الأعضاء الإشتراك و التسجيل

الملتقيات
ADs

استفسار القرار المصيري ومشورتكم جزاكم الله خير

استفسار القرار المصيري ومشورتكم جزاكم الله خير


NOTICE

تنبيه: هذا الموضوع قديم. تم طرحه قبل 4606 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مساير الدنيا
    مساير الدنيا

    مبتعث جديد New Member

    مساير الدنيا السعودية

    مساير الدنيا , ذكر. مبتعث جديد New Member. من السعودية , مبتعث فى السعودية , تخصصى none , بجامعة none
    • none
    • none
    • ذكر
    • none, none
    • السعودية
    • Aug 2011
    المزيدl

    August 18th, 2011, 10:29 PM

    في البداية الشهر عليكم مبارك وهذي أول مشاركة لي في هالمنتدى المفيد جدا من وجهه نظري
    في البداية احب احكي لكم القصة باختصار
    انا موظف في قطاع بنكي براتب يقارب ال 6000 ريال في الرياض وعمري 26 سنة ومتزوج ولدي ابن ولله الحمد
    عندي طموح كبير اكمل دراستي لمرحلة البكلوريوس وخصوصا اني كنت متفوق ايام الدراسة ولكن تركت الجامعة لظروف أسرية والحمدلله على كل حال
    تقريبا لي سنة ونص أفكر ومعزم أكمل تعليمي في الخارج وشجعت قريبي وهو راح وانا لا
    حاليا بدأت افكر بالموضوع بجدية واستخرت الله وتقريبا ارتحت للموضوع علما بأني في البداية ناوي اروح على حسابيي وأخلي عائلتي لما تتيسر امور الالحاق في البعثه ومعي مبلغ تقريبا من 60 الى 75 الف لكن في كم نقطة مشغلتني ومحيرتني ومقلقتني بصراحه انا بأسردها لكم ...
    1_ متخوف من عدم الحاقي في البعثه وطبعا كذا راح تنتهي الفلوس خلال مدة وشي طبيعي انه راح ارجع خالي الوفاض فكيف راح اتصرف مع عائلتي وهذا هو مبدأ المجازفة اذا تتفقون معي .
    2_ زوجتي مترددة كثيرا في الموضوع خصوصا انها راح تجلس في السعودية الفترة اللي راح اكون فيها على حسابي لما تتيسر امور الالحاق وانا مااحب اقرر على موضوع مثل هذا مصيري بدون استشارة زوجتي لأن مصيرها في مصيري..
    3_ التفريط في الوظيفة وهذا الشئ تقريبا هو اقل النقاط تخوف لأني أساسا مو مرتاح في الوظيفة لكن من أجل عائلتي صابر عليها ولكن لدي خبرات ولله الحمد انشالله انها تفيدني في التوظيف..
    مع العلم اني في اللغة الانجليزية اعتبر نفسي متحدث بالعامية أخارج نفسي يعني اعتقد اذا في اختبار تحديد مستوى راح اخذ مستوى متقدم....
    لا تبخلون علي بمشورتكم الله يجزاكم الجنة يارب العالمين خصوصا من ناحية المجازفة ...
    شاكرا ومقدرا لجهودكم في هذا المنتدى الاكثر من رائع.. دمتم
  2. السلام خيو ^_^

    قبل لآاعطيك مشورة حاط في بالك ديرة معينة ؟

    لان لازم تركز على نقاط معينة الفلوس اللي معك + البلد اللي بتروح له لان كل بلد عن بلد يختلف المعيشة .
    ولو سافرت برا ان شاء الله الامور سهالة .^_^

    بإنتظار ردك .

    الله يوفق الجميع
    7 "
  3. طلب الرأي والمشورة..
    والمستشار مؤتمن
    وأنا بخبرك عن شوري والرأي الأول والأخير لك
    أول شيء أحيي فيك طموحك وربي يوفقك إن شاء الله ويرزقك على قد نيتك
    بعلق ع نقاطك الثلاث.. بالنسبة للإلحاق فهو شيء في علم الغيب وفيه كلام كبير إن إلي دخلوا عقب 26-6 راح يطبق عليهم النظام القديم إلي هو ينهون اللغة و 30 ساعة بكلوريوس وعقبها يلحقون..
    وحتى لو تم إلحاقنا إن شاء الله فماتدري وش يكون وضعك بعدين أنت وفيها مجازفة كبيرة لك خصوصاً إنك رب أسرة وراعي بيت
    أنا تقريباً زي وضعك تركت وظيفتي وتركت كل شيء وجيت ع هنا عشان اللغة كمطلب أساسي وعشان أكمل دراستي بعد
    اكتشفت للأسف إني حطيت حياتي بالسعودية وكل خططي على الهولد وجيت هنا أتعلم لغة كنت بقدر أتعلمها وامارسها مع الأجانب ببلدي.. صح مو بالفعالية إلي هنا بس كنت بقدر أتعلمها بنسبة تسارع لا تقل عن 60% لو دخلت معهد كويس واتعرفت ع أجانب وحاولت أمارس اللغة معاهم حتى لو عن طريق النت
    وللأسف إن فيه شباب هنا مايمارس من اللغة شيء حتى وجالس بالشقة مع الشباب بلوت وفلة وبالمعهد كله سعوديين ولا يستفيد حتى زي إلي بتستفيده أنت وأنت بالرياض وشاد حيلك
    الوظايف حبيبي ماصارت بالساهل.. وموضوع عودة المبتعثين بشهادات عليا ويجلسون عاطلين شيء مو بعيد عن عينك وأكيد إنك تشوفه وشيء صار يناقش بوسائل الإعلام وصار ملموس.. مو كذب يعني
    وللأسف هذا بسبب التخطيط الفاشل للحكومة عندنا
    لي صديق متخرج من بريطانيا ماستر تسويق وجلس عاطل 9 شهور بالرياض وآخر شيء توظف بـ 3500 وكأنه ملك الأرض وما عليها
    لو تبي شوري تمسك وظيفتك وتجلس مع عائلتك وتكمل لغة وتكمل البكلوريوس وأنت بالسعودية
    عندك المعهد البريطاني بحي السفارات يعتبر قوي وعندك معهد الإنترلنك الأمريكي بجامعة اليمامة أشوفه أقوى وأفضل.. شد حيلك فيهم واضغط على نفسك وانتسب للبكلوريوس في الملك عبدالعزيز أو الملك فيصل وشوف حياتك في السعودية ياخي لا توقفها وتجي هنا كم سنة وترجع زيك زي أي واحد عمره 22 عنده بكلوريوس ولغة
    ولو يرجع فيني الزمن لورا ماكنت سويت غير كذا
    هذا رأيي.. أشوفه صح ويحتمل الخطأ
    وأنت شاور واستخر وربي يوفقك أولاً وآخراً إن شاء الله
    تحياتي لك
    أخوك
    7 "
  4. بصراحه انا مع الاخ انس في كل شي ..
    لانه بعد كلام العنقري احس انه متضايق من ضم الطلاب الدارسين على حسابه ..
    حتى انا شكلي باقنع من البعثه والله يعين ع الحال ..
    اخوي مدام عندك وظيفه وامورك متيسره وتقدر تدرس بالسعوديه لا تتهور بترك الوظيفه لانها هي الي فتحتك لك بيت طبعاً بعد فضل الله ..
    لانه وانا اخوك موضوع الابتعاث يطبقون النظام الي يقولك بعد 30 ساعه تخصص تلحق بالبعثه ..
    وفيه ناس بالواسطه انا طالب بماليزيا وفيه مثلي الكثير بماليزيا في نفس وقت وصولي الطلاب كانو يلحقون في نفس الوقت نفسه ..
    بس الله يعين ع الحال ..
    7 "
  5. المشاركة الأصلية كتبت بواسطة LooMe
    السلام خيو ^_^

    قبل لآاعطيك مشورة حاط في بالك ديرة معينة ؟

    لان لازم تركز على نقاط معينة الفلوس اللي معك + البلد اللي بتروح له لان كل بلد عن بلد يختلف المعيشة .
    ولو سافرت برا ان شاء الله الامور سهالة .^_^

    بإنتظار ردك .

    الله يوفق الجميع
    الله يجزاك خير حبيبي بالنسبة للفلوس مثل ماذكرت من 60 الف الى 75 الف وبالنسبة للبلد امريكا وتحديدا ولاية جورجيا بحثت عنها كثير خصوصا من الناحية المعيشية ولقيت في ها معهد يعتبر كويس من الناحية المادية تقريبا 1750 دولار للشهرين
    مشورتك الله يعطيك العافية
    7 "
  6. حبيبي اجلس عند عائلتك ..انت رب أسرة يعني الموضوع فيه مجازفه كبيره جداً ولا تنسى مصاريف اهلك وانت بالغربه ... انا اوفق الأخ انس ادرس انتساب في السعوديه وخذ البكالريوس من السعوديه

    انا ماانصح ابداً تسافر ..طموحك كبير بس مايسوى اتركي عائلتي وافصل من وظيفتي ابداً والله مايسوى .. صحيح شغل البنك متعب لإكن زي ماقلت لك امديك تكمل بكالريوس وانت بدريتك وبعدها دور على وظيفة بشهادتك وانت للحين صغير وقدامك المستقبل
    7 "
  7. المشاركة الأصلية كتبت بواسطة Anas J
    طلب الرأي والمشورة..
    والمستشار مؤتمن
    وأنا بخبرك عن شوري والرأي الأول والأخير لك
    أول شيء أحيي فيك طموحك وربي يوفقك إن شاء الله ويرزقك على قد نيتك
    بعلق ع نقاطك الثلاث.. بالنسبة للإلحاق فهو شيء في علم الغيب وفيه كلام كبير إن إلي دخلوا عقب 26-6 راح يطبق عليهم النظام القديم إلي هو ينهون اللغة و 30 ساعة بكلوريوس وعقبها يلحقون..
    وحتى لو تم إلحاقنا إن شاء الله فماتدري وش يكون وضعك بعدين أنت وفيها مجازفة كبيرة لك خصوصاً إنك رب أسرة وراعي بيت
    أنا تقريباً زي وضعك تركت وظيفتي وتركت كل شيء وجيت ع هنا عشان اللغة كمطلب أساسي وعشان أكمل دراستي بعد
    اكتشفت للأسف إني حطيت حياتي بالسعودية وكل خططي على الهولد وجيت هنا أتعلم لغة كنت بقدر أتعلمها وامارسها مع الأجانب ببلدي.. صح مو بالفعالية إلي هنا بس كنت بقدر أتعلمها بنسبة تسارع لا تقل عن 60% لو دخلت معهد كويس واتعرفت ع أجانب وحاولت أمارس اللغة معاهم حتى لو عن طريق النت
    وللأسف إن فيه شباب هنا مايمارس من اللغة شيء حتى وجالس بالشقة مع الشباب بلوت وفلة وبالمعهد كله سعوديين ولا يستفيد حتى زي إلي بتستفيده أنت وأنت بالرياض وشاد حيلك
    الوظايف حبيبي ماصارت بالساهل.. وموضوع عودة المبتعثين بشهادات عليا ويجلسون عاطلين شيء مو بعيد عن عينك وأكيد إنك تشوفه وشيء صار يناقش بوسائل الإعلام وصار ملموس.. مو كذب يعني
    وللأسف هذا بسبب التخطيط الفاشل للحكومة عندنا
    لي صديق متخرج من بريطانيا ماستر تسويق وجلس عاطل 9 شهور بالرياض وآخر شيء توظف بـ 3500 وكأنه ملك الأرض وما عليها
    لو تبي شوري تمسك وظيفتك وتجلس مع عائلتك وتكمل لغة وتكمل البكلوريوس وأنت بالسعودية
    عندك المعهد البريطاني بحي السفارات يعتبر قوي وعندك معهد الإنترلنك الأمريكي بجامعة اليمامة أشوفه أقوى وأفضل.. شد حيلك فيهم واضغط على نفسك وانتسب للبكلوريوس في الملك عبدالعزيز أو الملك فيصل وشوف حياتك في السعودية ياخي لا توقفها وتجي هنا كم سنة وترجع زيك زي أي واحد عمره 22 عنده بكلوريوس ولغة
    ولو يرجع فيني الزمن لورا ماكنت سويت غير كذا
    هذا رأيي.. أشوفه صح ويحتمل الخطأ
    وأنت شاور واستخر وربي يوفقك أولاً وآخراً إن شاء الله
    الله يحييك اخوي والله بحثت عن طريقة للتعليم في السعودية بس لقيت انه اذا بأدخل معهد انقلش ماراح اقدر اوفق بالوقت
    تحياتي لكوك
    الله يحييك اخوي بالنسبة للدراسة في الرياض والله درستها كثير من نواحي كثيرة اولا بالنسبة لو ادرس انقلش في صعوبة اني اوفق بين الاوقات لأن دوامي من الصباح في البنك ولا اخلص الا على الساعه 5 ونص تقريبا كحد ادنى وزوجتي لها دراسة في معهد من الساعة 4 الى 6 يعني والله مافي وقت اني ادرس اللغة
    وبالنسبة للجامعة والله وانا اخوك اشوف الانتساب ما راح يكون فيه جدية مثل الانتظام وشي ثاني ماني واثق من المادية اللي تخليني اقدر اوفر قيمة كل ترم .. بتقول لي أجل كيف وفرت المبلغ اللي بتروح فيه لأمريكا أقول لك اني بأبيع سيارتي ومدبر مبلغ اضافي من نهاية خدمة وخلافها ...
    رأيك مفيد بالنسبة لي وانا اخوك والله يوفقك لكن والله عندي طموح كبيييير
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.