تتوقعون هالمبلغ يكفيني اربعه شهور !؟؟؟

اترك عنك كلام الميزانيه ومدري وش

هل طلع احد من المسؤليين وقال ترا اذا نزلت الميزانيه بنضم طلاب ؟طبعا لا

لذلك لاتعيش على امل الميزانيه خصوصا انه مو مضمون

المبلغ اللي معك للامانه مايكفيك 4 شهور خصوصا تبي مدينه حلوه

خل المبلغ 40 الف اتوقع انه يكفيك ومع اقتصادك بعد

انا صرفت 45 الف ب4 شهور وربي اني مقتصد وبديره عاديه

بس ترا بامريكا في اشياء تطلع لك وانت ماتدري وتضطر تدفع

يعني لاتحسب حساب المعهد والاكل والسكن والمواصلات لا لا احسب حساب اشياء ثانيه (تطلع لك فجأه)

وعليكم السلام ورحمة الله وبركاته
الله أعلم
لكن برأيي أنك تدرس اللغه هنا وشد حيلك وجيب نسبه في اختبار التوفل أو ألايلتس عشان تضمن إلتحاقك بالبعثه
سوي لك برنامج دراسي بنفسك و سجل في معهد وصدقني إذا أنتا تبغى تطور لغتك تقدر تطورها هنا في السعوديه النت والمعاهد ماخلو شيء
في ناس جابو في الايلتس 6.5 و 7 وهما هنا في السعويه مع العلم أنه في جامعات تقبل نسب أقل من هذي زي (6 و 5.5)
وادرس اللغه عشان تتعلمها مو عشان الاختبار عشان تدرس وتعيش برا و أنتا فاهم
والله يوفقك ويوفق جميع المسلمين

حمد والله الماده لك عليها شوي .. بس ننتظر فرج ربك

ان شاء الله نجيب هـ الـ 45

والله يسعدك وين ما رحت يالأميييير ويرزقك بالبعثــه

nmy

أخوي بس هنا تختلف .. لانك في دولة ماتتكلم بلغتك وبرغبه واصرار راح تتعلمها .. لكن هنا ما راح تتعلم صدقني لانك ببتتكلم بلغه انجليزيه وبترجع البيت تتكلم عربي وألخ


لكن الله يكتب اللي فيه خير وييسرها لنا ويوفقك ويوفق كل مسلم إن شاء الله ق1

وعليكم السلام والرحمة
حبيبي بصراحة اذا تبي الدول اللي بتتكلم عنها اولا انضمام جدا صعب هالايام وانت شايف حالات الشباب قدامك الشي وفي كل الدول الشي الثاني روح جنوب افريقيا او نيوزلاندا ويبغالك مبلغ من 40 الى 50 لمدة 6 أشهر اقلها تستفيد لانو لو طلعت ونقصتك الفلوس ولا جاك الانضمام حتجلس في نفسيه زفت واعذرني على اللفظ واما سالفه الدراسة بالسعودية انا من وجهة نظري ماراح تستفيد كثير لانو البيئة ما تساعد لامن معاهد والا خارج المعاهد اذا انت بطل 5 ساعات انقلش والباقي عربي وش الفايده وبعدين التوفل مو بالسهوله اللي تتوقعها انا ما احطمك لاكن هذا الواقع وشكرا وتقبل مروري

اي اربعة شهور الله يصلحك قول امين
لا تصدق شي عن الميزانية ( عموما ما اعلنو عن الميزانية لحد الحين ) بس المشكلة اذا جيت وماصار في الحاق الله يعينك والله

اخوي انا كنت مثلك وجاي على امل في ابتعاث ومكرمه ومدري وشو ..

وهاذا انا خلصت 4 شهور وبعت سيارتي وخسرت سنه من عمري .. (بغض النظر عن الاشياء الي استفدتها من السفر)
لان كان ممكن اكسبها من هنا ..

وترا المغامر منبوذ ولو سلم .. لاتغامر وتروح الا على مضمووون .. لان والله لو رحت وماجاتك البعثه لاتعض اصابع الندم وايضا بعد اول شهر من وصولك امريكا ..

وتبدأ معاك نفسية الطلاب الدارسين على حسابهم ..
وتعيش ايام وحال .. انت بغنى عنه ..

بالتوفيق لك ..

معايا ثلاثين الف بعد خمسه اياااام بكمل ثلاثه اشهر
كل اللي باقي معايا 300 دولار
المدينة شيكاغو
تكاليف المعهد 580 دولار بالشهر
السكن مشترك بي 450
المعيشه طبخ واكل شرب بالبيت
تكفيني 200 الى 250 دولار شهريا