استفسار بخصوص العنوااان .. استفسار وكم سؤال ثاني

ياحبيبي لاترسل شي اصلي ابد ارسل لهم طبق الاصل عشان لاتتوهق معاهم وبالنسبه للبريد والله ماعندي خلفيه عنه بس الاوراق لاترل الا طبق الاصل

ارسلها فيدكس ..
لاترسل الاصل لانها مهمــه .
فيه اختراع اسمه . صوره طبق الاصل .. مختوم جاهزه حتى لو راحت ماعندك مشكله
وخهم يرجعونها عند اقرب مكتب فيدكس من بيتكم وتروح تستلمها

تحياتي

فكرة الفيدكس افضل شي

فيديكس غالي
ياخذون علي رسوم الارسالية .. رايح جاي

برسللهم بالبريد الممتاز ..

لكن وش اللي اسوي عشان ماتضيع ..؟؟؟؟؟


وهل فيه جامعات تعطي قبول مشروط بدال هالدوشة كلها ؟؟

عندي مشكلة ثانية

الحين انا بطلع على حساب الوالد .. لكن المشكلة حساب الوالد في سامبا

وسامبا لما تطلع شهادة بنكية لازم تكون موجهة لجهة معينة ..

المهم قلت للوالد يسوي شهادتين وحدة للسفارة ووحدة للمعهد .. طبعا حقت السفارة ماطلبتها منه الا متاخر عشان كذا صار المبلغ اقل من الشهادة البنكية حقت المعهد

والمشكلة الثانية ان اسمه العائلة في البنك يختلف عن الاسم في جوازي ..
يعني سامبا لما طلعو شهادة بنكية كتبو اسم العائلة حقت العائلة نفس السبلنق يعني ضبطوه

لكن المشكلة ان طلبت من الوالد كشف بنكي اخر ثلاث شهور مبين فيه الرصيد ومختم عشان اقدم به على الجامعات

والمصيبة ان الكشف البنكي فيه اسم عائلة الوالد يختلف عن السبلنق اللي في جوازي ..

واذا قبلتني الجامعة وارسلولي الايتوني بيكون باسم الوالد المسجل بالكشف .. (اللي مايطابق سبلنق العائلة عندي )

واذا رحت السفارة بيقولون على حساب مين طالع اقوللهم الوالد بيقولون الاسم غير متطابق ..





ادري اوجعت روسكم لكن ابي حل

يالحبيب خذ من الوالد مبلغ تقريبا ميه الف وحطه في حسابك واليوم الثاني صبح عليهم وقل ابي شهاده بنكيه واكتب الاسم الانجليزي اللي تحب ويكتبونه لك وياخذون عليك خمسين ريال تقريبا(البنك الاهلي) خذ نسختين احتياط... وثانياً الاهلي يكتب الي من يهمه الامر<<< الدعوه سهاالات

بعدها اذا استلمت الشهادده البنكيه اسحب الفلوس ورجعها للوالد وانتهت الحكايه من اولها لاخرها
فرضا انت ما اعندك حساب .. افتح حساب واودع المبلغ وطلع شهاده وقفل الحساب... ما يبيلها شي يا كنق، وبالتوفيق يارب

من ناحيه واصل .. فعادي اكتب لهم عنوان واصل (حاول بالانجليزي تترجم وصدقني لو اقول لك شي .. ان الرسايل العاديه من امريكا توصل ع واصل.. بس اذا جت عن طريق الفيدكس يتصلون ع الجوال الموجود وتروح تستلمها وانتهت حكايه البريد

الشهادات الاصلية..< ما اقدر افتي لك فيها<< وبالتوفيق يارب

والله احسها صعبة مرة لان الوالد بديرة وانا بديرة ..

وعندي انا مشاكل في التوقيع وكذا اخاف تدخل الفلوس وماتطلع ..

ابي حل ثاني تكفى شغل تفكيررك معي ..

ما فيه الا تجيب شهاده بنكيه من الوالد نفسك حلك الاول للمعهد وللجامعه
وبعدها ارسل اوراقك وجب لك قبول ع السريع علشان يمديك لو كتب الله تلتحق قبل رمضان

او تجيب ثلاث اشهر كشف حساب وتوريهم اياهـ < وعادي تمشي الامور مو شرط يتطابق
اساسا عارفين السعودي راح يدفع وواثقين ان الملحقيه راح تدفع اذا ما دفع السعودي
<< مثلااا انا في المعهد او ما جيت ما دفعت لهم و لا ريال.. وكنت منضبط وجاء في نصف الترم كلموني
قالوا تسدد المعهد 2200دولار وتدفع تامين طبي 500دولار ... قلت ولا يهمك بس انا قاعد انتظر الحكومه تضمني
قالت المديره راسلهم ع طول علشان يضمونك.. قلت ابشري .. وبعدها ما كلموني ويم جت النتايج رحت سددتهم 2200دولار وقالت التامين .. قلت من زمان سددت في احدى الشركات وعندي تامين.. ومشت عليهم هه ............... المهم خلك ذيب وترى الدعوه سهالات..والله يوفقك يارب