الأعضاء الإشتراك و التسجيل

الملتقيات
ADs

بخصوص ولاية فلوريدا - أتمنى أن أجد الرد منكم

بخصوص ولاية فلوريدا - أتمنى أن أجد الرد منكم


NOTICE

تنبيه: هذا الموضوع قديم. تم طرحه قبل 4466 يوم مضى, قد يكون هناك ردود جديدة هي من سببت رفع الموضوع!

قائمة الأعضاء الموسومين في هذا الموضوع

  1. الصورة الرمزية مثقف سعودي
    مثقف سعودي

    مبتعث مجتهد Senior Member

    مثقف سعودي الولايات المتحدة الأمريكية

    مثقف سعودي , ذكر. مبتعث مجتهد Senior Member. من الولايات المتحدة الأمريكية , مبتعث فى الولايات المتحدة الأمريكية , تخصصى MBA , بجامعة UCLA
    • UCLA
    • MBA
    • ذكر
    • Los Angeles, CA
    • الولايات المتحدة الأمريكية
    • Jan 2010
    المزيدl

    January 6th, 2012, 02:33 AM

    تحية طيبة لجميع الأخوان والأخوات ....

    أنا بإذن الله طالع أدرس لغة على حسابي الخاص ومع زوجتي وطفلين
    جبت قبول من جامعة سنترال أوف فلوريدا بأورلاندو وسفرتي ب 11 فبرااير والكلاس يبدأ ب 16 فبراير
    معي فيزا على نفس المعهد
    وحجزت طيران وسكن وضبطت كل أموري هناك واخذت إجازه من الدوام
    دخلت موقع وزارة التعليم العالي وتفاجأت أن جميع معاهد وجامعات فلوريداً مغلقة للتكدس !!!!

    سألت المكتب اللي جاب لي قبول بالرياض وش الحل ؟؟
    قال عندك حلين :

    الأول / أنك تقدم فيزا من جديد !!!! وتدفع لي أجيب لك قبول جديد من معهد بغير ولاية فلوريدا .
    الثاني / أنك أجيب لك قبول معهد بولاية ثانية وتروح للمعهد وتقول لهم خاطبوا معهد جامعة سنترال اوف فلوريدا عشان يحولون
    فيزتك إلى معهدهم وكذا أمورك تمام !! (( هل صحيح كلامه وهل فيها مشاكل مع الهجرة الأمريكية أو أنها شغله نظامية ؟؟))

    واليوم شفت أحد الزملاء ويدرس بأورلاندو وهو بالرياض الحين وسالته عن الموضوع
    قالي موضوع أنك تجي بفيزا على معهد وتروح معهد ثاني ترى ممنوع وممكن يمسكونك ويسفرونك !!!
    طيب قلت له وش أسوي قال أنا سبق ودرست بكالفيورنيا وبعد دراستي بفترة أوقفوا جميع جامعات ومعاهد كاليفورنيا للتكدس
    ولكن كان يجي طلاب أكثر من قبل !!
    وقال قرار وقف التكدس خاص بالطلاب اللي داخل أمريكا الملحقين بالبعثة الذين يرغبون بتغيير ولاياتهم وينتقلون إلى معاهد وجامعات فلوريدا
    والكلام ماينطبق عليك لإنك جاي على حسابك وبالتالي مالك علاقة بوزارة التعليم العالي

    أتمنى ياشباب ويابنات اللي عنده خبر وعلم أكيد عن هالموضوع يرد علي
    والله إني في هم وغم مايعلمه إلا الله وتحطمت كثير ، شاكر ومقدر لكم إهتمامكم وخدمتكم للجميع .
  2. انت شف الخيار المناسب ...
    والخياار الانسب هو انك تخلص امورك كلها في السعوديه لا تستعــــجل على شي ابدا لان اذا جيت هنا يمكن تمر بعقبــات صعــبه بعدين
    يعني طــلع لك فيزة بمعهد غير فلوريدا غير الولايه بسبب التكدس شوف ولايه حلوة تشوف نفسك راح ترتاح لها يعني وطلع فيزه لها
    وبعدين بتروح وانت مرتاح ... ( افضل انو تجي وعندك عقـبات تواجهك )
    ..........
    تحياتي والسموحه على التقصير .. ^^

    7 "
  3. هلاآبك آخوي حيآك الله وبسسيطه مرره
    بالنسبه لخويك قله ياخي حرام عليك مسوي فاهم وانت والله ماعندك سالفه < اكرره النوعيآت هذي
    انا مجرب وعندي اخوياني كثير هنا تعال لفلوريدا ومشي امورك ولو انضميت عادي معاك مهله 6 اشهر لتغيير الجامعه والمعهد
    لان سالفة تغيير الفيزا مره طويله ويمكن تتاخر على غير فايده
    انت تعال هنا ومشي امورك واذا استقريت كلم المكتب وخله يجيب قبول لجامعه لمعترف فيها وعادي مره تنقل السمستمر بعده
    لاتكبر الموضوع ويجلس يضحك عليك خويك مسوي فاهم ،، وفلوريدا مرره بطله بتنسبط فيهآ بس فيها عرب بشكل مره كبير
    انصحك تكلم المكتب يجيب لك قبول مشروط من جامعة بوسطن مره قويه ومدينة بوسطن حلووه والله لو جيتها ماتغيرها < الكلام هذا بعد مآتجي
    7 "
  4. شكراً للأخوان اللي ردوا وبيض الله وجيهكم والله يوفقكم بدراستكم ويرزقكم من غير ماتدرون

    إذا بغير الفيزا والمعهد والجامعة فيها مشاوير وفلوس ووقت
    وانا سفرتي بعد شهر بس !!

    وبالنسبة للأخ عبدالعزيز الرسلاني أنا أخاف مايضموني من الأصل يقولون لي معهد متكدس غير ولايتك ونضمك هنا الخوف وإلا وش رايك
    7 "
  5. المشاركة الأصلية كتبت بواسطة عبدالعزيز الرسلاني
    هلاآبك آخوي حيآك الله وبسسيطه مرره
    بالنسبه لخويك قله ياخي حرام عليك مسوي فاهم وانت والله ماعندك سالفه < اكرره النوعيآت هذي
    انا مجرب وعندي اخوياني كثير هنا تعال لفلوريدا ومشي امورك ولو انضميت عادي معاك مهله 6 اشهر لتغيير الجامعه والمعهد
    لان سالفة تغيير الفيزا مره طويله ويمكن تتاخر على غير فايده
    انت تعال هنا ومشي امورك واذا استقريت كلم المكتب وخله يجيب قبول لجامعه لمعترف فيها وعادي مره تنقل السمستمر بعده
    لاتكبر الموضوع ويجلس يضحك عليك خويك مسوي فاهم ،، وفلوريدا مرره بطله بتنسبط فيهآ بس فيها عرب بشكل مره كبير
    انصحك تكلم المكتب يجيب لك قبول مشروط من جامعة بوسطن مره قويه ومدينة بوسطن حلووه والله لو جيتها ماتغيرها < الكلام هذا بعد مآتجي
    سبحان الله وانا اقرا الموضوع ودي اقله نفس كلامك اكرررررررررررررررررررررررررررررررررره المتفلسفين

    صاحب الموضوع نصيحه اسمع كلام الادمي ذا
    7 "
ADs

قم بتسجيل دخولك للمنتدي او

الانضمام لمبتعث

Search Engine Optimization by vBSEO ©2011, Crawlability, Inc.