تككككفون ساعدووني

وعليــــــــــــكم السلام ورحمة الله وبركاتـــه
الحمد لله على سلامة الأسفار
إذا تقصد تبي تفتح ملــف إلحاق بالبعثه ؟
لازم بالاول تسوي طلب دراسة طالب على حسابه الخاص وتعبئ جميع النماذج المطلوبة منــك ( ياليت تعبيها بحذر تام حتى لا تنسى شيء ) وترسل الطلب ،واذا وافقوا على طلبك بعد ذلك تقدم طلب الحاق طالب دارس على حسابه الشخصي بالبعثه ، وعسى الله يكتب لك الخيــــــــــــــر حيث كان
طبعاً اذا بتلغي طلب ، موجود خيار جنب الطلب ، إلغاء الاجراء تضغط عليه وتضع سبب الالغاء .. مثلاً سويت طلب ونسيت ترفق بطاقة الاحوال ، تسوي الغاء الاجراء وتكتب السبب عدم ارفاق الهوية الوطنية

أي خدمة تــرا حاضـــــــــــــررين

وين الطلب اصلا ماعرف شلون اوصله عشان احط هذا الخيارو انا كل ماحاولت اني افتح ملف يطلعلي (عفوا يوجد طلب دراسه على حسابه الخاص مفتوح الرجاء الانتظار حتى ينتهي) انا ابي الغي هذا الطلب عشان هذا الطلب معناه اني مابي التحق فيهم تكككككككفون عععلموني والله مالكم الا الدعاء بس علللممموني تكككفون

يَ ليت تشرح وضعك اكثر لاني مو فاهم انت وش تبي بالضبط
هل انت عندك رقم بالملحقية وتدخل على صفحتك ؟؟

هل لديـــــــك حساب في بوابة الطلبة المبتعثين ؟ وتقدر تدخل على صفحتــك ؟

يابعد راسي لا تشغل نفسك انت ماشي صح اصلا فتح الملف اول ماتجي هو نفسه طلب دراسه على حسابك الخاص ولما يردون عليك بالمسن انه مقبول تسوي طلب الحاق بالبعثه لا تلغي ولا شي انت ماشي صح

انا توي وصلت قبل امس وفتحت موقع الملحقيه بامريكا عشان افتحلي ملف رحت ضغطت على الراغبين في الابتعاث مفروض بعدها اروح لفتح ملف انا غلطت رحت (لطلب دراسه على حسابه الخاص) وعبيت المعلومات بس باقيلي صوره الفيزا ماحملتها فيه وحطيت تسليم لما حطيت تسليم انتبهت اني غلطت مفروض اني اروح افتح ملف مو اروح لطلب دراسه على حسابه الخاص انا الحين ابي الغي هذا الطلب عشان افتحلي ملف ولا عرفت كيف ولما اجي اجرب افتح ملف يقولي (عفوا يوجد طلب دراسه على حسابه الخاص مفتوح الرجاء الانتظار حتى ينتهي)

ايه بس المشكله انه باقي الختم حق الدخول والفيزا مارفعتهم

اخوي انت اصلاً مو عارف وش تبي بالضبط
عطنا قصتك الله يحفظك باختصار
انت رايح على حسابك وتبي تلتحق بالبعثه ولا كيف؟
فهمنا الله يسلمك علشان نقدر نفيدك.

شـــوف يالحبيب : انت اول شي تسويه تفتح ملف ( طلب دراسة طالب على حسابه الخاص ) وترفق النماذج المطلوبة ( واذا مثلاً قدمت طلب وناقص فيه شيء : راح يرفضونه لك ويرسلون لك عبر الايميل او الجوال بان الطلب تم رفضه ويكتبون لك النواقص ) ترجع مره ثانية وتسوي نفس الطلب وترفق جميع النماذج وياليت تكون منتبه ومركز وقبل ما تسوي تسليم تشيك على كل شيء ، ثم بعد ذلك اذا تم الموافقه على الطلب ، تروح لموقع بوابة الطلبة المبتعثين وتدخل رقمك السجل المدني وتضغط على خيار اول مره تسجل ، بحيث انهم راح يرسلون لك الرقم السري لدخولك لصفحتك عبر الموقع الى البريد الالكتروني ولازم انك تسجل هالرقم عندك بجوالك بالملاحظات ، بعد كذا ترجع لنفس الموقع وتحط السجل المدني والرقم السري وبكذا انتَ دخلت على صفتحتك بالموقع .
بعد كذا ي صديقي فيه خانه ( الخدمات الدراسية ) فيها خيار ( طلب إلحاق بالبعثه ) تختاره وتحط البيانات المطلوبة منك بالضبط ، للمعلومية الـعلامة هذي ( * ) يعني ضروريه
ثم ترفع الطلب وتتابع اجراء الطلب عن طريق متابعة الطلبات
اتمنى اني افدتك ، واي استفسار اطرحــــــــــــه ،، واحنا حاضـــــــــــررين