مساعدة بخصوص الضمان المالي

بالنسبة للغة اكيد انجليزي

و بالنسبة للضمان انا افضل انه تكتب اسم الجامعة و سيبك من "لمن يهمه الامر"

لاني قدمت لولد خالتي فـ جامعة فـ تكساس ولا بغوها

حدد الجامعات اللي تبغاها و خله يسوي لك ضمان بنكي لكل جامعة

و انسخه 3 او 4 نسخ , ادري حوسة بس الاحتياط واجب

ازيد على كلامك ان بعض البنوك مثل سامبا
طبعا انا اتوقع انه يكون جميع البنوك تعمل بهذا النظام
وهو الان ممنوع عندهم يطلعون شهادة لمن يهمه الامر
يعني لازم تحدد الجهة الي راحد ترسلها لهم


طبعا عزيزي صاحب الموضوع
اسمها شهادة بنكية
وليس ضمان مالي او ضمان بنكي
لأنك لو قلت للبنك كدا فراح يحجزون المبلغ (هذا حسب كلام بعض الاخوة الي لهم خبرة في دي الامور هنا في الملتقى حسب كلامهم)

طبعاً للجامعة تحتاج شهادة بنكية ولا تحتاج كشف حساب
والشهادة البنكية تقدر اليوم تحط في الحساب اي مبلغ بالي تبيه
وتروح للبنك وتقول لهم ابي شهادة بنكية
راح يعطيك الشهادة في نفس اليوم او يوم ثاني


اما للفيزا يعني للسفارة او القنصلية فالمفترض الواجب توافره هو كشف حساب لمدة ثلاثة اشهر وهذا الشي المكتوب في موقعهم او في موقع حجز الموعد للسفارة

بعض الناس تروح السفارة بالشهادة البنكية ويمشونهم
والبعض ما يمشونهم ويطلبوا انهم يرسلوا لهم كشف حساب ادا كان ما اخدوه معهم

انا بالنسبة لي طلبوا علي كشف حساب وكان عندي
وكانت عندي الشهادة ايضاً
زوجتي ما طلبوا عليها ولا حاجة

يعني انت وحضك
ولكن احمل معك الكشف افضل
وهو راح يغني حتى لو بس طلب الشهادة
يعني مثلاً لو موضف السفارة طلب منك الشهادة البنكية وانت قلت له ما عندي ولكن عندي كشف حساب حديث لأخر ثلاثة اشهر
فراح يمشي

اما لو طلب كشف الحساب وانت عندك فقط الشهادة فالاحتمال الاكبر انه ما يمشي ادا كان يريد كشف الحساب فقط وما وده يمشيك الا به
لأنه هو الشي الرسمي المطلوب في السفارة

اهم شي كشف الحسااااب لاتنساه

انا من تجربتي قدمت كل حاجه بالشاهده البنكيه وكانت لمن يهمه الامر
قبولي في الجامعه والمعهد بنفس الشهاده وايضا السفاره مشوني بالشهاده وربي يوفقكم

انا سويت كل شي بالشهادة البنكية
وكانت ( لمن يهمه الأمر ) للجامعة والمعهد
وثانية كانت موجهة للقنصلية ( To: United States Consulate General )

انصحك تسوي كذا ..
لان السفارة/القنصلية تبي ورقة موجهة لها.
وسوي لمن يهمه الأمر لتستخدمها في امريكا ( احتجت لها كثير هنا )