ناوي أدرس الماستر في جامعة سيتي لندن .. وأريد الاستفسار عن تكاليف المعيشة في لندن ؟؟

اخوي لندن معروفه انها من اغلى مدن العالم بعد طوكيو

حاول تختار مدينه اسعارها افضل من لندن

لندن تصلح للي حالته الماديه ممتازة يعني للطبقات الغنيه اما اللي يجمع تجميع فلوس ما تناسب له وخصوصا انه ما فيها شيء مميز يستاهل الاسعار ذي

اذا كنت مقتدر ماديا وتقدر تعيش في مدينه غاليه روح

اما اذا كنت تريد رؤية لندن ويعجبك اسمها تقدر تزورها كم يوم وبعدين تشوف لك مدينه ارخض لك

الجامعات القوية كثير وفي اماكن ارخص واجمل من لندن مدينه كئيبه ممله

الله يوفقك

شاكر لك أخي على هذه المعلومات القيمة
المشكلة إن هذه هي الجامعة الوحيدة اللي حصلت منها قبول في بريطانيا وميزتها أنها معتمدة في وزارة التعليم العالي وغير موقوفة.
يعني مالي غيرها
بضطر أضغط على نفسي مادياً علشان أكمل دراستي
مازالت بحاجة إلى معلومات حتى إحسبها صح من الناحية المالية قبل أن أتخذ القرار واتجه إليها

انا ما ادري عن لندن ... بس الالحاق في بريطانيا موقف مؤقتا ولعلك تتأكد من وزارة التعليم العالي بما انك على حسابك الخاص

جزاك الله خير ، أنا عارف ولكن مشكلتي ما فيه ولا جامعة قبلتني في أوروبا كلها وأمريكا غير جامعة سيتي لندن ... يا حبيبي معدلي مقبول
وأقدر أدرس على حسابي ولكني أحتاج إني أحسبها صح قبل اتخاذ القرار ، حتى لو كلف الأمر إني أعمل في الفترة المسائية.

يا أخي الجامعة الحكومية السعودية يبغون أقل شيء جيدجداً ، والجامعات الأهلية يبغون جيد والمقبول يقبلونه بالواسطة ... والرسوم الدراسية 200 ألف للماجستير !!

إيش الأحسن أدفعها لجامعة أهلية سعودية جديدة وأذل نفسي علشان الواسطة ؟ أم أدفعها لجامعة بريطانية عريقة ولا واسطات ولا مذلة ؟

وأنا عارف إني لو أخذت الماجستير ورجعت السعودية براتبي أقدر أسترجع 200 ألف خلال أقل من سنة.

يعني أنا حاسبها زي المشروع التجاري رأس ماله 200 ألف وخلال سنة من العمل أسترجع رأس المال.

وإذا قدرت خلال الدراسة إني ألتحق بالبعثة خير وبركة ، وإذا ما قدرت برضوا ما ني خسران ، مصاريفها برجعها إذا عملت مستقبلاً.

مازالت بحاجة إلى جواب عن المصاريف .. أفيدوني مشكورين ...

ممكن تعطيني أسم أي جامعة فيها تخصص الماجستير في القانون ببريطانيا وتقبل شخص معدله مقبول ، وتكون في مدن مستوى المعيشة بها منخفض .
خلال سنة من البحث ، لم أجد من يجاوبني على طلبي غير جامعة سيتي لندن.

أنا لا أريد من أحد أن يقنعني بأن لندن غالية جداً والالتحاق بالبعثة شبه مستحيل
أنا عارف هذا الشيء جيداً ودارس الموضوع من قبل
لكني أريد أن أعرف كم تكلفني المعيشة في لندن
وهل قانون بريطانيا يسمح للطالب بالعمل أثناء الدراسة ؟
وكم هي متواسط رواتب العرب في لندن ؟ لشخص خبرته 5 سنوات إدارية وقانونية.

أحتاج إلى أرقام .... يعني تقولي تكلفة المعيشة للشخص اللي مثلي 1000 باوند في الشهر ، مثلاً ، ورواتب العرب في لندن لشخص مثل خبرتك تصل إلى 500 باوند بالشهر ... يعني زي كذا أنا أبغى أرقام ، تكفون عاد لا تبخلون عليه بمعلومات مثل هذه .

معقولة ما فيه ولا طالب في لندن يجاوبني ؟؟؟

لا والله الافضل انك تدرس ببريطانيا ... والله يوقفك يااخوي وتحصل اللي يفيدك ... بس الافضل انك تخش على المنتدى الخاص ببريطانيا وايرلندا وراسل الشباب ع الخاص وكلمهم افضل

حاليا انا بحاول ادور علي دراسه بانجلترا ربنا يوفقنا كلنا ان شاء الله