استفسار محتااااااااااج مشورتكم يالاخوان تكفون دخلوا وردوا علي

وعليكم السلام ورحمة الله وبركاتة

بسيطة الامور إن شاء الله بس استعن بالله واكثر من الاستغفار وقبل مقابلتك الثانيه صلي صلاة استخاره

بقولك تجربتي في السفارة الامريكية :

اولاً قبل كل شي اللهم لك الحمد على كل حال انا مريت نفس تجربتك ونفس النفسية بالضبط لكن انا اعظم رفضوني مرتين والثالثة قبلوني تحطمت نفسياً وفكرت اني اكنسل الدراسة وأغير طموحي لكن كنت متوكل على الله وحده وكانت ثقتي بالله جداً قويه وكنت ومازلت ولله الحمد استغفر الله في اليوم اقل حاجة 100 مرة وخاصة السنن الرواتب فلا تيأس وانا اخوك انسى كل شي ولاتسمع اي كلام يحاول ان يغير مجرى طموحاتك , كانت مقابلتي الاولى في الرياض والثانية في الظهران والثالثة في الرياض , انا مانسى فضل الله ثم فضل الاخوان اللي هنا كتبت موضوعي عندما رفضوني في المرة الاولى والثانية فالكل كان ينصحني بإعادة المقابلة فالكثير تم رفضه والكثير عانى من السفارة فكان سبب رفضهم لي ان لي سنتين من تخرجت مع العلم ان معاي دبلوم صحي , لآتيأس ثم لآ تيأس ثم لآتياس.
اللي ابيه منك تقدم المقابلة الثانية انت بنفسك او تخلي احد يكون معك يساعدك على التقديم فراح يجيك سؤال ( هل قابلت وتم رفضك ؟) اختار نعم , راح تحصل مربع صغير تحت السؤال تكتب فيه عن شعورك لرفضهم وتعبر عن طموحك وتكملة دراستك , انا اللي قدم لي الطلب وللاسف الشديد في المقابلة الاولى كان مكتب والثانية برضو نفس المكتب , وبعد ماقدمت الطلب بنفسي في المقابلة الثالثه عرفت ان السبب الرئيسي في رفضي هو المكتب لانه ماكان يكتب ايه تم رفضه لانهم كانو يختارون لم يتم رفضه في مقابلات سابقة لاني اتصلت فيهم وتهاوشت معهم بعد ماقدمت الطلب وعرفت ان فيه سؤال مثل هالقبيل. ملاحظة مهمه اناذكرت لك تجربتي مع السفارة لسبب واحد فقط الا وهو انك ماتحطم نفسك لاني مريت في هالحاله ورب الارباب هو اللي هونها علي ويسرها لي فلا تيأس مع الله وبالتوفيق يارب . دعواتك