على قوله حسين الجسمي متى متى متى .................................... رد رد يالليل

نيوزلندي

اصبر وانا اخوك نشوف هالميزانيه بتجيب نتيجه ولا دحدرنا للسعوديه

طول عمرهم يضمون طلاب وقفت علينا حنا ؟بنخلص ميزانيتكم يعني ؟الفائض لحاله يعتبر ميزانيه ضخمه

تدري شالمشكله ؟ انهم ماحطووو اعلان بموقعهم انو ماعاد فيه الحاق الا بعد اللغه ادري بيجيني واحد وبيقولي لا هم قايلين ان النظام خلص اللغه وتنظم

ابرد عليه واقوله والله ثم والله انا وانت نعرف انه ماكان يطبق قبل نجي وكان فقط صوري

يعني تطبق على جيتنا فقط +اعتقد ان حنا منحوسين للاسف

اللي قاهرني قبل شهر انظم واحد مجنس قعد سبوعين وانظم وهو مجنس اي مجنس واقولها بعالي الصووت مجنس (اللي بيقولي انت عنصري اي انا عنصري لما تكون

المسأله فيها عدم مساواه بيني انا ابن البلد وبين مجنس حتى اسمه يتبع لاسم دوله اخرى)

وانا عارف وانا اخوك انها شينه انك ترجع للسعوديه وانت ماحققت مبتغاك عاد وش يفكك من كلام الناس والقرايب هذا فاشل هذا ماهو كفو بعثه هذا اكيد كان مخربها كان

يسهر هناك و و و وهم مايدرووون ان حنا مابتعثنا اصلا ومن الضلم والاجحاف في حال قررو يضمون طلاب امريكا مايضمون بقيه الدول خصوصا الله يعينكم نيوزلندا

غاليه هي واستراليا اكثر من امريكا (ماعدا الولايات الكبرى بامريكا)

والله ثم والله داخل على ةاحد بالملحقيه مسول كبير

قالي عندك واسطه تنظم ماعندك واسطه نتظر للين ماربك يفرجها

والله يالغالين قبل كم يوم شايف قرار الابتعاث واحد من الربع بيده ماسكه ويوم سالته كيف وكيف

جبته قالي واسطه

قلت طيب ظبتنا ياخي بمزحه قال اللهم نفسي

بعدها سحبت سيفون حتى سلام ماقمت سلم عليه مو حسد ولا شي بس تعامله ورده خلاني سحب عليه

قبل القرار كان من ربعنى بالمعهد يروح ويجي معنى وبعدها سحبنا عليه سيفون

ليه العنصريه يالسعوديه ليه تعطون ناس بعثات وناس لا

والله حرام قسم بالله

وربي مابي رجع السعوديه وانا عارف لو برجع للسعوديه باللغه الي عندي وكتسبتها بنيوزلندا قدر توظف باي شركه

بس انا نفسي كمل الماجستير الاداره الاعمال وربي النفسيه تعبت يالاخواااااااااااااااااااااااااااااااااااااااااااا اان


تكفي يالمستشار دخل وساعدنا برد الجافي في الامل بضمنا او لا

اخووي

المستشار الله يسعده ويوفقه قال انا متفائل مع الميزانيه الجديده وللامانه هنا عندك ناس راعين بثاره يعني لو قال المستشار اي كلمه واخطأ فيها بيقعدون يبثرونه فيها عشان كذا الرجال مايبي يعطي اي وعود من هذا القبيل

لان بالاول والاخير الشيئ ذا علمه عند الله والرجال يجتهد والباقي على الله عشان كذا ابو خالد متحفظ عن هالموضوع بس قاعد يعطي ايحاءات تبشر بالخير بحول الله

وبخصوص اللي قالك جب واسطه وتنظم اتفق معك اصبحو يعلنونها علنا (دبر لك واسطه وتنظم)

بيني وبينك انا كنت مره منفعل واكتب مواضيع و و و

بس ايقنت ان كلامي ماراح يودي ولايجيب لو اكتب مواضيع بيديني ورجليني اكرمكم الله

اصبر ان الله مع الصابرين هذا اللي قاعد اطبقه والله كريم

رد المشرف الوصخ حسبي الله ونعم الوكيل بكل واحد يوقف بطريق نجاحنا المصيبه انهم مايرسلون المفلات للرياض الى للما احد يطلبها على قولتهم واسطه






النفسيه دمرت يالربع خلاص حتى المعهد ماعاد عندي نشاط مثل اول نسبه حظوري 100 بالميه يارب لك الحمد
بس حس قمت طفش من المعهد تاخير ويوم الجمعه غايب وربي النفسيه زفت يالربع تكفون نبي حل

طيب يالاخوان حاب
سال عن المكافئه للطلاب الدراسين على حسابهم الخاص
في مكافئه للطلبه المتمزين كيف طريقتها ؟

والحين انا عندي ستفسار لو قدمت وختربت ايلس قدر التحلق بسرعه او لا ؟

انا معي بالكالوريس بدون فاونديشين خش جامعه على طول مجرد اجيب الدرجه المطلوبه خمس ونص

ودي جرب وختبر بس ماعندي اي خلفيه عن الاختبار الايليس

هذا خطاب من فتره رسلناه للرياض للديوان وللحين ماجى رد عليه 120 طالب وطالبه وقعنا عليه مع الاسامي والارقم الجولات وكل شي
تم ارساله عن طريق القنصليه
بسم الله الرحمن الرحيم



والصلاة والسلام على سيدنا ونبينا محمد وعلى اله وصحبه اجمعين

السلام عليكم ورحمة الله وبركاته..وبعد


نتقدم نحن الطلاب الدارسين على حسابهم الخاص في نيوزيلندا ببالغ الأسى والحزن على ولي العهد السابع الامير سلطان ال سعود..اسكنه الله فسيح جناته..
ونحمد الله تعالى على سلامتكم..
وبعد..

ياأبانا..خادم اشرف بقعة على وجه الأرض خادم الحرمين الشريفين الملك\عبدالله بن عبد العزيز بن عبد الرحمن ال سعود..حفظك الله ورعاك
نقدم لمقامكم السامي خطابنا هذا الذي قد لا يوضح حجم معاناتنا التي
نعيشها بسبب عدم مقدرتنا على اتمام دراستنا على حسابنا الخاص
بسبب غلاء الدولة..


مليكنا الغالي حفظك الله لا يخفى علينا مدى كرمكم وحبكم لوطنكم وابناءه .. وعدم رضاكم بتحطيم احلام احدهم حيث انكم توفروا الفرصة لكل مواطن حفظكم الله لينظم لبرنامج المبتعثين,حيث اننا جادون في الدراسة لأنها سلاحنا الوحيد لمواجهة صعوبة الحياة..
فلو تكرمتكم سموكم بإتاحة هذه الفرصة لنا..

ونسأل المولى عز وجل أن يوفقنا بعد رجعونا حاملين شهادات التخرج مفتخرين بها حيث أن الفضل يعود لله ثم إلى سموكم الكريم..
لنرد هذا الجميل الذي أغرقتمونا به..
ونقدم كل ماهو مفيد لصالح وطننا الغالي ونجعل سموكم تفتخرون بنا..
فنحنن نفخر بكل اعتزاز من بين كل الشعوب بأننا نعيش تحت حماكم.
دمت لنا بكل حب يا والدنا العزيز ..والله يحفظكم ويرعاكم ويطيل في اعماركم.

ابنائك وبناتك الطلاب والطالبات الدارسين على حسابهم لخاص..

مالك الا تدعي ربك .. يفرجها قريب انشاء اللهـ ..

ممتاز كويس انكم ارسلتو للديوان الملكي وباذن الله ننضم
استغفر الله العظيم

وبنعم بالله

بس يخوي قهر والله

شهرين دراسه بالصين ولا التحلقت وخسرت مبلغ وقدره

والحين بنيوزلندا كملت الشهر الخامس ولاسار اي شي وش الحل

نرجع للسعوديه ونستسلم خلاص

مع العلم اني بالمستوي الرابع الحين باقي للي مستوين وخلص اللغه

فكر قدم على الاختبار ايلتس بمعهدي وش رايكم ؟؟؟؟؟؟ اخاف اجيب ايلس يقولون خلص 30 ساعه الاكادميه