مساعدة مخلص اللغه وجاني رفض.... ابي مساعده!!!

December 8th, 2011, 10:33 AM

السلام عليكم يا شباب

بصراحه ما ادري وش اقول لكم
انا وضعي مختلف عن وضعكم ومع كذا حالتي نفس حالتكم... الله المستعان بس

انا ودي اطلب من المستشار او اي واحد يقدر يساعدني ولا يدلني على الطريقه الي اقدر فيها اخلص امور الانضمام والله يجزاكم خير كلكم انكم تكرمتو وقريتو موضوعي

انا خريج كليه الجبيل ومعدلي 2.82 من 4
موظف لي سبع سنوات واستقلت وجيت امريكا اكمل بكلاريوس
اللغه ماهي مشكله بالنسبه لي ابداً لاني اتكلم انجليزي بطلاقه
عندي توفل 85 من 120
متواجد بامريكا قبل رمضان في 28 جولاي
بسبب تاخري بالتسجيل بالكليه اضطريت اني اخذ نصف ترم لغه والنص الثاني مواد بالكليه
خلصت اللغه بسهوله وبديت ادرس بالكليه (richland college)
لكن الكليه غير معتمده من وزاره التعليم وانا ما ابي اكمل بالكليه انا ابي اكمل بالجامعه(UNIVERSITY OF NORTH TEXAS) بس الكليه ارخص
عندي قبول من الجامعه ومعادلين لي 67 ساعه من شهادتي السابقه

قدمت طلب الحاق

لكن جاني رفض مع اني ارفقت لهم اني عندي قبول الجامعه ومكتوب فيه الساعات الي بيعادلونها لي والتخصص والجامعه موصى بها من الوزاره والسبب كان

-تعاد مع التحية والتقدير لسعادة الملحق حيث ان الطالب مسجل في RICHLAND COLLEGE وهي غير مدرجة على موقع الوزارة ولا يمكن الحاقه فيها وفقا لتعميم معالي الوزير رقم 8579 بتاريخ 1432/1/23هـ الذي ينص على عدم إلحاق أي طالب في البعثة إلا بعد التأكد من أن الدرجة والتخصص والجامعة موصى بها وأن تكون المرجعية الوحيدة في ذلك هي قائمة الجامعات الموصى بها لدى هذه الوزارة والمدرجة على الموقع الإليكتروني للوزارة) ويمكن الرفع له بعد الانتقال الى جامعة موصى بها وارفاق خطاب من مسجل الجامعة يفيد بالبدء بالدراسة الأكاديمية وتسجيل مواد في التخصص) لنتمكن من العرض على اللجنة.

يعني الحين انا لازم اروح واسجل بالجامعه وادفع فلوسها الي هي 8500 دولار بالترم الواحد وبعدين ارسل لهم اني بديت ادرس فيها عشان يقبلوني بالبعثه
ما ادري وش اسوي الحين

انا ادري اني طولت عليكم ويمكن اني زدت همكم هم ................... بس اني ما ادري وش اسوي

كلها كم اسبوع وبرجع السعوديه والله يخلف على كل الي صرفته وكل الي ضحيت فيه لاني ما عندي فلوس الجامعه ولو قعدت بالكليه ما راح يضموني ابد

والي يقول عن المكرمات والالحاق انا رايي الشخصي انه ما فيه شي بيصير وماله داعي الواحد يتعلق بقشه وهو يغرق

حبيت افضفض بعد ما ضاق صدري بالرفض مع العلم اني مقدم طلبين قبل هالطلب وانرفضو لما كنت لسا باللغه

الله يكتب الي فيه الخير للجميع
وشكرا لوقتكم

• نشر عبر تويتر
• نشر عبر فيسبوك
• نشر عبر جوجل