مساعدة ارجووووكم ساعدوووني محتااار

للأسف ماعندي اي خلفية عن الطيران
بيفيوك الشباب إن شاء الله
أنا بس حبيت أحذرك من ناس راح تجيك ع الخاص تسوق لقبولات وهمية ومشاكلهم لا حصر لها
احذر منهم ومن كلامهم المعسول الكاذب
تحياتي لك أخي

شكرا لاهنت
ماعليك الله يبعدنا عنهم
ماقصرت

لو تبغى رأيي
تروح لأي طيار بتعرفه أو مساعد طيار وتسأله شو أفضل الطرق
بيخبرك أفضل الأكاديميات وأسوأها وبيخبرك بكل شيء عن الطيران من واقع خبرة
لا تستمع لكلام أحد هنا لأنك لو بتلاقي واحد يدرس في مكان حتى لو كان سيء بتلاقيه يمدح فيه لين مايوصله السماء
اسأل أكثر من شخص من أهل الخبرة
ولو ما تعرف طيار بسيطة ياخي.. روح المطار وألزق لك في كم واحد اسألهم بالكوفي أو بمطعم المطار وبيخبروك بكل شيء
تحياتي لك وبالتوفيق يارب

اخي العزيز انا ادرس طيران وعندي رخصة طيار بس اذا ممكن تحدد اكثر ع شان اجاوبك
في فرق بدراسة الطيران. هل تريد تخصص ام رخصة؟

شكرا على الرد
ايش الفرق لو سمحت
انا اقصد انو ابا ارخص عشان انقبل في اي خطوط اقدم عليها
ايش التخصص؟

الرخصة تكون قراوند أسكول مع التدريب وتكون ثلاثه انواع .... الخ وتاخذ من السنه الى السنتين وقد تقلصها ع حسب مهارتك في التدريب ويتم قبولك في الخطوط الجوية بناء على عدد الساعات الموجوده معك وشروطهم وقد تجد بالمملكة عدد ليس بالقليل من الحاملين للرخصة ولكن عدد ساعات الطيران قليله او العمر كبير فيتعذر قبولهم من الخطوط السعودية. ( التكلفة من ١٥٠ الى ٢٠٠٠٠٠ رس ومدارسها متوفرة بكل مكان والفروق ما بينها قليلة)
اما التخصص فيكون بمجال الطيران التجاري وهو عبارة عن اربع الى خمس سنوات وتتخرج بكلوريوس وتقدر تكمل ماستر ووو الخ. وتكون طيار محترف وساعات طيران تنقبل في اي شركة طيران وهذه غالية جداً تقريبا من ٤٠٠ الى ٧٠٠ الف ويعتمد ع الجامعه وهي قليلة

لا انا اقصد الرخص الي هي الطيار الالي والتجاري والخاص الخ....
وهل تنصح باكادمية فلايت سيفتي ولا لا او في احسن منها

اخي العزيز بالنسبة للرخص فهي ثلاثة (الطيار الالي مو رخصة) رخصة خاصة و رخصة طيران تجاري ورخصة انسترومنت مع اتي بي ال ( يبي لك شرح اكثر عنها او بامكانك القراءة عنهاا وهو الاحسن لان وقتي ضيق للاسف ) اسمها بالانجليزي PPL , CPL, ATPL, Instrument,,, ( طبعا في ريتينق ورخصة ثانية بس مارح اتكلم عنها الحين)
طبعا رح تحصل في بعض الاكاديميات بكجات بحيث تحصل على كل الرخص مع بعض بمدة ثلاث سنوات فاقل وهو الافضل .........

بالنسبه لاختيار الاكاديمية ففي اكاديميات كثيرة ولكن اذا كان في امريكا فاختار اكاديمية تدرس برنامج معترف من قبل FAA لانها جدا ا مهمه سواء في الداخل او الخارج
انا لا استطيع افادتك بالاكاديميات جميع بس فلايت سيفتي جيدة و ابك جيدة وفي مدارس كثييييرة تعلم الطيران وباقل اسعار من هذه,,,,,,,,

دراسة الطيران تحتاج "قروش" فاذا انت كاش فتوكل على الله اما اادا ما معك واجد فصدقني لا تفكر فيها لانك في النهاية بتخلص وبتجلس في البيت ما رح تحصل وظيفة الا بساعات كثيرة ,,,, ااما اذا تستطيع تحصل فرصة قدوم لامريكا مع تدريب و تشتغل بعد التدريب ببناء الساعات سواء على حسابك او بالعمل بنفس الاكاديمية او عن طريقها وتقدر تسويه بعد الحصول على الكوميرشال بايلوت لايسن

توكل ع الله بس لا تتحمس واجد لانك بتصطدم بالامر الواقع ولكن اذا بتروح (صامل) اعطني خبر ع شان اعطيك كم نصيحة تتحصل ع الريتنق بسرعه........

تعبتك معاي اخوي شكراا
بس حبيت اسالك ايش افضل جامعة ولا معهد ولا كلها سوا