سؤاااااال ضروري عن التخصصات

بسم الله الرحمن الرحيم , السلام عليكم ورحمة الله وبركاته

أهلين اختي يسر . مبروك عليك الشهر . بدايةً راح اجاوب على اسئلتك وان شاء الله افيدك فيها

اولاً : العمر اختي اعتقد مافيه عمر محدد لاني اعرف واحد عمره 26 سنه وابتعث بس هو من البرنامج الثاني . هذا وهو مبتعث من برنامج خادم الحرمين . يعني في اعتقادي ان اللي بيدرس على حسابه ماله عمر محدد , أن شاء الله يروح ويدرس وان شاء الله يبعثونه ماعليها خوف هذي .

ثانياً : التخصصات هي كالتالي . تخصصات الطب – طب الأسنان – الصيدلة – العلوم الطبية التطبيقية ( التمريض, الأشعة, علوم صحية, مختبرات طبية, تقنية طبية)

ثالثاً : اعتقد الواحد له الحرية انه يدرس براحته وبالتخصص اللي يبيه , بحيث انه ينسى شئ اسمه بعثه . لان يا اختي يسر على كلامك انه اذا درس بتخصص مو من هالتخصصات أعلاه ماراح يلتحق بالبعثه , بس اكيد راح يعترفون بشهادته يا اختي لان على كلامك تقولين انه بيدرس في جامعة معترف فيها . وان شاء الله ربي يوفق الجميع . أتمنى اني قدرت أفيدك أختي

أتمنى ماطولنا عليك بالرد . تقبلي مروري

نفسي اخدمك في الأمر هذا , بس للأسف ماعندي فكره لان انتي تبين بريطانيا والسويد وانا في طريقي الى جنوب الكرة الارضيه ( نيوزلندا ) مسافات ومشاوير أختي للأسف , بس اوعدك راح ابحث وان شاء الله افيدك بالموضوع هذا

تقبلي مروري

أهلين أخواني , , ,
أنا رايح يا أخت يسر الى نيوزلندا وبالتحديد أوكلاند , والله انا سمعت ان أوكلاند مدينه حلوه وجميله ومتطوره وفيها مواصلات متطوره مثل السكة الحديدية وماشابهه ذالك , وجو اوكلاند معتدل لكن طبعاً معتدل بالنسبه للنيوزلنديين مقارنةً بين مدن نيوزلندا , مثل كرايست شيرش زي ماذكرتي حضرتك ومثل دنيدن , لان الأجواء عند هالمدن برد حيل وأحياناً تتساقط الثلوج , الواحد اعتقد في هذي المدن ماراح اساساً يقدر يذاكر او يشوف دروسه ويراجع الا انه يجيب شئ يدفيه مثل يولع نار او يجيب دفايه ويتصرف عموماً , أما أوكلاند بصراحه انا اخترتها لان فيها جامعة قويه وماخذه الترتيب رقم 48 على العالم , لاني بصراحه انا ما ابحث عن الدوله أكثر من ما ابحث عن الجامعة اللي ممكن تكون قويه وتمتلك هيئه تدريس لهم كفاءه وصادقين في التعليم , وكذالك المعهد نفس الشئ.

وبالنسبه للبعد أكيد هي بعيده بس وش نسوي , من طلب العلم سهر الليالي , ولابد من الكفاح والتعب شوي حتى نرتاح بعدين ونوصل لهذا الوطن العلم اللي ممكن ينتفع فيه اجيالنا من بعدنا , وبالنسبه للعرب تواجدهم في اوكلاند , انا سمعت فقط العرب اللي يكونون متواجدين هناك هم اللاجئين وأن صح التعبير , يعني عراقي او سوري وكلهم شغالين في محلات وزي كذا بس ما اتوقع ياختي يسر ان عرب اوكلاند كثر عرب بريطانيا , لان هناك مقارنه كبيره وشاسعه , مانقول غير الله يكتب اللي فيه الخير اختي , ولا تنسين ان نيوزلندا تمتلك طبيعة خلابه وترد الروح

كنت ابنسى شئ بس الحمد الله تذكرته وانا بنهاية الرد (( اوكلاند مدينه متطوره وفيه أشياء ترفهيه بعكس المدن اللي بنيوزلندا , فيه نوادي وأسواق وأشياء كثيره )) أتمنى اني قدرت أكتب شئ يفيدكم


تقبلي مروري