ساعدوووووني وابشرو بالدعاء الصادق ابي مكتب صادق

اخوي الغالي لو كانت عندي الاجابة كان ساعدتك .. لكن ان شاء الله الاخوان مايقصرون معك خاصة اهل الرياض
وانا انصحك تروح لاي مكتب ويكون اتفاقك معه على ورق يعني لو طلب منك شهرين حتى يستخرج لك الاوراق قله موافق لكن بتوقيع عقد وشرط جزائي اذا تأخرت عن شهرين
وانا انصحك انك انت تختار الجامعة والمعهد معهد جامعة لانك بتدرس دكتوراه وابحث بالنت الى ماتحصل اللي تشوفه مناسب لك ومنطقة مناسبة لك .. الان كل شي امامك وتقدر تخدم نفسك بنفسك لاتنتظر مساعدة احد افضل لك

حبيبي قلبي...

المكاتب مثل الحبحب ..... بس أنه مهب على السكين

أنت وحظك

بس إذا تبي نصيحتي وفر فلوسك

وأدخل على موضوع مثبت في قسم التسجيل والقبولات

مثل ما انا سويت مادفعت ولا ريال على المكاتب الموضوع دلني على الخطوات خطوة خطوة

طبعاً أول شيء بحثت عن الجامعة اللي فيها تخصصي عن طريقة موقع وزراة التعليم (الجامعات المعترف فيها)

وعقبها دخلت على موقع الجامعة سحبت الأبلكيشن وعبيته مع اللي طلبوه من شيك وشهادة بنكية وباقي الأورق

وأرسلتها بالبريد الممتاز على عنوانهم ............ خط بط ........ جاني القبول من معهد اللغة حق الجامعة + قبول من الجامعة بالتخصص

والحين أكتب لك وأنا في ولايتي اللي فيها الجامعة وكل هالأمور بمساعدة واحد من الشباب يعرف أنجليزي وعلى فكرة بتلقى رقم موظفة التسجيل

في نفس الموقع وكل ما عسر علينا شيء دقيت عليها و وجهتنا

تحياتي لك وتمنياتي لك بمستقبل مشرق ومزهر

ســــعــد

ابي مكتب يساعدني في الحصول على قبول في الدكتوراه مو ماستر

يالغالي عندك مكتبين بالرياض على مستوى عال

1- مكتب مستقبلي
2- مكتب خدمات التعليم الجامعي ( مجرب )

اخوي ابي اقول لك شي بسس مو متاكد منه

انا احد اصاحبي يبي دكتوره بمريكاااا وسالت له في الرياض وقالو لي
دكتوره صعبه ماستر نقدر بس دكتوره لان الدكتوره ع كلام صاحب المكتب
لازم تدرس في امريكا ماستر تحصل ع توصيات من دكاتره بمريكا
بس انت اسال وتاكد هذا لي حصل معي
وهوو الان يدرس بمريكا ماستر ودكتوره يعني ماستر السعوديه تنزل عنهـآ
اذا حصلت مكتب يقدر يجيب لك قبول دكتوره عطنـآ خبر لاهنت
بتوفيق اخوي

يا اخواان هل القبول لدراسة الدكتوراه بعلم نفس بامريكا صعبببببببببببببببه ؟؟

ياعيني على الطنش ياصاحب الموضوع

اعتذر منك اخي سعد ترى انا اكتب لكم من الايفون وانت عاد عارف الايفون

مشكور يالغالي
ماقصرت
بس انا للاسف اللغة ميييييييييح