استفسار عن بعض اشروط الدرسين على حسابهم الخاص

لازم تاخذ موافقة الملحقية في البلد الي بتدرس فيه
الموافقة هيا انك تفتح ملف دارس على حسابه الخاص بعدين يرسلولك القبول ومعاه الرقم السري
كذا انت اخذت موافقة الملحقية
اما شرط العمر فما اعتقد له مشكلة لانك طالب على حسابك الخاص انا كمان زي عمرك وبدرس بكالوريس
بالتوفيق لك وتوصل بالسلامة

ماشووف ان عمرك فيه شيئ بالعكس توك صغير

ومثلك ماقال الاخ تفتح ملف دارس على حسابه فقط فقط

لا عادي ماله اي دخل انا عمري 26 وفتحت لي ملف دارس على حسابي الخاص

شوف اخوي
اعتقد انه ما يحتاج موافقة وزارة التعليم العالي . لاني ما سويت هالشيء بالذات انت على حسابك الشخصي
المهم .. ونجي للمهم
اول ما توصل الدولة اللي انت تبي تروح لها انصحك بأمور مهمه جداً
1- تصلي ركعتين استخارة في كل شيء تبي تسويه ( كلنا ذو بصيره قاصره لا نعرف عواقب الامور .. فلذلك لا احد يعلم الغيب الا الله وانت تستخير الله في هذا الامر اللي تبي تفعله ) صدقني هالخطوة هذي مهمه مهمه جداً .
2- اول ما توصل البلد تسارع انك تفتح لك ملف طالب دارس على حسابه الشخصي .
3- تسوي طلب إلحاق طالب دارس على حسابه الشخصي .
4- ادخل على موقع الملحقيه في بلدك وحاول تلقط اسم المشرف ووسيلة الاتصال به ، طبعا اذا كنت مثلا في ولاية تكساس ، وانت تدرس بكالوريس ، شوف من اللي ماسك االاشراف على تخصص البكالوريس في ولاية كذا واحيانا تلقى اسم الجامعه .
5- تسلح بالصبر والثقة الكبيرة بالله عز و جل وما عليك .. دامك استخرت فصدقني ان الله ما راح يضيعك .. وان كان خروجك من السعودية ودراستك والحاقك بالبعثه فيها خير لك .. صدقني الله ما راح يضيعك .
6- بعد ما تسوي هالخطوات ويدخل ملفك تحت الدراسة وامورك زينه وملفك كامل تنتظر القرار .. هذاك الوقت الغي فكرة الابتعاث من راسك واشتغل على نفسك ودراستك وان جاك القرار الحمد لله وان لم يأتي الحمد لله انت استغليت وقتك ودرست واشتغلت على نفسك .. صدقني راح تسلم ( من تأنيب الضمير )
7-هناك مثبطين ومحبطين للهم .. حاول تتجنبهم ولا تسمع لأفكارهم .
أتمنى اني افدتك ،، اسئل الله لي ولك وللجميع التوفيق والسداد وان يكتب لنا الخير حيث كان
واي استفسار او شي احنا حاضرين وان شاء الله الشباب ما يقصرون معك

طيب لو كان عمر الدارس على حسابه اكبر بكثير من هذا السن...هل يجب ان يسوى نفس الشي؟ وهل هناك امل فى الحاقه (على افتراض انه عمره 35 ويدرس بكالوريوس)

طيب لو ماكان عنده نيه للالتحاق بالبعثه...لازمه برضه يفتح ملف فى الملحقيه؟