استفسار موظف بوظيفة بنك مرموقة براتب فوق 20 الف ريال وابي مشورتكم

الحياة احيانا تتطلب المغامرة لكن هذا لا يعني اني انصحك .. بالعكس انا لا اؤيد انك تستقيل اذا صحت المعطيات التي وضعتها
خاصة وانك اب لطفلين وبوظيفة مرموقة براتب جيد جدا

لكن عليك ان تحسبها صح ولا تجازف
فقد تخسر كل شيء
وربما بالعكس

الامر اولا واخيرا يرجع لك
وانا عن نفسي غير مؤيد

أوافقك الرأي، والله اني محتار، ما اقدر اوصفلك وش قد الدراسة تعنيلي، بس من جد مغامرة، وتخوف، المشكلة المبلغ اللي معي ما هو كثير اقصد اني اذا رجعت ما اتوقع انه رايبقى الشي الكثير منه حتى اصرف على نفسي الين ما الاقي وظيفة.

اخي العزيز السلام عليكم ورحمة الله وبركاته ...
مشاء الله راتبك حلو والله يزيدك كمان وكمان ...
من الاخر لاتستقيل وتغاامر ..
حاول تقدم على وظيفه في جامعات حكومية وان شاء الله تتوظف فيها لان عندك الخبرات الي اغلب الجامعات تريدها ..
وتقدر من خلال عملك تبتعث باسهل الطرق ..
لانه لو رحت بريطانيا فسوف تغامر مغامرة خاسرة لان الالحاق موقف في بريطانيا لتكدس الطلاب ..
وحتى لو اللحقت بتكون بريطانيا مكلفه جداً ..
اخوي كان متبعث ماستر لها من جهة عمله وكان عنده مكافئة البعثه ونص راتب العمل ..
المكافئة لم تكن تكفيه وهو وعائلته لانه كان يسكن في بيت مستأجر بحوالي على كلامه بمايعادل 6000 ريال في الشهر هذا والمنطقه الي فيها الجامعة متوسطة وغير مصاريف البيت ..
ففكر مليون مررره وفكر في تغيير الدولة افضل لك لانها مجازفه ..
والله ما اقولك هذا الكلام الا لاني ابغى مصلحتك ..
على فكرة لو كتب لك ربي الالحاق واكمال الماستر فبعدها سوف تبحث مرره اخر مثل ما بحثت عنها بعد تخرجك من الجامعة بالبكالوريوس ..
فأتمنى بحثك الان يكون تغيير الوظيفه لوظيفه معيد او مسؤول في جامعة من الجامعات وهذا صعب ولكن اسهل من استقالتك والدراسة فيما بعد ..
تقبل هذه النصيحه من اخوك الصغير ..

شكرًا لنصيحتك اخي، بالنسبة للتقديم على وظيفة معيد، لن يتم قبولي بها بسبب اني خريج انتساب، وبالنسبة لاختيار بريطانيا حسب معلوماتي المتواضعة انها هي الوحيدة اللي دراسة الماستر فيها سنة واحدة فقط، يعني كلها سنة وتسع اشهر لغة وانا راجع، ومثل ماذكرت سابقا ما راح اقدر أجيب الأهل معي الا اذا ضموني بالبعثة، أنا خطتي اني اعمل استقالة بالوعد بالتوظيف مرة اخرى بس المشكلة ما اضمن اني بعد ذاك الوقت اشوف اللي وعدني أخاف يكون غير موجود. والله اني محتار مررررررررة، وبانتظار آرائكم. محبكم/ ايجابي

شوف ترا وظايف مافيه وقليله بالله وش تبي اكثر من 20 الف راتب يابن الناس لا تصير احمق معليش والله ..والله هذي هي الحماقة راتبي 20 الف ريال ومرتاح بوظيفتي اروح استقيل عشان اجيب ماستر

عندك مبلغ يفتح لك مؤسسه او اي عمل تجاري مربح تسلى فيه تطلع ملايين ... خلك عند اولادك والله غيرك ماحصلها ... طز في الماستر والدكتوراه مدام عندي خبره ممتازة في وظيفتي وراتبي افضل من ممتاز !!

ترا انت رجل مسؤول عن عائله لا تتركهم ووترك وظيفتك عشان ماستر سنه ...والله اعرف مهندس كمبيوتر ممتاز جداً اخذ ماستر من بريطانيا وللحين مالقى وظيفة... ترا كثير معهم ماستر ابو سنه من بريطانيا الحين ماصار ينفع

عزيزي أنت اذا طلعت من وظيفتك مو بس غامرت في حياتك .. بتكون أرتكبت غلطة العمر ,, ماشاالله على راتبك مايسلتمه مهندس في ارامكو تو متخرج بشهادة البكالوريس
انا انصحك وبشدة انك ماتستقيل الا في حالة وحدة : اذا عندك دخل ثاني يأمن لك ولأسرتك المعيشة
لو ما أنك متزوج وعندك عيال كان برضو قلت لك فكر في الموضوع ولا تستعجل

اشكرك اخي على نصيحتك. وبانتظار المزيد من النصائح. وشكرا

اخي ايجابي من وجهت نظري الخاصه
الراتب ماشاء الله حلو فانا انصحك ماتستقيل
واذا كان ودك حيل بالماستر فيه التعليم عن بعد ممكن تكمل دراستك عليه
وبالهطريقه ماخسرت وظيفتك وكملت دراستك.


الله يوفقك واخواني المسلمين دنيا واخره...

أول نصيحة بنصحك ترى أغلب إلي هنا لسه (أعوادهم طرية) ومتحمسين للمغامرات فما تاخذ نصائهم بمجملها..
النصيحة الثانية ماتروح لندن هالفترة لأن الإلحاق شبه معدوم
والنصيحة الثالثة بتكون عن لو أني مكانك وش راح أعمل..
كنت بجيب التوفل من السعودية وهو شيء مو مستحيل.. أصعب من برى بشوووي صح بس مو مستحيل
لأن الناس للأسف تفكر إنه بمجرد يطلع برى تخش اللغة من حالها براسه.. وصدقني إن معاهد كثيييرة بالسعودية افضل من معاهد أمريكا وبريطانيا حسب ما شفت بعيني أنا ودرست فيها
بعد ما بخلص التوفل كنت بجيب توصيات من مدراء عموم بالبنك إلي اشتغل فيه وأضبط لي سي في قوي وماراح ارضى إني أطلع من جامعتي إلا على قبول من كلية لندن للإقتصاد إلي هي أقوى كلية اقتصاد بالعالم
وأطلع على حسابي 9 شهور وأطلب دعم الرسوم فقط عن طريق الملحقية وأجيب الماستر وارجع بشهادة تؤهلني أمسك إدارة قوية بالهيد أوفيس بالبنك إلي كنت فيه قبل أطلع حتى
حاول تدير فرصك بشكل جيد وتوجد لنفسك حلول بديلة في حال فشل خطتك الأساسية
تحياتي لك