الشهادة البنكيه اي الضمان المالي

السلآم عليك ..

أخي العزيز أنا سبق ومريت بمشكلة في موضوع الضمانات البنكيّه ..

قدمت لأخوي الصغير طلب تأشيره وطلبوا مننا طلبات منها الضمانات البنكية

وحطيت في ( الأبلكيشن ) ان المتكفل بمصاريفي أخوي الكبير ..

أخذت كشف حساب أخوي الكبير وفيه تقريباً تسعة آلاف ريال .. طبعاً المفروض أخلي فيه فلوس كثيره واطبع الكشف لكن نسيت وطبعت الكشف خلال ثلاث شهور ماضيه ..

دخل أخوي السفاره ومعه كل آوراقه لكنهم رفضوا بسبب قلّة الضمانات الأقتصاديّة ..

ورحت وسويت ( أبلكيشن جديد ) ودفعت رسوم التأشيره مره ثانية 530 ريال ..

وكتبت في ( الأبلكيشن ) الجديد واحد من جماعتنا .. رصيده لايقل عن 500 آلف

ولله الحمد قبلوها ..


آحترامي وتقديري ..


* ضروري يكون اسم صآحب الكشف مطابق لأسم المتكفل فيك أقتصادياً ..

ياليل الليل انا جبت لهم شهاده باسم الوالد وفيها 50000الف لكن قالوا لازم يكون فيها 120000 وجبت باسم جدتي يعني ماتقبل

أنت أسئل .. أكثر ممكن تجد حلول آخرى ..

أنا ما أدري وش وضعك ألحين .. أنت رحت لهم وردووك أو تنتظر الموعد ..

إذا تنتظر أخذ حساب جدتك معك زيادة على حساب الوالد .. وقل لهم الوالد وجدتي (متضامنين ) على دفع تكاليف دراستي

لكن أنا نقلت لك تجربت أخوي اللي مر فيها ..

دخل عليهم أول مره ورفضوه .. ورحت وأخذت كشف حساب فيه 500 آلف .. وحجزت موعد جديد ودفعت الرسوم مره ثانية .. تأكد أنت من عملية دفع الرسوم .. لأني أستعجلت ودفعت مره ثانية

الله يوفقك وأنا أخوك ..

والله اني خايف على العموم الله يعطيك الف عافيه

اخواني انا جبت شهادة بنكية باسم الوالد لكن مو مذكور عليها اسمي وقالوا لي لازم خطاب من الوالد يذكر فيه انه بيتكفل بمصاريفك ولازم تصادقه من وزارة الخارجية
مادري كيف الطريقة ياريت تفيدوني

يقبلونها ... بس راح يسالونك من المتكفل بدرستك فتقول لهم جدتك