الانضمام للبعثه .... !

مرحبا بك اخوي

اول شي هذا شرط اللغة بس في امريكا , وكان بدون سابق انذار ! الأغلب تفاجأأأأأأأأأ بتطبيق القرار وانا منهم وكنا مجموعة كبيرة تو نازلين امريكا للدراسة
يعني الأمر بيد الملحقية هي اللي ماسكة الموضوع

وبعدين انعرفت السالفة اذا عندك واسطة راح تنقبل حتى لو ماخلصت لغة
وهنا مربط الفرس يعني اللي يتحكم بالموضوع هو الملحقية مش الوزااااارة يعني الملحقية لو تبي تضمك جيب واسطة ويمشونك حتى لو ماخلصت لغة

++++++++++

عفوا ً اذا كانت هذي نظرتك لنا كـ مبتعثين على حسابنا , ياحبيبي كل واحد له وجهة نظرة
ابتكلم عن نفسي درجتي 85 بالثانوي والقياس فوق 70 قدمت في كل مكان مانقبلت الين والد صاحبي جآ كلمني قال اذا تبي الجامعة الفلانية راح ادخلكم انت وولدي وتدرسون مع بعض بس تثبتون لي انكم تجتهدون
انا والله طابت النفس وقلت خلاص ابي اسااافر !!! ,,

فـــ اذا ماتعرف حالنا لاتحكم بهذي الطريقة
موفّق

يا عزيزي الواسطه في كل شي تمشي .. ماجت على الملحقيه .. وهالشي عارفينه من زمان ..


وانت عارف ان الواسطه تمشي كل شي .. الحين صارت تضيق الصدر ..

انا ماقصد اني احاسب احد او اغلط احد بالكلام ..

لكن لاتخلي موضوع مثل هذا يحبطك ... اذا عندك واسطه شغلها .. ولا لا تضيع وقتك وانت تحزن على شي انت عارف انه ماراح يصير إلا بواسطه او انك تسوي شروطهم ...


اثبت نفسك وخلص شروطهم ...

وعلى فكرة ... اختبارات الايتلس والتوفل تصير كل فترة ولها جداول معينه ... اذا انك تشوف نفسك تقدر تدخل الاختبار ... احجز لك مقعد في احد مواعيد اختباراتهم .. واختبر واثبت ان انقليزيتك كفوا نك تدخلك الجامعه .. وخذ درجه اختبارك اللي جبتها وقدمها على الجامعه ... (( بتقول الجامعه فيها واسطات قبول بعد !!))

اختبر وشوف نفسك .. انت تقدر تدرس جامعه ولا لا ..

مو شرط انك تجلس طوال فترة اللغه وتخلص جميع المستويات ...

قدم على اختبارات التوفل ولا الايتلس وجيب الدرجه اللي تبيها الجامعه .. وخذ قبول الجامعه وارفقه للملحقيه وراح يضمونك بسرعه ...

30 ساعه ممكن يتغاضون عنها

‏‎

انا اشوف موضوعك، لايسمن ولا يغني من جوع ، بل يزيد الهمّ هماً
فـ لو مانزلته يكون شي طيب ..
وانا معك في نقطة اننا لابد نركز على شروطهم قبل نجي ..
لكن حالياً البعض ليس باستطاعته ان يستكمل ، وليس بوده أن يرجع بعد هذه المدة التي قضاها ، البعض 3 اشهر وأكثر !
مانقول الا عسى الله يعجّل بانضمامنا .. ولا أوصيكم بـ كثرت الاستغفار

أتمنى لكم حظاً طيباً ..

اخي ... انا لا اقصد ان ازيد الهم هما ...


لكن الكل هنا يكتب عن اني اراسل الملحقيه ولا يقبلوني ...

طيب اذا انت عارف من اول انهم ماراح يقبلونك .. تضيع وقتك ليه ..

واذا كنت خلال 3 اشهر استطعت ان تتقن اللغه او على الاقل تستطيع ان تتجاوز اختبار التوفل او الايتلس بالدرجات اللي تطلبها الجامعه ... اختبر وجيب قبول الجامعه ...

مو شرط انك تنهي جميع المستويات ..

الشرط انك تجيب قبول اكاديمي من الجامعه غير مشروط

فديت هالاسلوب انا ..

كلامك بطل لكن المشكله ياحبيب قلبي انت ,, بالله من كل عقلك تسمي هذي شروط ؟ هذي شروط تعجييييييييزيييييييه

ياعااااالم لمتى نضحك على حالنا و نقول اننا ماشين صح الى متى؟ والله محد يطلع من الثانوية العامة و يجيب الايلتس او التوفل الا اذا كان ولد عايله ( هااااي ) يعني كل صيفية في بريطانيا او امريكا سياحة فقط

فـ طبيعي تلقاهـ بلبل ,, لكن باقي الشعب اللي شاد على نفسه بالثانوية خصوصاَ بالانقلش ,, من كل عقلك انت و تعليمك العام الفاااشل هذا اللي تعليم السودان اطلق منه

معليش يا جماعه بس نتكلم بالمنطق شوي ,, انا عن نفسي اقول المفروض يعاد النظر في قضية هاللغة لأنها عيب تعليمهم من الأساس , و يصير الضم مثلاً يعتمد على أول ترم ( لو المعدل ممتاز ينضم ) ..

و بعدين كل سنه يضيقونها شوي و يصعبونها لأنهم توهقوا و تورطوا بتوظيف المبتعثين فقالوا ليش نسهلها لهم

هذا كلامي على موضوعك و تبي تاخذهـ فهو لك , ما تبي فهذا الواقع اللي صاير شئت أم أبيت ,,

تحياتي لك ي ( كاتب ) << يا أسلووب ههه

فمان الله

ياخوي سوا انا خلصت لغة او لا من حقي الحكومة تصرف علي
ايه من حقي اقولها بالفم المليان !!! انا سعودي وابن أرضي حتى لو ماكانت اسمها السعودية انا مادخلني , اللي ابي الكل يعرفه ان هالبترول هذا اللي مغني ناس وناس مو مستفيدين منه
ترى كلنا عيال بلد واحد اجدادي واجدادك هم اللي بنو هالبلد والثروات اللي بهالارض هي من حق كل فررررررد في المجتمع مثل مانت تشتغل حق تورث لعيالك مسكن ترى حتى اجدادك بنو هالارض حقنا احنا اللي ماحصلنا 10% من قيمة الثروات اللي بأرضنا احنا عيال البلد !!!!!!!!!!!!

لما بخلانين علي براتب حق دراستي ترى فيه ناس يستلمون راتب شهري من عمرهم 3 سنوات ويكبرون مايعرفون لايقرون ولا يكتبون وابشرك تجيهم سيارة وكالة وينامون على سرير وفيه نور احمر خافت بالغرفة !!

هذا حنا مانبيه حنا بس نبي نقضي حاجتنا ماقلنا نبي نصيبنا من مال هالأرض حق نشتري به ذرة ونشاهد فلم بالسينما ,, حنا طالبينه حق نتعلم !

هذا اللي عندي مابي أخرب الموضوع مع السلامة .

بعدين تعال تعال هههه

نسيت شي بقولك عليه ,, اللي هو والله لو انك ادشششششر واحد بالمملكه الدراسه يمين و انت يسار و تشوف هالمكرمات اللي صارت ورا بعض والله لتجي لو سباحه بعد

هذا لو انك ادشر واحد ,, شلوووون حنااااا اللي مقطعتنا الدراسه و شادين على نفوسنا ,, اقسسسسم بالله ياخوي اني ادري ان نصيبك بيجيك غصب عن الناس كلها

بس لما تشوف احد يدخل بالواااااااااااااو والله يعور قللللللللبك ان شايبك يصرف على عياله اللي عندهـ و عليك و صرت هم عليه

معليش بس الواحد يحس شوي

أنا أتفق مع كلامـ أخوي نور وأخوي غآم
أنا أخذت لي كورسات لغة أنجليزية في المعهد البريطاني ما أحس استفدت مثل لما جيت ومارست اللغة في المكان الأصلي للغة
كنت بالسعودية أحفظ الجرامر والكلمات وخلاص أنجح !!
بس هنا مجبوره أتكلمـ اللغة الأنجليزية
وغير كذا من حقنا كا سعوديين أنه الدوله تعطينا عشان نكمل دارستنا
مو ماسكين علينا الألحاق في بريطانيا مغلق بسبب التكدس!!
وآلحين بأمريكا خلص لغة وبعدين تعال نلحقكـ !!
الله يعينا عليهمـ وعلى قرارتهمـ
وأذا ربنا أردا شئ بيصير غصبن عنهمـ وعن قرارتهمـ

اذا بتدخل على موضوع حقي والبترول ومن حقي نصرف علينا .. هذا موضوع ثاني ..

يا عزيزي ... ترا كلنا درسنا بالثانوية .. وحكوميه بعد ..

لكن ما تعتمد عليها ابدا ...

اختي كان دراسه على حسابها الخاص ... درست لغه شهرين فقط .. ودخلت احد اختبارات التوفل وجابت درجه اللي طالبتها الجامعه .. والحمد لله ارسلت القبول للملحقية وضموها الحين ...

وزي ماقالوا الاخوان .. قبل ماكان فيه هالشروط ..

لكن لما تجي وتشوف ان صار كثير من اللي يجون هنا عشان وناسه وراتب وامريكا وفلله ووناسه .. اكيد الدوله بتحط شروط ( بتكون تعجيزيه للي مايقدر عليها وللي يبي الفله والوناسه )

اخوي .. الشروط ليست بتعجيزية ولا شي .. الشروط تضمن للدوله انك هنا جاي للدراسه .. لأن نظام الدراسه هنا انك تكرس 80 % من وقتك للدراسه ..


الدعوة ماهي حضور وفقط ..

ممارسه لغه ..


عموما .. الله يسهل لكم ..

وزي ما قلت لك .. اذا تبي قبول جامعه ادخل احد اختبارات التوفل او الايتلس واختبر وجيب الدرجه وراح يجيك القبوول ..