مهم جدا جدا جدا

December 25th, 2011, 11:24 AM

انا لي خمسة اشهر واله خلاص تبت انا درست وجتهد ولكن حسبنا الله ونعم الوكيل خلاص باقي لي في امريكا اسبوعين اذا ما ضموني والا الرحله جاهزه بعد اسبوعين من الان خلاص قصيت التذاكر اقسم بالله يا شبااب حبيت اقولكم شي ان اصحاب الواسطه عند المقدره ان يدرس علئ حسابه سنتين ويمكن اكثر لا ومع ذالك تجيه البعثه بارد مبرد اللهم لا حسد ولا الفقري لا واسطه ولا مال ولا مع ذالك وجه يقلب الكبد هههههه والا صاحب الواسطه تحصله ياكل في احسن مطعم وملابس اغلئ ملابس ومع ذالك معه سياره ولا يتوصخ ثوبي ااااي اي يعور والا الفقري تحصله معبي الثلاجه خبز وجبن لا ومع ذالك ياكل وجبه وحده ويمشي للمعهد يوميا يقوم من النوم قبل الدوام بساعتيتن علشان ا بين المعهد والسكن 3 كيلو لا والويكند في البيت والا صاحب الواسطه دارس الثانويه في اهليه ولا هومتعود يقوم بدري بسبب البرد وكل ويكند في ولايه واذا سالت الفقري ليش ماتخرج كثير يقول علشان اوقر وتحصل المبلغ اللي معه 200 دولار والا صاحب الواسطه لو تفتح حسابه اتحداك تعينه اقل من 2000 دولار لا ويزيد يتصل علئ ابوه يقول حولي 3000دولار والفقير جالس يرسل للملحقيه اول ما يوصل السكن ولا ينام وما اكل شي من الصبح واذا جا المغرب بدا يذاكر ويتفائل ويقول اكيد الاسبوع الجاي بضمونا والا صاحب الواسطه اول ما يوصل ينام لانه ماهو بفاصي علشان عنده في الليل حفله والا مشوار الئ البار لا ومع ذالك يجيك اللي يجيب الجلطه اخر خبر سمعته عن الملحقيه يقولون احنا ما عاد بضا مين احد في اللغه علشان الطلاب يلعبون بعد الانضمام والله انه ما لعب الا صاحب الواسطه اللي ما تعود علئ الدراسه من ايام الثانويه والا اذا عطوا احد وزارة الواسطات بعثه ما يدرون عنه طول الفتره الابتعاث لين يطلع احسن طالب في الجامعه اكيد تحصله طالب فقري لانه ماهو متعود علئ الراحه متعود علئ الجد والا جتهاد ولوتساله كيف جاتك البعثه بيقول والله بعد مشقه وعناء دامت اقل شي ثلاثه اشهر وصاحب الواسطه ما جلس اسبوع واحد لا ومع ذالك فاشل يقولون هذا بفضل الله ثم بفضل جهودنا واقسم بالله ياوزارة الفلس انكم ماتدرون عن المبدعين ولا تعرفون شي ما تعرفون الا المثل اللي يقول ( امسك لي واقطع لك) واذا ما ربي كتب للطالب الفقري بعثه رجع للسعوديه جلس عاطل وجماعته يقولون ما ضموه علشانه هستر في امريكا وهم ما يدرون عن شي وصاحب الواسطه تنتهي بعثته وهو في المستوئ الاول في المعهد ولا مع ذالك مغير المعهد حول عشرين مره ويرجع السعوديه ويتوظف في الشرطه وبعد سنه يترقئ ضابط والا الفقري يصل عمره 30 سنه وهو عاطل لكن اقسم بالله لو يكون فيه رعايه ودراسه انا متاكد ان الشعب السعودي الفقير انه ناجح ميه في الميه لان عندهم عقول وحب للعمل لكن ما اتيحت له الفرصه مثل غيره وبعد معانه يتوظف في سلاح الحدود بالواسطه وعمره 40 سنه ويتزوج وعمره 45 سنه ولا معه بيت معه شقه وايجار في اخر السنه 30 الف ريال والسياره كرسيدا موديل 90 الا صاحب الواسطه تحصله عميد وبيته قصر وسياره بي ام ولده من عيال اي اي يعور ولد الفقري نفس الاب فقر ومدرسه حكوميه لا ومع ذالك يكفخه المدرس ويسر نفس مسار الاب والا ولد صاحب الواسطه وهو من الابتداي يدرس في الاهليه علشان ما يتعب ويموت الفقري وهو ما تهنا بحياته بل مرت كلها تعب ومشقه لكن هذا حال الدنيا ونسال الله له ان يعوضه بالجنه وتكمل بقية سالفة الابناء كما صار للاباء وفي الا خير تكون مجتمع بلارحمه لا يعرف الحق بس يعرف نفسه ولا يدري ان فيه ناس يتمنون لقمة العيش ولكن حسبنا الله ونعم الوكيل والصلاه والسلام علئ افضل الاخيار .

• نشر عبر تويتر
• نشر عبر فيسبوك
• نشر عبر جوجل