استفسار وش الافضل للملحقية الدراسة جنرال - ولا اكاديمي ( ساعدوني الله لا يهينكم )

هلا بك اخوي
اتوقع اكاديمي افضل ونصيحة ادخل معهد جامعه لان معاهد الجامعات اغلبها اكاديمي .موفق

ايه اخوي انا تبع الجامعة بس الجنرال ارخص ف عشان كذا جالس فيه , وهو تقررريبا نفس الدراسة نفس الكتب بس الاختلاف في ترتيب الوقت والكلاسات

بس انا استفساري بخصوص الملحقية هل تدقق على هالشي يعني اذا كنت جنرال أو أكاديمي ؟



الملف غير مكتمل ، لذا يجب التأكد من ارفاق صورة من كل المستندات المطلوبة التالية: *جواز السفر ، 94-1، الفيزا ،20-1، المؤهلات الدراسية التي سبق الحصول عليها،واذا كانت دبلوما يجب ارفاق شهادة الثانوية ، قبول اللغة مع اثبات بدء الدراسة، قبول اكاديمي من جامعة موصى بها من قبل الوزارة مع تحديد التخصص ، بطاقة الهوية الوطنية ، ختم الدخول لامريكا. *يجب تصوير جميع المستندات تصويرا ملون بإحدى محلات التصوير وليس بواسطة الكاميرا لضمان وضوحها. * يجب التأكد من اكمال ( تعبئة ) كل الحقول الموجودة في استمارة ( طلب الحاق طالب بعضوية البعثة). *يجب اكمال ( تعبئة ) بيانات المراحل الدراسية السابقة. *يجب وضع كلمة ( بكالوريوس ، ماجستير، ...) بدلا من كلمة ( لغة) في خانة المرحلة الدراسية الحالية.

لا اخوي الاكادمي يخلفت كثير عن الجنرال
الاكادمي
ياهلون الشخص للدخول للجامعه
او الجنرال خايس ترى
وميدرسون فيه غير الصينين والكورين لان رخيص لهم
نصحك تحول تدرس الاكادمي
تدريس قوي وكلمات قوي ويركزن على الردينق والرايتنق

هههه صح كلامك
بس ياخوي انا عندي سبب ان الفرق حول 3500 ريال ,, هذي مو شوية عندي ترى انا مضغوووط بالفلوس

بس ابي اتأكد هل الملحقية تفررررق الدارس بالجنرال والدارس بالكاديمك ؟

انا ما اعرف الفرق بينهم لكن من كلامكم :

الجينرال : يعلمك اللغة بشكل عام , زي اللي تحتاجها فالبيوت و البقالات و بين الاصحاب

الاكاديمي : يعلمك بشكل خاص للدراسة في الجامعة

ان شاء الله فهمي صح مو فلسفة زايدة -__-

طيب انا معهدي IEP التابع لجامعة colorado state university , لاني لسى ما رحت , كيف اعرف اي البرنامجين بيعلمني ؟

اخوي المعنى بالجنرال أو الاكاديمي في المعاهد التابعة للجامعات
ان الجنرال تدرس بدون ماترتبط بالجامعة يعني لما تخلص لغة مش على طول تدخل الجامعة
اما الاكاديمي هو اللي تدرسه بالمعهد ولما تخلص المعهد تروح على طول للجامعة التابعة للمعهد طوالي ...

بس اللي اعرفه هل الملحقية تفرق بين هذا وهذا ؟

السلام عليكم
اا انك بتروح معد اكاديمي تاكد انه مافيه سعوديين كثير ولا الفائده ماراح تحصلها
اهم شي انك تستفيد بالمقاااام الاول
واغلب المعاهد الاكاديميه نصب في نصب تستقطب الطلاب وتدريس اي كلاام تحصل واحد في المستوى العاشر
وتقارنه بواحد اخر بمعهد جنرال يتكلم احسن من هذا بالف مرررررره وهذا الواقع اللي لمسته واشاهدته
انا ادرس بمعهد اكاديمي وخرجت منه ورحت لمعهد الدراسه فيه جنرال و ارخص بكثيييير والفائده فيه اكبر واحس نفسي قطعت شوط في اللغه خلال شهر واحد معاااهم وفيه تركيز على الرايتينق بشكل اكبر والمحادثات