اطلع ماستر كارد ولا فيزه؟رايح امريكا قريبا

اخوي الماستر ولا الفيزا كلها وحده لكن يعتمد على البنك المصدر يعني عندك سامبا والاهلي ولا اقول هالكلام دعايه لا تعتبر بنوك مشهوره بهذا الشي
وفي ميزه بالبنك الاهلي بطاقه فيزا او انها ماستر تشحنها يعني لمتها صفر اذا شحنتها تستخدمها وحدك تشحنها الى 10000 دولار ...

وبالنسبه للبنوك في كثير في Bank of Amercia وبنك Chase

تفتح حساب عندهم اول ماتوصل والافضل انك تجيب تعريف من المعهد او الجامعه ...

وطريقه بنوك امريكا عندهم بطاقه اسمها دبت كارد كانك تستخدم فيزا او مساتر كار لكن الاختلاف انها تخصم من حسابك مباشره مو انو لها لمت معين وتسددها يعني ماتكون منفصله عن الحساب ...

هذا اللي قدرت اجمعه لك ...

وبما ان ابوك راح يصرف عليك الله يطول بعمره او ماتفتح حساب قلهم عطوني ال SWIF CODE وعنوان البنك وتفاصيل الحساب عشان في حوالات تجيني من السعوديه راح يعكونك جميع المعلومات اللازمه بعدها ترسلها للوالد عشان يبدا يحولك فلوس اذا احتجت وتاخذ الحواله تقريبا يوم بس انتبه خله يحل مثلا يوم اثنين او ثلاثاء او اربعاء عشان هذي الايام تكون متوافقه مع البنوك السعوديه والامريكيه يعني تكون كلها فاتحه فهمت ...



شكرا

(ملاحضه انا سمعت بعض الناس يقولون في بطاقه تربط بحسابك وعلى راتبك انا ماعندي راتب ولا رصيد باي بنك )
ياعزيزي لازم يصير عندك حساب فيه دراهم عشان تطلع الفيزا
الماستر كارد لازم يكون عندك راتب

بعض جامعات امريكا او المعاهد لا تقبل الكاش ولا تقبل الفيزا
فقط تقبل الماستر كارد والشيكات السياحيه ..

افضل حل تاخذ الماستر كارد حقت ابوك .. معاك

ممتاز كالمك اخوي لكن ابوه الله يطول بعمره يقد يطلعله بطاقه رديفه او اضافيه تكون باسم الولد نفسه مايتحتاج انه ياخذ بطاقه ابوه فهمت .....

وفي البنك الاهلي يقدر يعطيه بطاقه الشحن اللي ذكرت انا فوق ومو شرط تعريف ....


وشكرا

مشكورين وصحيح كلام هيمو انا سمعت ان اي احد عنده راتب يقدر يطلع لي ماستر كارد من خلاله

طيب وش الفرق بين مسبق الدفع وغيره؟؟

للحين انا حايس يعني بكره اروح للاهلي وش اقوله ؟ابي فيزا ولا ماستر كارد ؟ولا وشووووووو

هذا الموضوع مضيق صدري لان بامريكا ممنوع تاخذ بالمطار اكثر من مبلغ محدد كاش

يعني لازم يكون معاك بطاقه ماستر كارد ولا فيزه وتدفع من خلاله رسوم المعهد و و و و

وانا مادري وش الفرق بين الماستر كارد والفيزه

ومدري وش معنى مسبقه الدفع

ومدري من اي بنك اطلع هالشيئ

ابي اجابات وافيه وواضحه وانت ماقصرتم بس يمكني مافهمت

السلام عليكم

اخوي انا عندي فيزا الراجحي مسبقة الدفع .لما رحت لبنك الراجحي وطلبت فيزا عادية قالو ما نطلع لك بجكم اني طالب ولا عندي راتب
واذا عندك بطاقة الراجحي العادية ترى تمشي هنا وتقدر تسحب من اي صراف وانا محاسب المعهد منها (معهد els ) بس بعض المحلات ما تقدر تحاسب منها

قبل ماتمشي اذا كان حسابك بالراجحي وفيه مبلغ تقدر تروح لجولات الراجحي وتاخذ من عندهم شيك مصدق بالمبلغ الي تبيه ويخصم من حسابك وتكون فلوسك على شكل شيك .تروح تفتح لك حساب ببنك امريكي وتعطيهم الشيك يومين وينزل بحسابك

ان شاء الله اكون افدتك ( كل الي قلته لك تجربة شخصية)

طيب وش رايكم يااخوان بطاقة الراجحي ماستر كارد مسبقة الدفع ؟؟

يمشي وضعها بامريكااا ؟؟؟


مووفقين جميييع,,,

اخوي خل الوالد يطلعلك بطاقة اضافية باسمك , اللي هي الفيزا او الماستر كارد عادي

انا نفس وضعك , ومعي فيزا وماشي الوضع الحمدلله

وكل البنوك مقبولة ما عليك

اخوي عبدالعزيز انا الوالد عنده بالراجحي والعربي وش الافضل لاني بخليه يطلع لي فيزا باسمي واصير احط فيها فلوس صح؟يعني اودع فيها واسحب متى ما ابي

^^

ابد اختر اي بنك ما فيه مشكلة

ايه يطلع فيزا باسمك ويحط فيها فلوس وتستخدمها , بس ما تودع وتسحب منها انت !!

اذا بتسحب وتودع افتح لك حساب جاري عادي وحط فيه الي تبي واسحب عادي

بس الفيزا ضرورية للفنادق ودفع رسوم المعهد وكذا

بس ما تسحب منها هذي داخله فيها ربا وامور الله اعلم بها