اتمنى اتمنى تساعدوني

طموحي ، حبيبي كان بودي خدمتك بس ما عرف عن أمريكا شيء .

لكن أنصحك نصيحه لوجه الله تعالى ، وصدقني هي مربط الفرس ( عليك بصلاة الاستخارة أكثر من مره )

وعسى الله يكتب لك الخير حيث كان ، ويصلح لك زوجتك وذريتك ،

اخوي ربي يوفقك انشالله ويكتب لك اللي فية الخير ..

انا حالياَ في مدينة ملبورن في استراليا .. قبل لا اجي هنا كنت مقدم على امريكا بس ماعطوني الفيزا ليش ما ادري -_-
تقدر تقول خيرة الحمد لله انا الحين في استراليا ومرتااح ياربي لك الحمد وانا اشوف هنا عوائل سعوديين واجد
والله يا اخوي الحريم يمشون بالعباية والنقاب محد يقول شي اتوقع امريكا عكس هذا اذا ما خاب ضني
بس مشكلة استراليا غالية شششوي ^_^

بالنسبة لي قبل لا اجي استراليا كنت مقدم على ولاية بنسلفانيا في امريكا مدينة فلاديفيا
ماعندي معلومات واجد عنهاا بس ناس واجد يمدحومنهاا ...

الله يوفقك انششالله وتحقق طموحك ..

سيف العدل مشكور حبيبي على الدعوه والنصيحه
ماتقصر والله
.........................

عبد الله لي صديق راح استراليا ومره مرتاح هناك ونصحني اروح معه
واتوقع نسبة السعوديين قليله فيها
بس مشكلتها غاليه ويبي لها ميزانيه غير اللي معي
بالتوفيق يا الغالي وماتقصر عسى الله يوفقك وترجع بالشهاده

^ عسسى ربي يوفقك ومشكور على الدعوة الحلوة ..

اهلين اخوي ..
اول شي لازم تتأكد من شغله مهمه .. هل جلوس زوجتك من غير دراسه لأكثر من ست شهور مايتعارض مع قوانين الهجره ؟
للأمانه انا مدري .. لكن اللي اعرفه ان هي تاخذ فيزا F2 وانت F1 واللي اعرفه ان فيزتها بتكون لست شهور فقط .. ارجع اقول لك تأكد انا مو متأكده من وضع الزوجه بس اللي اعرفه ان الام والاب مايسمح لهم اكثر من ست شهور بناء على الفيزا حقتهم
طبعا لو كان ممكن انها تجلس اكثر من ست شهور عادي بتكون وفرت على نفسك كثيررررررر .. لان مابتحتاج انك تسجلها بمعهد وتسجل عيالك بدي كير "حضانات" وطبعا معروف ان اسعارها جدا غاليه .. الا اذا بتحطهم بحضانات اسلاميه اسعارها ارخص بس تضل مو رخيصه
بالنسبه لدراستك انت اذا لغتك قويه مايحتاج تسجل بمعهد لغه .. اختبر توفل او ايلتس بالسعوديه وقدم على طول على جامعه وهنا بيكون انضمامك سريع .. بس تطبع لهم القبول حق الجامعه مع جدول موادك ويضمونك .. لكن اذا بتجي وتضيع فلوسك على معاهد بتتوهق لما تجي تسجل بالجامعه لانهم يطلبون ضمان مالي ووقتها بيكون المبلغ اللي بحسابك مايغطي الضمان المطلوب
لذلك انصحك انك تختبر بالسعوديه وتقدم عالجامعه وانت هناك وتجي وامورك خالصه ويكون انضمامك سهل

# هاذي مجرد نصيحه من انسانه تدرس بأمريكا على حسابها الخاص

السلام عليكم ...
انا اوافق Mima
اذا كانت لغة جيدة وممن الممكن ان تحصل علي 72 او 82 في التوفل فاعتد انك تختبر في السعودية وتطلع للدراسة علي طول وهناك بيكون الانظمام للبعثه مجرد وقت قد لا يصل الي شهر ...
نقطة ثانيه حقيقه ... انا لا افضل ان تذهب بعائلتك مبدئياً وهذي نصيحة من اخ قد يخالفني البعض الا انه الواقع يحتاج ان تذهب بمفردك اولاً لانه لا اخفيك مبلغ 100 الف ريال لن يكون كافيا لاصدار 4 تأشيرات وقد يكون سبب في الرفض لا قدر الله ناهيك عن انه احيانا الانسان يحتاج لكي يشاهد الوضع بنفسه فصدقني ليس من راء كمن سمع فنصيحتي تأجيل موضوع الاهل لفتره شهرين او 3 اشهر وفي حال الانظمام في ذالك الوقت سوف يكون الامر اسهل وافضل ...
اخيرا اكرر وجود اهلك معك مبدئيا مهما كانت الولايه حتي لو ذهبت الي تاكسس لن تكون الامور مناسبه لانه السكن لاربع اشخاص لن يقل عن 800 دولار ناهيك عن مصاريف الحضانه والمصاريف الشخصيه وايضا لا اغفل السفارة الامريكيه

مشكوره اختي Mima و اخوي قلم بلا حبر
اشكركم على الاهتمام والرد
بس والله انا مصدوم مره ماتوقعت السالفه بهالتعقيد
انا لغتي الحمد لله قويه ( احتمال ) اقدر اجيب درجة التوفل المطلوبه
راح احاول اقوي لغتي اكثر خلال هذي الفترى

.................

ولنفرض يا اخوات ويا اخوان اني جبت درجة التوفل المطلوبه و تركت زوجتي واولادي ورحت ادرس لحالي خلال كم يلحقوني
لاني مااقدر اتركهم كثير

.................


والاخ اللي كاتب لي رساله ( الله يعطيك العافيه على الاهتمام)
بس ماقريت محتوى الرساله

لايمكنك استخدام هذه الخاصية, لم تصل مشاركاتك للعدد المسموح الذي يمكنك من استخدام الرسائل الخاصة.

يعني مدري وش كاتب لي

وعطوني ردود اكثر لاهنتوو عشان اقرر وش اسوي لاني ضايع
وهل المبلغ الي عندي قليل < لو فرضنا اني لحالي وابي التحق بسرعه

شوف اخوي انت اختبر الايلتس مش التوفل , لان الايلتس اسهل , بعد ما تختبر وتطلع لك الدرجه وكانت حلوه تقوم تقدم وانت بالسعوديه على الجامعات , وتشوف وين يجيك القبول , وبعدين تفاضل بين خياراتك وتختار الجامعه الاحسن , بعد مايجيك القبول النهائي وتسجل مواد الجامعه وتدفع الرسوم وكل شي تجي لأمريكا تفتح طلب الالحاق وترفق لهم قبول الجامعه مع جدول للمواد اللي سجلتها وتنتظر ردهم عليك وراح يكون فيه حالتين قدامك
الاول \ راح يتم ضمك على طول يعني خلال شهرين بالكثير ويتم استرجاع المبالغ المدفوعه للجامعه
الثاني\ وهو احتمال ضعيف بس انه ممكن ومن باب الامانه بقوله لك , انهم يقولون لك خلص 30 ساعه لو انت بكالوريس او 9 ساعات لو انت ماستر وبعدين نضمك

لو تبي رايي انت خلص اختبار الايلتس وسجل بالجامعه وتعال قبل الدراسه بثلاث اسابيع وضبط شقتك واثثها وشوف لك سياره وبعدين خل اهلك يجونك , لان عيالك الله يحفظهم لك توهم صغار واحس بيتبهذلون بأول الايام , فخلهم يجون وكل شي مرتب وجاهز وتكون عرفت الديره وتعودت عليها , يعني تقريبا يجونك بعد شهر من سفرتك

# هذا رأيي وانت ابخص بظروفك .. الله يسهل علينا وعليك

والله يالغالي ... ما اعرفه انه في حال احضار الجدول الجامعي في تخصص مطلوب وجامعه معترف فيها فان الالحاق مجرد وقت لا اقل ولا اكثر ... علما انه هنالك تعميم من الوزير في حال اتمام اللغة وتنزيل الجدول الجامعي فان اوراق الطالب تعرض علي اللجنة ... هذا ما اعرفه حاليا ولكن لا اعلم ما يحدث مستقبلا .
وبالنفس للفترة الله اعلم لانه والله يالغالي ناس تلحق في اسبوع وناس تجلس شهور فانا لايمكني ان اخمن الا ان اقول الاانها بحدود الشهر ..
وبالنسبة للاهل فعلم الله لم اقل هذا الكلام الا لاني اعلم انه كثير مثل وضعك ياتي باهله مباشرة فيتورط في عقود شقق غاليه ويمكن ايضا حضانات فالامر هو نصيحة تذهب وتعرف كما يقال مالك وما عليك ومن ثم تحضرهم ..