اخر الاخبااار (( رحلتي الى الملحقية + بعض التفااصيل )) وبعض النصاائح

July 28th, 2011, 08:06 PM

السلام عليكم ورحمة الله وبركاته

بسم الله الرحمن الرحيم

يوم الاثنين ليلة الثلاثااء السااعة 11:10 مسااء بدأت الرحلة الى الملحقية طبعا عشاان اوفر لي كم دولار رحت بسيااتي الي ما كنت متوقع ابد انها بتووووصل بس كنت مصرر اني اطلع والحمد لله مع كثير من العنااء والتعب والله وكثير من المخاطر التي نجاني الله سبحانه وتعالى منها تم الوصوول الى الملحقية في تمام الساعه 9:40 دخلت الملحقية الي اول مرة اطبهاا
بعد التفتيش رحت الاستقبال واعطيتهم الرخصة وعطتني بطاقة دخول الملحقية
دخلت وبدأت ابحث مشرفتي المهم جات وحده لبنانية ودخلتني عند واحد اسمه محمد عبدالعزيز مدير الدارسين على حساابهم الخاص
سلمت عليه وقالي تفضل قلت له مشكلتي
ان لي اكثر من 3 شهور وانا ادرس على حساابي وللحين ما تم الحااقي قال لي انشااء الله الاسبوعين الجاية راح نحااول نلحق جميع الطلبة الذين كان وصولهم قبل 26-6
قلت له طيب انا ابغى المشرفة عشان اشوف ملفي هل فيه نقص او اي مشكلة من قلت له المشرفة تنرفز علي
قالي لا المشرفة ما نسمح لك ترووح لها قلت طيب انا ابغى اشيك على ملفي واشوف اذا كان في مشاكل او لا
قالي المشرفة ارسلت لك ولا لا قلت له الا ارسلتي لي ان ملفي كامل وانه بالرياض وارسلت ولد عمي الوزارة وما حصل اي شي يخصني هنااك وفي طلاب كثيير جااو بعدي ما لهم اكثر من شهرر والتحقو بالبعثة قالي تكلم عن نفسك ما عليك من غيرك
قلت له انا اتكلم عن نفسي اقولك انا ما التحقت اهم التحقو خلاص قال لي انت تعرف القوانين قبل تجي امريكا 30 سااعه ومدي ايش
قلت له وانا ما ابغى شي فووق القاانوون
ابغى تسااوون بيني وبين الطلبة قال لي خلاص لك علي اسبوعين وامورك خاالصة بس لا تطلع للمشرفة وتضيع وقتها
قلت له بس لي الان 10 سااعات وانا بالسياارة على ما وصلت لازم اطلع لها عشان اطمئن بنفسي قالي ان اقوولك ان اسبوعين وامورك خالصة بس ان طلعت للمشرفة ابسحب ملفك قلت له ابشر ومشيت عنه
وما دعاني قلبي امشي قبل ما اشوف المشرفة واطمن على الوضع بنفسي
طلعت ابحث عن المشرفة لما حصلت مكانها وما كانت موجودة جلست انتظرها حتى جات ودخلت شفت شي انصدمت منه
ملفي على طاولتها مدري هي صدفة ولا وش السالفة
المهم قلت لها شوفي ملفي فيه اي مشكلة قالت اي ناقص شهادة الثانوية اررررررررررررررتفع ضغطي
يعني لي اكثر من ثلاث شهور والمشرفة مرسله لي ان ملفك كامل والحين تقوول لي شهاادة الثانوية
انا كنت حاط لهم شهادة الثاانوية مترجمة ( بالانجليزي ) واهم يبغون صورة من الاصل (( تصورو يا نااس ياا عاالم هذا هو سبب عدم الحااقي بالبعثة )) بعد ما اعطيتها الشهادة واخذت ملفي وحطته مع مجمووعه من الملفات (( الملفات الجاهزة )) قلت لها والحين متى بتلحقوني قالت بعد ما تخلص 30 ساعه
قلت لها طيب والي جااو ما لهم شهر والتحقوو قالت ما ادري ومدري ايش المهم جيت لها باسلوب ثاني قالت لي شووف في مجمووعه بتنزل هالاسبووعين ومن هالكلام
طلعت منها ورحت صورت الاميل الي كانت مرسلته لي والي يقوول ان ملفي كاامل ورحت لرجال نسيت اسمه رحت له شكااي
واعطيته الاميل وقلت له ان سبب عدم الحاقي بالبعثة هو خطأ من المشرفة وانها قالت لي ان ملفك كامل ومن هالقبيل قالي وش كان النقص قلت له صورة من شهادتي الثانوية وانا كنت حاط صورة من الترجمه واهم يبغون صورة من الاصل
قالي ما عليك اذا كان السبب هي المشرفة احنا نحااسبها
وارسلني على الطرباق وقلت له نفس الكلام واعطيته صورة من الاميل تثبت كلامي وموضح بالصورة تاريخ الارسال 20 - 5
قالي وش اسمك علمته قال والحين كملت ملفك قلت له اي نعم قال خلاص بعد الويكند هذا في ملفات بنرسلها وملفك من ضمنها
كلامه كان مطمن بالنسبة لي وللمصداقية في حق هذا الرجل ان كثير الي يتكلم عن طيبته ومساعدته للطلبه وخاصة المظلومين
وفعلا كما قالو رجاال ونعم الرجاال


النصيحة الي اقدمها لكم
اي واحد وصل امريكا وله فتررة وما التحق يحط في بااله 90 % ان في مشكلة في ملفة و 99.99% ان المشرفة هي السبب في عدم الحاقة بالبعثة
طبعا في طريقتين لازم كل واحد فيكم يسووي واحده منهم ع الاقل
1- انه يرووح الملحقية بنفسه ويشووف مشكلته ويرى المتسبب فيها ويضرب بيد من حديد
2- الي ما يقدر يرووح الملحقية يجهز ملف دارس على حسابه الخاص ثااني ويرفق مه جمييع الاوراق المطلووبه (( كأنك بتفتح ملف دارس على حساابه الخاص جديد )) وترسله للمشرفتك وتكتب العنوان حق الرساله اسمك ورقم الهويه وفي الرساله تكتب
رساله قصيره مثلا (( ... انا لي ثلاث شهور ادرس على حسابي الخاص والى الان لم الحق بالبعثة اذا كان السبب نقص في ملفي
فهذا ملف جديد بجميع المرفقاات )) ومن هالقبييل

وفق الله الجميع

• نشر عبر تويتر
• نشر عبر فيسبوك
• نشر عبر جوجل