نبي نتكلم عن المشاكل الي يواجهوه الطلاب خارج السعودية من العنصرية الي محد يختلف عليه

وضح ....؟
وش تقصد بالضبط؟

العنصرية عندنا ..... بالسعودية

العنصرية في بعض المدن فقط

والله الحمدلله رب العالمين انا اختلف معاك ما سمعنا انه احد تعرض للعنصرية او شئ من هذا القبيل شعوب محترمة او شعب طيب او محترم او يحترم الاديان او يحترم الاراء او يحب انه يتعرف على الثقافات ولا كان شفت 50 الف في امريكا رجعوا يكفي الي انا اشوفه انه اهناك لما تصادف احد في المعهد بدون ما تعرفه تقوله قم نتغدى سوى راح معاك بأريحية وبكل راحبة صدر انت في السعودية قل حق واحد اول مرة اتشوفه في الكلاس قم بتغدى معك يجلس يخازر فيك يقولك شفيك انت مجون متى المعرفة . شعب جدا بسيط طبعا انا وصلتهم للقمر لكن لكل قاعدة شواذ مثل مالهم اجابيات لهم سلبيات اكيد اصابعك ماهي سوى انا اتكلم عن الاماكن الراقية الي اغلبنا يروحها اما تروح لي مدن فقيرة او خرابيط اكيد ما بترتاح او تخاف على نفسك

يا حبيبي العنصريه ببلدك اللي الى الحين العالم اول ما يشووفك يقولك انت وش انت وش ترجع من ابوك من جد جد خال عمك
الحمد لله اننا افتكينا من هالشي بأمريكا والله اعرف ناس بأسمائهمـ الاولى بس احسن من 100 واحد اعرف وش يرجع ومن جد امهـ
يا حبيبي حل العنصريه ببلدك اول بعدين ناااقش المجتمعات الثانيهـ

آي عنصرية ؟

مقارنة بالسعودية احنا قمــة العنصرية


الصراحة حقي ماخذته زي زي اهل البلد
تعال شف الهندي هنا ماله كراامة تقل مو انسان
وكما تدين تدان

انا بسياتل والشعب صراحة قمــة
اسمع قصص عن الناس للي بولايات الوسط شي يخووف

يمكن انت البلد اللي فيها مو كويسة
حاول تغير والله يعينك

وش تقولين .... الظاهر اننا نسينا العربي


انا اقووول العنصرية عندنا في السعودية مو هنا في الغربة

العنصريه والتخلف والتفكير السطحي والهمجي ووووو ..........................الخ ما رح تلقاه الا بعقول وقلوب السعوديين والعرب

واللي يبي يزعل يزعل ..

انا تركت للاسف مجتمعات عانيت منها ولقيتها قدامي (مدينه كلها سعوديين) بس عايش ومغمض وسافط

صح اكيد كل واحد يتكلم عن نفسه وعن حالته .. لكن !! يشهد علي ربي لقيت تعامل واسلوب ***** اللي هو اهم شي بالدنيا ما لقيته بديرتي.

ناس محترمه وتحب تساعد وما همها انت ابيض او بني ^_^


لك فائق احترامي ^_^ .. والحديث يطول عن بعض * السعوديين والسعوديات والعنصريه والهمجيه .. ويا ليت تخلي موضوعك عام لكل شي

لان هالشي ودي اوصله للشعب السعودي اللي يحسب ان اللي يدرسون هنا جايين يدرسون ويمثلون اهلهم وبلدهم << للاسف حرام ان هالثقه انحطت فيهم .. وهالملايين تصرف في جنوبهم .


اللهم لك الحمد على نعمة العقل

لا عنصرية

بالعكس العنصرية في بلادنا تقطع اشواط و أميال، بينما أنا في كندا لا أشعر هناك أي فرق بيني و بين أي مواطن كندي، افرح لفرحهم و يفرحون لفرحنا، يا خي شوف معرض الاحتفاء بشفاء الملك و شوف رقي هذا الشعب و ابتعاده عن العنصرية

بالعكس العنصرية عندنا، ياخي شوف البنقالية و الاجانب العرب كيف ممسوح بكرامتهم في السعودية، بينما البنقالي في كندا ينعم بحياة كريمة و تجارة كريمة لا يبي كفالة فلان و لا يحب خشم علان.

أما ماحدث في الأعوام الماضية فكانت حادثة عرضية لوزر مجموعة ساذجة حملت المسلمين أخطائهم و اجتهاداتهم، و الشعوب الغربية تجاوزت هذه المرحلة و فتحت صفحة جديدة مع العرب و المسلمين، لكن نحن متى سنفتح قلوبنا لباقي الأعراق و الأديان و الجنسيات و اللغات و نكون حقاً مسلمين نعامل الجميع بعدالة و كرامة و نصون كرامة الإنسان لأنه إنسان لا نستعبده كحيوان لأن جنسيته من العالم الفقير المقعس أو لأنه يدين بغير الإسلام.