مقطع رائع مع انه ماراح يعجب بعض الطلبة
7 " هل المكافئة كافية او لا للمبتعث ؟
هل المكافئة كافية او لا للمبتعث ؟
تنبيه: هذا الموضوع قديم. تم طرحه قبل 4532 يوم مضى, قد يكون هناك ردود جديدة هي من سببت رفع الموضوع!
قائمة الأعضاء الموسومين في هذا الموضوع
-
-
- لوول خلوها تحصل بالاول7 "
- السلااام عليكم ورحمت الله وبركاته7 "
بالنسبه لموضوع المكافأه فالله الحمد يكفي وزياده
انا ادرس في بريطانيا وتدرون بريطانيا اغلى من امريكا
ومكافاه بريطانيا وامريكا نفس الشي وساكن بمدينة ترتيبه في الغلاء بعد لندن
ومع ذالك احول شهريا 2000 ريال للسعوديه
وعايش والامور تمام واروح اتمشى اتعشى اخرج سنماء كل شي ابيه
مشترك بنادي فاتورة جوال
بس يبي لها تفتح عقلك الشي اللي ماله داعي ماله داعي
والهياط ومدري كيف انا احاسب ما تنفع لان كلنا مبتعثين
وكلنا نستلم مكافأهـ
والحمد لله على كل حال
هذي وجهة نظري وهذا اللي صاير معاي
- مقطع رائع وان شاءالله الكل يستفيد منه7 "
- خلنا بالاول نشم هالمكافاه ثمن نقرر هي تكفي ولا لا7 "
- نسيت اقولك ليش ماقدرت اشم هالمكافاه لاني ولدي الشغاله منيب ولد السعوديه وشكرا7 "
- مقطع ممتاز7 "
و اتمنى يواصلو الابدااااع
وتقييمي له 8.5/10
بس للأسف ان الشخصيه السيئه هو الدارس ع حسابه الخاص..
وهذا يعطي الناس انطباع سيء عن الدارسين ع حسابهم الخاص..
): - المقطع تقريبا صحيح لانه طلاب استراليا ونيوزلندا اعلى الرواتب تقريبا 12 الف بس طلاب امريكا وبريطانيا هم اقل مكافاة 6750 تقريبا شفت الفرق تقريبا النص7 "
هي تقريبا على حسب صرفيت الشخص . -
السلام عليكم ورحمة الله وبركاتة
مقطع جميل ويعتبر وجهة نظر لكل من يكون تحت مضمارها ونحترم أصحابها وعساهم على القوه
طلما المقطع خصص تعبيريا للمبتعث ( شخص )
ممكن أقول وجهة نظري
ربما العزابي أو الشخص الواحد دون مرافق أو مع زوجته أو أخته تتغير هذه النظره
..
بتقولي المكافاه كافيه وزياده لانك حاسبها صح ومسوي تخصيص والواقع يناقض كل شي
لان أصابيعك ماهي سوا وعيشتك ماهي مثل عيشة الاخرين وكل ولاية تختلف عن الاخرى
من ناحية الاسعار والتكس على كل شي تشتريه والايجار والفواتير وشراء الكتب وإلى ذالك
ممكن تحصل سكن رخيص وممكن ماتحصل ولا سكن وبكذا راح تضطر تدفع أكثر علشان تسكن وتعيش
..
بتحسبها بالريال السعودي لو تكون المكافاه 10 الالف ريال بقولك مراح تكفي في ظل هذه الاسعار والقوانين
بتكون عزابي يا بتسكن مع شباب أو مشترك أو بتقلص على نفسك وبتسكن سكن عادي وممكن تعود نفسك على سندويشة فلافل
وبتقول الحمدلله تكفيني لكن الواقع الغذائي يقول أنك غير مهتم بصحتك والدليل أشكال الشباب تقول مجاعة أفريقيا
تجد البعض عزايم وطلعات وخساير لكن مو الكل راح يعيش هالعيشه لانه حاسبها صح وعارف أنه مراح يسكن لوحده
..
اذا ايجار الشقه أقل شي بحدود 500 دولار وفاضيه بدون أثاث ولا خدمات بسالك بالله كم راح تكلفك تاثيثها ودفع الفواتير
قد تجد الخدمات في بعض الاسكان الماء موجود والكهرباء عليك والعكس وممكن تجد شقه شامل الخدمات وسعرها ألف دولار
..
أسعار الكتب الي راح تشتريها تبدا من 50 - 60 دولار والتكس = الضريبه 9 أو 10 دولار
ممكن أول ماتوصل مراح تجد وسيلة توصيل بتاخذ تاكسي يوصلك المعهد أو الجامعه رايح جاي 10 دولار
وممكن تحصل لك شباب حلوين يخدمونك أيام والباقي راح ترجع مثل أو وأدمر
وممكن تحصل باص المعهد الي بيجيك كل ساعه وتطلع بدري الصباح قبل الحصه بساعه علشان توصل
لان الباص ماشاء الله يسوي جوله حول الولايه للتعريف عنها كل يوم وبتقول يلا نصبر بكرا تتسهل ونطلع سياره
..
نقصت عليك ملابس أو أشتد البرد عليك وتبي تطلع السوق كل مادخلت محل وبتشتري شي أخذوا عليه تكس
وأحسبها على مشترياتك للعزبه والملابس والكتب والتوصيل والايجار والفواتير كم راح يبقى لك
..
أنا ما أنكر والحمدلله وهذه فرصه لاتعوض لكن تمنيت أن حكومتنا تتعاون مع كل ولايه بتوفير الخدمات لـ أبناها وبناتها
وليس تركهم هكذا وكننا ضايعين وسالفة التكس المفروض يعطونا بطاقة تعريفيه أنهم ماياخذون منا فلس زياده شرايكم
..
بالاخير نقول الحمدلله على النعمه والله يوفقنا ويوفق الجميع
November 1st, 2011, 01:56 PM
............................................اهداء المقطع للطلبه ............................................