هل أقدم أستقالتي في السعودية أم في أمريكا ؟؟؟!!!

حبيب قلبي اذا انت عندك اللغه وجاي دكتوراه على طول فأبشر فالك البعثه من الدوله بس حبيت اقولك خذ اجازه استثنائيه وروح الدوله اللي تبيها وبعدين اذا تكيفت مع الوضع قدم الاستقاله لاتخسر الوظيفه يمكن مايعجبك الوضع كل شي جايز وانا اخوك

مشكور أخوي ... ولكن هل الملحقية تخيرني هناك بين الإنضمام للبعثة وتكون استقالتي من أمريكا أم أنهم لاينظرون إلى ملفي مادمت على عمل ؟

لا اخوي من شروط التقديم ماتكون موضف في اي قطاع حكومي او شبه حكومي ..
المهم مايكون مهنتك في الاحوال المدنيه غيرطالب او متسبب ..

اما موضوع انك تسيب وضيفتك ..

بما انك بتدرس دكتوراه هاذا يعني ان عندك التوفل صح ولا لا ؟؟
اذا عندك التوفل .. عاد انت مخير بين البعثه وبين وضيفتك من الان ..

لان مادام عندك توفل ..فانت مستوفي الشروط ويحقلك الانضمام في البعثه .. يعني اعتقد في اسبوعين بالكثير وانت عالبعثه ..
اما انهم يخيرونك هناك .. فلا )) انت اساسا ماتقدر تفتح ملف وتقدم انك تنضم عالبعثه الا وانت مستوفي الشروط .. والي من ضمنها ماتكون موضف في اي قطاع حكومي او شبه حكومي او حتى اهلي ..

وبالتوفيق اخوي ..

الله لايهينك أخوي علي ماقصرت بيض الله وجهك

من شروط الوزارة انك ما تكون على راس عمل حكومي
بالتوفيق

الله يوفقك يارب انصحك يالغالي تاخذ العلم من اهل العلم اخاف نقولك شيئ ونورطك اذا تقدر تروح للوزاره تسالهم افضل وافضل

وعسى الله يوفقك بالدكتوراه ماشاء الله تبارك الله

هلا أخوي

أنا موظف حكومي في السابق والحمد لله انا الان ادرس الماجستير
شوف الافضل تقدم أستقالتك من السعودية وتغير حالتك في الاحوال من موظف حكومي الى متسبب أو طالب
لكن لو أنت متخوف من هذي الخطوة تفاهم مع مديرك المباشر وقدم طلب اجازة استثنائية على اساس انه لو ترتبت امورك في امريكا ح تقدم استقالتك مع ملاحظة( ان الاجازة الاستثناية بدون راتب لمدة سنة واحدة فقط و لا يسمح بتمديدها لسنه اخرى الا في حالات )
بس اهم شي اذا رحت امريكا ومعك اجازة بدون راتب سوي توكيل من المحكمة لشخص تثق فيه (أبوك ..اخوك) عشان يسوي لك اخلاء الطرف وتحويل مهنتك في الاحوال لانك ما تقدر تسوي الامور ذي وانت هناك
الملحقية لن تضمك للبعثه مدام انك موظف حكومي الا في حالة واحدة فقط وهي انك تاخذ بعثة من جهة عملك