وداعا امريكا ،،، ماعندي واسطه

حاس فيك والله أخوي
بس أحسبها صح قبل لا تتخذ قرار،أنت صرفت وتعنيت لين وصلت للمكان الي أنت فيه
وعشان لا تصير الغبنه غبنتين حاول تقعد الى بعد بداية السنه الميلاديه الجديده..
يعني دبر نفسك أبو شهرين قدام وعلى كلام الكثيرين راح يكون فيه انضمام للطلاب
حاول تتسلف من أحد ف السعوديه المبلغ ماراح يكون كبير حق الشهرين المقبلين
وبنفس الوقت ان الله ما كتب وماصار فيه أي الحاق .. هما شهرين تتوظف وتسددهم
أصبر شوي أنت تعنيت كم شهر عطها أبو شهر زيادة منت ب خسران كثير ..
جعل ربي يكرمك والقارئين ب خبر الألحاق

اخي الكريم اكثر من الاستغفار

وحاول تهدأ وتسوي امورك وتكلم ابوك لو يرسلك الي يمشيك لين السنه الجديده بإذن الله الخير بيجي انا متفآئل ان فيه شي بيصير السنه الجديده

لكن خل املك بالله كبير ولا تحبط انت خاطرت ولازم تتحمل الضغوط الي مريت فيها وتسوي اي شي عشان ماترجع بلدك طبعآ تشوفلك شغله هناك او تكلم ابوك او اي احد تتسلف منه لين تنضم صبرت الكثير مابقى الا القليل

كلام مجرب

ارق تحياتي

سوف الحقك الى السعوديه لاني لا املك هذا الشيئ الذي يدعى بالواسطه

أنا خلصت دراستي من قبل امس .. طول الاسبوع الي راح والتيجر تهدد فيني ذيس از ذا لاست ويك فور يو ..
اوكي شسووي تقهريني كل اشووي ليش..

انا ماودي اني ادرس واكمل دراستي ..

قسم بالله حتي اخر يووم التيجر اخضنتني تقوولي انك ممتازه وتغير مستواك بسرررعه واعطوني شهاده فيها 98%

أنا بقعد 60 يوم الي لي ..وبنتظر ليما يشوتوني للسعوديه او تتكرم بلدي انها تتكفل بدراستي حالي حال كل الطلاب الي قبلي والي جو معي وانضمو قدام عيوووني

4 اشهر موب قليله ..

الله يكتب لنا الخير ياااااااااااااارب ولايضيع تعبنا وتعب اهلنا :"(

يعني يا شباب ما تايدون اني ادرس في امريكا

هلا اخواني ،،،
اخوي ranovatio يعطيك العافيه ومشكور على الشعور، حنا مسلمين وعارفين مشاعرنا ، بس انا مقصدي من الكتابه في المنتدى نحاول نطور من نفسنا ، كمواطنين نوصل رأيننا للمسؤل بطريقه شبه رسميه عبر قناة رسميه تابعة للمملكه .


اخوي حطموك قلبي لاتتحطم ولا شي ، كل واحد وله رزقه , ماتدري عن الدنيا ، ضبط عمرك وتوكل على الله .


الله يكتب الخير للجميع

اخوي الله يعوضني خير ،،،، الله يعوضك وانا اختك كلللل خير ويعوض تعبك والهم ويطوي غربتك ويعوض عليك كل ريال بمليون شرايك ،،،
انااا رايي من راي اخوي اول واحد ،،، اصبر لين بعد شهرين فيه اخبار كثير تؤكد ان فيه الحاق ولو ما صار ذيك الساعه خلاص اغلب اللي على حسابهم بيمشون والمشتكى لله سبحانه ،، واذا تعرف احد خله يروح في الرياض وحتى لو مافيه واسطه يكفي احد ينشب لهم هناك احياناً ،،، الله يوفقك اخوي ،، وياجعلي اقرى موضوع لك هنا باركولي تم انضمامي للبعثه عاجلاً غير اجل وكل الاخوان والاخوات ياااارب

الله يعين

نصيحة لكل من هو مثل حالتنا خلونا نصبر لنهاية شهر فبراير

واذا ماجاء شي رجعنا لديرتنا

طبعا لكل شخص ضروفة واتمنى ان الله يرزقنا واياكم البعثة

الله يكون بعونكم يارب