الإنضمام والمستقبل والحل الجذري

January 5th, 2012, 10:18 PM

إخواني الطلاب كلنا نعرف ان الإشاعات كثيرة وكلن كان يقول بعد الميزانية وجت الميزانية ومافيه شي والي يقول مصادري الخاصة وبعد 42 ساعة وبعد مافيه شي كله كلام وإشاعات حتى حكي الجرائد ماينفع ولا أفادنا بأي شي وإنتوا اعلم بالمصاريف حتى قيمة VXR جديد مايكفي هنا ، المهم ياإخوان نحنا الحمد لله احسن من غيرنا تعلمنا شوية لغة تفيدنا في حياتنا ، صح البعثة حق لنا وبالرغم من كل هذا الجرائد نشرت معاناتنا وعلقنا وفوق كل هذا ماجانا شي يقولون فيه شي جاي بالطريق ولو فيه شي كان المستشار طمنا الله يجزاة خير ، المهم كل واحد يسويله خطة بديله ولا يقول مستقبلي ضاع ، بالرغم من كل الضغوط ولكن الحمد لله على كل حال والي مايقدر يكمل يرجع للسعودية وهذا امر محتوم لأكن لا يقعد يندب حظة ويقول ضاع مستقبلي ، الخطة البديلة فيه عندنا الجامعات مثل الجامعة العربية المفتوحة تقدر تدرس فيها ومعترف بجميع الفروع في جميع مناطق المملكة ( تم الإعتراف بجميع الفروع ) ورسومها مقدور عليها وفوق كل هذا تحيك شهادة بريطانية غير الشهادة السعودية او الدراسة بالانتساب في احد الجامعات الحكومية او الالتحاق بالجامعة الاكترونية الجديدة ، يعني الخيارات كثيرة وليست بموافقة مسؤول يحدد مصيرنا لا والله مايخسى الا هو، هذا الي طرى على بالي وحبيت افيدكم إخواني ومابي احد يحبط ويقول مستقبلي ضاع ، لازم نحقق أحلامنا ونكمل تعليمنا عشان نثبت للمسؤولين اننا لنا طموح وبنحققة ان شاء الله غصبن عنهم ، وبالرغم من كل الجرائد الي نشرت أكيد الخبر وصل لأبو متعب الله يحفظة وأكيد توصى فينا بس للأسف البطانة الفاسدة الي تحتة مانفذوا الأوامر وهذا سبب وجود هيئة مكافحة الفساد عندنا ، أعيد واكرر الخيارات كثيرة ولازم ماتنهدم أحلامنا بسبب مسؤول متخلف ماخاف الله في مكانه وليكن شعارنا ، نبني*طموحنا بأنفسنا وبتوفيق الله وليس بمزاج مسؤولين الوزارة والله يوفقنا ويكتب لنا الخير. اللهم امين اللهم امين.

• نشر عبر تويتر
• نشر عبر فيسبوك
• نشر عبر جوجل