفصلي أو مايعادلها وبمعدل تراكمي لايقل عن ( 2.5 ) من أربع نقاط أو مايعادله -
5- أن تكون الدراسة تحت إشراف الملحق الثقافي سواء كان في البلد الذي توجد فيه الملحقية الثقافية أو في بلد يقع تحت نطاق إشرافه .
6- أن يكون الطالب مقيماً في بلد الدراسة ومتفرغاً لها .
7- أن يكون الطالب حسن السيرة والسلوك ولائقاً صحياً .
8- الا يكون الطالب قد سبق فصله من البعثة أو من إحدى الجامعات السعودية .


أنا كنت ادرس بالملك سعود وفصلوني بسبب تدني المعدل يعني مافي أمل يضموني للبعثه ؟


+ كلمت مكتب قبول يقول تدرس سنه لغه بالمعهد ..


تكفووون احد يرد علي

ما عليك من هالخرابيط ... اذا عديت فترة اللغة راح يضمونك للبعثات
50 الف ممكن تكفيك حتى 7 شهور اذا انت عاقل ومالك في الخرابيط ... وفي ولاية رخيصه ... عاد ما ادري هل تخلص فترة اللغه في 7 شهور انت وشطارتك .. بس اهم شيء تتوفق في معهد حلو
وبالنسبة انك تشتغل بامريكا النظام يقول انك ممكن تشتغل في حرم الجامعه ... بس انا كنت اعرف واحد كان يشتغل في نستشفى كمترجم من العربية الى الانجليزية لا مدينته كان فيها مستشفى مشهور يجونه كثير من الخليجيين ... بس ما اعرف كيف سواها ... اتوقع ان الوضع سهالات ... بس اذا وصلت للمعهد روح لقسم الطلاب الدوليين واسالهم وهم اللي راح يفيدونك

يا اخوان كيف اقدم على طلب دراسة على حسابي بالموقع مافي دولة امريكاا .. في دول ثانيه ومحدده ؟