تحطمت نفسيا اعلنت ستسلامي لوزاه والعيسى برجع السعوديه خايب بدون بعثه

ما نقول غير حسبي الله ونعم الوكيل

افا افا افا ماهو هذا العشم يا ولد !!
اولا هدئ من روعك ،، وصلي على النبي ( عليه الصلاة والسلام )
ثاني شيء هل من السهل انك ترمي المنديل الابيض بهذه السهولة ؟
يا ولد اصبر صدقني عاقبة الصبر خير ان شاء الله ،، وماشاء الله انت اثبت نفسك في خمس شهور !! ،، يعني لو جلست سنه وش راح تسوي
تخترع لنا قواعد < حلوه تخترع
يا صاحبي اذكر الله وهونها وتهون ، وما ضاقت الا لـتفرج بس خل ثقتك بالله كبيرة ، وربي حاسس فيك وباألم الدراسة والغربة وضيق الماده ،، لكن هالشيء ما ينحل بالطريقه هذي المفروض انك تروق وما تتخذ قرار مصيري في حالة غضب او زعل
لو فرضنا انك رجعت السعودية حلو ،، طيب وش البديل ؟؟؟؟؟؟؟؟؟؟؟؟؟؟
تجلس تندب حظك او تحط اعذار ان العيسى والعيسى والواسطه والواسطه !!
طيب بكرا راح تواجه مشكلة مثل هذي هل تستلم لها بسهولة ؟
ياخوي كلنا ماكلين تراب بالديار هذي لكن راضين بنصيبنا وامرنا لله ،، ونشتكي لله حالنا وهو ارحم بنا من رحمتنا بأنفسنا
يعني تهقى انسان يطلع من بيئة محافظة وبلد منبع الرسالة المحمديه ،، ويجي في هالديار وهو مبسوط ولا ماكل تراب !!
وش اللي يصبرنا بالديار هذي غير ثقتنا بالله عز و جل وعاقبة الامر وثاني شيء وهو مهم جداً
ان لك امك واخوان وخواتك ينتظرونك وانت معك شهادة عشان تنفعهم وتعيلهم !!
هل بعد هذا كله تقول خلاص استسلمت للعيسى
طيب العيسى ما درى عنك استسلمت او لاء ..
يا حبيبي اعذرني واتمنى الجميع يعذرني على خروجي عن النص .. بس انا تأثرت بوضعك والله الدراسة ضاغطتني هاليومين فالله المستعان
اتمنى انك قبل ما تتخذ اي قرار تستشير وتستخير ، وتفكر باللي مصيرهم مرتبط بمصيرك
واسئل الله لي ولك التوفيق والسداد ،، وارجع واقول ماشاء الله انت اثبت نفسك خلال 5 شهور فلا تضيع جهدك اللي راح باعذار مالها داعي !!

أهلن
وعسى ان تكرهوا شيئاًً وهو خيرٌ لكم
الله يكتب لك الخير
وما عليك من كلام الناس
وسفرتك جابت لك نتيجه ان شاء الله وربي ما يضيع حق لاحد وانت دايم خلي فبالك انو انت مسافر وبذمت ربك لين ترجع وهالشي مره مريح
و بخصوص كلام الناس انت سويت اللي عليك و حاولت يعني انت تبي والناس تبي والله يفعل ما يريد و دايم خلي املك بربك كبير و ان شاء الله غيبتك ما تضيع
ويارب يبشرك ببشاره تكون خير لك في دنياك وآخرتك
بطلب منك
تسوي اختبار ieltsالحين عشان لغتك لسى قويه ان شاء الله بتفيدك
وانتظر شوي بعد الكريسمس و ان شاء الله تلاقي خير يارب انظمام او رجعتم بتكون فيها شي افضل من دراستك
الله يصبرك و يفرجها عليك

ملاحظه: لا تتحسب على احد لان بصراحه ما اعتقد ان له دخل لان مب انت لحالك وقابلته وعارف وضعك ورفضك من مزاجه وقتها أنا بقول معاك

أسأل الله أن ييســر أمــرك ويفــرج همــك وينفــس كربــك.

ضاقت فلمـا أستحكمــت حلقـاتهــا !
فرجــت وكنــت أظنهــا لا تفــرج

Thank you very much
اخوي شكرا على كلامك الرائع
بس خلاص يالغالي النفسيه ماعاد تتحمل اني جلس
سرت شحذ البعثه من عيال الواسطه ذليت نفسيا
وبالاخير يقولون كل واحد يالله ندبر حالنا بالبند العريض سمعتها من ناس
والوالده بالسعوديه المسكينه
بدال ماتخطب لي سارت تتصل على الناس دور واسطه عشان التحق بالبعثه

تحطمت كل الامال وخاب الامل خلاص

قولي كيف بقدر بكمل جامعه على حسابي ؟؟؟؟؟؟؟؟؟؟؟؟؟؟ بعد

والله ثم والله معي واحد بالمعهد بالمستوى الاول المنتري وله شهرين ونص مبتعث
ليه ماعدا للمستوى الثاني
يقول بكيفيه هو حاب يجلس هنى هههههههه
وربي ضحك على بعض المبتعثين


لاكن بالنسبه خلاص ماعاد بقى شي نتحمل له

صاحبه الهوم تقولي جلس عطيك فلوس ودفع للمدرسه
وربي نحجرت من كلامها معي اليوم وامس
لاتقولي لاتحزن ولاتيس
قالت للي
never mind لاتئيس

واليوم جتني تقول انها حلمت فيني اني التحقت بالبعثه والله العظيم ياشباب
قالت للي
i saw you in my dream yesterday
عطتني scholarship
على بالها بتهون علي مصيبتي المسكينه


بروح شكلنا نشتغل
بالسعوديه زبالين والله

ما ازيد على كلام الاخوان ما قصروا .. لكن ان شاء الله راح اذكرك بعد ما تلتحق بإذن اللي ما تنام عينه

* رضا الناس غاية لا تدرك
اذا الواحد قدم ما لديه صدقني راح يسلم من تأنيب الضمير ..
واوصيك تلتجئ لرب السموات والارض بيده مقادير كل شيء .. ان الله يفرج همك وييسر لك امورك
* تذكرت حديث عن الرسول صلى الله عليه وسلم - في ما معنى الحديث .. ان الرجل له عند الله منزله لا يبلغها الا بالابتلاء ..او كما قال رسول الله صلى الله عليه وسلم
وهناك ايضا حديث اخرى ولكن لا يحضرني نصاً .. ان الله عز و جل اذا احب عبداً إبتلاه .. فأصبر على بلوك جعل ربي يرفع منزلتك
وكل ما ضاقت معك اقرا صفحتين من المصحف راح تشيل عنك الضيقه

طيب انا بطلب منك امور وانت نفذها وبإذن الله الواحد القهار ،، راح تتغير فكرتك
اول شيء عسى الله يحفظ لك والدتك ويخليها لك ،، ثاني شيء ما تحتاج انها تدور لك واسطه ! وانت عندك باب الله مفتوح 24 ساعه تقدر تطلبها من الله
ثاني شيء انت متى بترجع بعد الكريسمس ؟؟ اوكِ عط نفسك فرصه فله مع نفسك لا تروح المعهد روح غير جو حاول بقدر ما تستطيع تنسى شيء اسمه بعثه ودراسه فله بس لا تخربها وتفلها في حرام
انا اقصد العب كورة تمشى اطلع غير جو روح مسبح سونا ،، روح مدينة العاب لا تخلي شي روح اذا على الفلوس .. روح البحر امش اهم شيء لا تفكر بالبعثه ،، ثم خلال هالفترة هذي ابيك تكتب كم ايجابيه اخذتها خلال مشوارك الخارجي يعني ما الذي استفدته من سفرتك للخارج سواء ب الصين او نيوزيلندا .
ثمن اكتب السلبيات في ورقة اخرى وخلها على جنب ..
الشي الثالث خصص لك لو صفحه يوميا تقراها من القران الكريم ...ولا تستغرب هالحل لانه صدقني فعال ويأثر على نفسيتك وعزيمتك وطريقة تفكيرك ( وكيف لا وهو كلام الله تعالى ) فيه شفاء وهدى ونور
الشيء الرابع .. هل الدافع لنزولك ( الفلوس ) اذا مره لا تستطيع انك تواصل فا قولك انت قدمت مالديك لكن السيولة ما ساعدتك على انك تواصل مشوارك .. لكن هالشيء ما يعني انك خلاص توقف للابد ..
تقدر بالسعودية تكمل تعليمك انت الحين قطعت شوط كبير باللغه وتعرف وش اللي ينقصك باللغه وماهي المهارة اللي تشوف انك محتاج تطورها ..
الشيء الاخير .. صل ركعتين استخارة كل يوم ..
وصدقني راح تشوف النتيجة

مشكور يالغالي ماقصرت على ردودك الي تثلج الصدر بالكلام الحلو

تدري لو قولك شي ماتصدق

بعز نومي حلمت

بالوليد طلال هههههههههههه

طالعين من باب المسجد مع بعض

وشفته وهو يعزكم الله يلبس جزمته المهم

وانا طالع من باب ثاني بعيد عنه ويوم شفته كان الحقه

وناديه طال عمرك طال عمرك

تكفى تكفى

وناظر فيني وكان بيميشي ويسحب علي بعدها

قلت له بصوت علي تكفى انا مابي فلوس ولا شي بي كمل دراتسي وبي بعثه

كان يوقف بالحلم الوليد وبعدها صحيت ونقطع الحلم ههههههههههههه

يعني صعب الواحد ينسي اخوي سالفه الابتعاث والبعثه مانقدر نضحك على نفسنا حاولت من قبل

اني نسى بس ماقدر

بالمعهد سمع كلام الابتعاث بالشارع كل ماشوف سعودي اول مره سلم عليه

يقولي ماسمعت شي جديد ونجلس نسولف بالابتعاث

صعب يالغالي

ومن ناحيه قراءه القران الحمد الله يارب لك الحمد وان شاء الله راح نستخير مره ثانيه قبل لاروح غير حجزي يوم الاثنين بمكتب الحجوزات

والفلوس ماهي عائق للي بس بس خلاص النفسيه تحطمت

أتمنى من اعماق قلبي اني افدتك وقدمت لك العون فيما اقدر عليه ..

ولا تستسلم من ثاني جولة !!